Një 21-vjeçar është shpallur në kërkim nga policia pas një konflikti në fshatin Pulaj-Plazh, Velipojë, ku goditi me sende të forta një 64-vjeçar.

Ngjarja ndodhi rreth orës 12:30, ndërsa policia bën me dije se viktima nuk ka rrezik për jetën. Forcat e rendit po vijojnë hetimet për kapjen e autorit dhe zbardhjen e rrethanave të ngjarjes.

Policia e Tiranës ka identifikuar personin që goditi me grusht personazhin e rrjeteve sociale Genard Hajdini dhe babain e tij, 4 ditë më parë në një lokal në “rrugën Bardhyl” në Tiranë.

Kështu, ka nisur hetimi në gjendje të lirë për 40-vjeçarin Sh.G. dhe për një vajzë 25-vjeçare me inciale A.P.

Policia sqaron se 40-vjeçari akuzohet për plagosje të lehtë me dashje.

Pas debatit verbal në lokal me Genard Hajdinin dhe babain e tij, 40-vjeçari i goditi të dy me grusht.

Ndërsa 25-vjeçarja akuzohet për veprime që pengojnë zbulimin e së vërtetës.

Kjo për shkak se në momentin e sherrit, e reja ka qenë nën shoqërinë e 40-vjeçarit dhe gjatë marrjes në pyetje nga policia, ka dhënë dëshmi kontradiktore, me qëllim për të shpëtuar të dyshuarin nga ndjekja penale.

“U referuan materialet në Prokurori, ku nisi procedimi në gjendje të lirë për shtetasin Sh. G., 40 vjeç, për veprën penale “Plagosja e lehtë me dashje”, dhe për shtetasen A. P., 25 vjeçe, për veprën penale “Veprime që pengojnë zbulimin e së vërtetës”. Nga hetimet e kryera dyshohet se më datë 03.08.2025, në ambientet e një lokali në rrugën “Bardhyl”, shtetasi Sh. G. ka goditur me grushte shtetasit P. H. dhe G. H. (babë e bir), ndërsa shtetasja A. P., e cila shoqërohej me 40-vjeçarin, në momentin e ngjarjes, ka dhënë deklarime kontradiktore, me qëllim shmagien e përgjegjësisë penale për shtetasin Sh. G.”, thuhet në njoftimin e policisë.

Hetimi nisi pas denoncimit që kishte bërë në polici Genard Hajdini.

Genard Hajdini dhe babai i tij u dhunuan në orën 01:00 të mëngjesit të datës 3 Gusht, në një lokal në rrugën “Bardhyl” në Tiranë.

Të dy morën trajtim mjekësor në Spitalin e Traumës, dhe pas disa orësh u larguan.

Tiranë, 27 qershor 2025 – Një konflikt mes dy shtetasve në zonën e Rrugës së Kavajës ka përfunduar me një plagosje me thikë dhe zbulimin e një arme zjarri të paligjshme. Policia ka arrestuar 45-vjeçarin F. G., i cili dyshohet se goditi me thikë një 38-vjeçar dhe më pas fshehu një armë kallashnikov pa leje.

Operacioni i koduar “Gold” u zhvillua nga Komisariati Nr. 3 në Tiranë, pas marrjes së njoftimit për një përplasje fizike mes dy personave. Gjatë përplasjes, F. G. plagosi me thikë shtetasin N. M., i cili u dërgua në spital dhe ndodhet jashtë rrezikut për jetën.

Pas ngjarjes, i dyshuari është kthyer në banesën e tij, ku ka marrë një armë kallashnikov që e mbante pa leje dhe më pas e ka fshehur bashkë me thikën në rrugën “Mujo Ulqinaku”.

Policia ka sekuestruar armën e zjarrit dhe mjetin prerës, ndërsa materialet procedurale janë referuar në Prokurorinë e Tiranës për veprime të mëtejshme.

Një 18-vjeçar i identifikuar si Orgen Lataj është arrestuar nga Policia pasi dyshohet se ditën e djeshme ka goditur me thikë 23-vjeçarin Artur Buçpapaj për motive të dobëta. Bëhet me dije se është arrestuar edhe një 21-vjeçar Alfred Hasandocaj për moskallëzim krimi. 23-vjeçari vijon të jetë në kujdesin e mjekëve, jashte rrezikut për jetën.

Njoftim i Policisë:

Në vijim të veprimeve intensive hetimore të kryera në drejtimin e Prokurorisë së Kukësit, për dokumentimin e plotë të rrethanave të ngjarjes së ndodhur ditën e djeshme, në fshatin Dojan, ku u plagos me mjet prerës gjatë një konflikti për motive të dobëta, shtetasi A. B., specialistët për Hetimin e Krimeve të Rënda në DVP Kukës arrestuan shtetasit:

-O. L., 18 vjeç, banues në Bajram Curri, për veprën penale “Vrasja me dashje”, mbetur në tentativë;

-A. H., 21 vjeç, banues në fshatin Dojan, për veprën penale “Moskallëzimi i krimit”.

Nga hetimet ka rezultuar se në fshatin Dojan, shtetasi O. L. është konfliktuar për motive të dobëta me shtetasin A. B. dhe e ka goditur atë, me mjet prerës thikë.

Në vijim të veprimeve u referuan materialet në Prokurori ku nisi procedimi penal për shtetasin e dëmtuar, A. B., 23 vjeç, banues në Tropojë, pasi gjatë kontrollit në automjetin e tij, shërbimet e Policisë gjetën një sasi të vogël lënde të dyshuar narkotike Cannabis Sativa.

23-vjeçari vijon të jetë në kujdesin e mjekëve, jashte rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit Kukës, për veprime të mëtejshme.

Presidenti Vladimir Putin i Rusisë për muaj të tërë i ka portretizuar forcat e tij si gati për fitore në Ukrainë. Ai ka sugjeruar se ka pak arsye për të rënë dakord për një armëpushim, duke qenë se forcat ruse po përparojnë në fushën e betejës dhe janë të përgatitura të luftojnë për aq kohë sa zgjat. Dhe ka thënë se kur bëhet fjalë për trupat ukrainase, Moska ka arsye të besojë se “ne jemi gati t’i shkatërrojmë ato”. Kievi, gjatë fundjavës, ofroi kundërpërgjigjen e tij. Ukraina kreu një nga sulmet më të guximshme të luftës, duke futur dronë të fshehtë thellë në zemër të Rusisë dhe duke i lëshuar ata nga kamionë. Ajo shkatërroi ose dëmtoi të paktën një duzinë avionësh, përfshirë shumë nga bombarduesit strategjikë të Moskës me aftësi bërthamore, në pistat e Siberisë dhe Veriun e Largët të Rusisë. Por, nuk mbaroi me kaq. Shërbimet e Sigurisë së Ukrainës goditën shtyllat mbajtëse të Urës së Krimesë dje në mëngjes me një shpërthim nënujor të shkaktuar nga 1,100 kg TNT.

Sulmi ndaj “xhevahirit të Putinit”

Ura e Krimesë, e njohur edhe si Ura e Kerçit, konsiderohet si xhevahiri i projekteve të infrastrukturës të presidentit Vladimir Putin, i përshkruar në mediat ruse si “projekti i shekullit”. Ndërtimi i urës, e njohur edhe si Ura e Kerçit, përveçse është një lidhje transporti ekzistenciale e rëndësishme për popullsinë e gadishullit me Rusinë dhe një rrugë logjistike për forcat pushtuese ruse në Ukrainë, ka edhe një vlerë të jashtëzakonshme simbolike për Moskën. Projekti prej 4 miliardë dollarësh ishte një akt politik i hartuar për të vërtetuar aneksimin e paligjshëm të Krimesë nga Rusia në vitin 2014, pasi Krimea nuk është e lidhur me Rusinë nga toka dhe ura është lidhja e vetme e gadishullit me tokën kontinentale ruse.

Edhe pse nuk ka informacion zyrtar, disa media dhe profile ukrainase në rrjetet sociale spekulojnë se sulmi është kryer nga një dron nënujor i tipit “Mariçka”. I përshkruar si një “dron nënujor sulmi shumëfunksional”, Mariçka është projektuar për të shkatërruar një gamë të gjerë objektivash, nga anijet zbarkuese dhe transportuesit e raketave deri te transportuesit e urës dhe bunkerët bregdetarë, siç shkruan United24media.

Një mësim për Rusinë

“Bëhet fjalë për përpjekjen për t’i bindur rusët, nëse do të ketë sukses, se tani ka një arsye që ata të negociojnë seriozisht”, tha James M. Acton, bashkëdrejtor i programit të politikës bërthamore në Carnegie Endowment for International Peace. Luftërat janë të vështira për t’u përfunduar, tha Acton, pjesërisht sepse pala që mendon se po fiton shpesh sheh pak nxitje për të negociuar seriozisht ose për të ofruar ndonjë lëshim. Operacioni ukrainas e gërryen disi aftësinë e Rusisë për të sulmuar Ukrainën duke eliminuar disa nga avionët që forcat ruse kanë përdorur për të lëshuar raketa me rreze të gjatë veprimi drejt objektivave ukrainase. Kohët e fundit, Rusia ka intensifikuar sulme të tilla ndaj qyteteve ukrainase, me sulme rekord me dronë dhe raketa.

Ukraina ka kryer vrasje të profilit të lartë në qytetet ruse, ka shkaktuar kaos në objektet ruse të prodhimit të naftës , ka pushtuar një sipërfaqe të konsiderueshme të territorit rus përgjatë kufirit , ka shkatërruar marinën ruse në Detin e Zi, ka dëmtuar urën që lidh Rusinë me Krimenë e pushtuar dhe ka shpërthyer dronë mbi Moskën. Sa më shumë që Ukraina lufton në fushën e betejës, thonë analistët, aq më shumë ka gjasa që Kievi të drejtohet drejt sulmeve të tilla me ndikim dhe asimetrike. Operacioni ishte treguesi më i fundit se sa shumë e ka revolucionarizuar Ukraina luftën me drone. David Shimer, i cili shërbeu si drejtor për Ukrainën në Këshillin e Sigurisë Kombëtare gjatë administratës Biden dhe ndihmoi në mbikëqyrjen e përpjekjeve të SHBA-së, tha se operacioni tregoi se si ukrainasit ende kanë ndikim, edhe pse Presidenti Trump i tha Presidentit Volodymyr Zelensky të Ukrainës, në një takim famëkeq në Zyrën Ovale më herët këtë vit, se ai nuk “kishte letrat e duhura”. “Sigurisht që ata kanë letra”, tha Shimer. “Ata po përpiqen ta bëjnë presion Rusinë të ulet në tryezën e negociatave.”

S

Kevin Peraj, 23 vjeç, është shpallur fajtor për vrasje nga pakujdesia pasi qëlloi me thikë një 19-vjeçar në Finsbury Park, Londër, dhe më pas u arratis në Shqipëri.

Sipas policisë Metropolitane në Londër, ngjarja ndodhi më 11 korrik 2024, kur viktima, Ahmed Habib, u gjet i plagosur për vdekje në një makinë në Stroud Green Road.

Një tjetër i ri, pasagjer në makinë, mbeti i plagosur lehtë. Hetimet zbuluan se sulmi kishte ndodhur më herët në Seven Sisters Road dhe Peraj ishte kapur në kamera teksa sulmonte pasagjerin.

Pas ngjarjes, Peraj tentoi të largohej me avion nga Heathrow, por pasi humbi fluturimin, u largua përmes kanalit të La Manshit drejt Shqipërisë. Ai u arrestua sapo u kthye në Britani, më 16 korrik, dhe më pas u akuzua për vrasje.

Pas një gjyqi gjashtë-javor, Gjykata e Kurorës në Isleworth e shpalli fajtor për vrasje nga pakujdesia. Dënimi i tij do të jepet më 1 gusht.

Policia vijon hetimet pasi dyshohet se një tjetër person ka qenë i përfshirë në sulm.

Një adoleshent është arrestuar nga policia e Fierit, pasi një ditë më parë plagosi me mjet prerës bashkëmoshatarin e tij.

Siç njofton policia, në vijim të informacionit paraprak të dhënë mbrëmjen e djeshme ku është dëmtuar me mjet prerës në këmbë një 16-vjeçar, pas disa orësh kërkim, u bë e mundur kapjen dhe shoqërimin e 17-vjeçarit nga lagja “Mbrostar Ferko”, Fier.

17-vjeçari, pas një konflikti të çastit, për motive të dobëta, ka goditur me mjet prerës në këmbë, 16-vjeçarin, i cili ndodhet në spital në kujdesin e mjekëve, jashtë rrezikut për jetën.

Autori i dyshuar është shoqëruar në ambientet e Komisariatit të Policisë Fier, me të cilin po kryhen veprimet e mëtejshme hetimore.

Dy persona kanë përfunduar në spital, pas një konflikti në rrugën “Ndre Mjeda” në kryeqytet. Nga informacionet e sotme të policisë bëhet me dije se në pranga për ngjarjen është vënë 45-vjeçari i cili ka goditur me thikë 69-vjeçarin.

“D.M, 45 vjeç, pasi në rrugën “Ndre Mjeda” gjatë një konflikti për motive të dobëta më datë 09.01.2025, rreth orës 21:05, ka goditur me një mjet prerës shtetasin B.D, 69 vjeç, i cili ndodhet në spital, nën kujdesin e mjekëve.”, thuhet në njoftimin e policisë.

Ndërkohë në një denoncim, lidhur me rastin thuhet se ishte 69-vjeçari, i cili quhej Bashkim i cili ka lajmëruar policinë se 45-vjeçari ishte në gjendje të dehur dhe se po e ngacmonte.

Pas lajmërimit të tij, në denoncim thuhet se efektivët e policisë kanë mbërritur në vendin e ngjarjes, dhe duke mos ushtruar të paktën edhe një kontroll fizik 45-vjeçarit të dehur, i kanë thënë Bashkimit se nuk mund t’i bëjnë asgjë personit tjetër përveçse ta këshillojnë.

Pasi është larguar policia, 45-vjeçari e ka goditur me thikë Bashkimin, i cili përfundoi në spital nën kujdes mjekësore. Ngjarja mund të ishte parandaluar dhe plagosja me thikë mund të ishte shmangur, për shkak se policia ishte njoftuar për rastin dhe nuk ka ndërmarrë asnjë veprim ndaj agresorit.

Ka rënë në pranga ditën e sotme 32-vjeçari maroken që më 18 tetor goditi me thikë një 38-vjeçar shqiptar. Ngjarja ndodhi në një lokal në Parma të Italisë. Sipas medieve të huaja, marokeni goditi me thikë gjashtë herë shqiptarin, duke i shkaktuar plagë të shumta në qafë dhe fytyrë.

Fatmirësisht, 38-vjeçari arriti t’i mbijetonte plagëve të marra. Pas sulmit, lokali është mbyllur për shtatë ditë me urdhër të komisariatit të policisë, pasi as pronari dhe as punonjësit nuk kanë lajmëruar policinë për atë që kishte ndodhur. Debati mes të dyve me sa duket ka shpërthyer për arsye që ende nuk janë bërë të qarta. 32-vjeçari u arrestua në Caprara, një fshat i Campegine (Reggio Emilia) dhe aktualisht është në burg.

Ka ndërruar jetë 14-vjeçari, i cili u godit me thikë nga bashkëmoshatari i tij mesditën e sotme jashtë shkollës Fan Noli në Tiranë.

Njoftimi i policisë:
Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç.

Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.
Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit.