Gjatë ditës së djeshme ka pasur disa debate mes Luiz Ejllit dhe Kiara Titos, të cilët kanë vendosur që të sqarohen teksa janë ulur për të fjetur.

Këngëtari i tha partneres së tij se ka ‘2-3 gjëra që nuk i pranon tek ajo’, por që do ia thotë pasi të dalin nga shtëpia më e famshme në Shqipëri.

Teksa Kiara tentoi ta pyeste se për çfarë bëhet fjalë, Luizi tha se janë disa gjëra që do ia thotë vetëm asaj dhe që do i sqarojnë pa asnjë problem.

Pjesë nga biseda:

Kiara: Nuk jam kalama Luiz

Luizi: Ka 2-3 gjëra që unë nuk i pranoj te ti, që i ke ti

Kiara: Mi thuaj cilat janë

Luizi: Nuk ti them

Kiara: Që nuk i duron dot. Ça qenkan këto që nuk i thua

Luizi: Unë nuk i duroj se më krijojnë problem mua, në sensin në atë që dua me pas me ty, mua më krijojnë problem

Kiara: Po qenka problem shumë i madh

Luizi: Nuk është fare, se janë komplet gjëra që sqarohen. Që ti i bën shpesh dhe pa vetëdije

Kiara: Në lidhje me karakterin

Luizi: Po, i bën pa vetëdije

Kiara: Që jam si e ftohtë

Luizi: Nuk do të them. Janë gjëra që dua ti flas vetëm me ty. As nuk do mërzitesh as ti dhe as unë, jam i bindur 2000 për qind që ke me i kuptuar dhe do i pranosh, se të njoh. Kur të dalim jashtë do ti them…noa.al

Sot i ftuar në emisionin “Big Brother Radio” nëpërmjet një lidhjeje telefonike ka qenë ish-banori i shtëpisë së “BBV”, Bledi Mane. Ai ka treguar gjithçka rreth vendimit që mori ditën e djeshme për t’u larguar në këtë pikë të lojës. Përveç kësaj Bledi u ndal edhe tek një nga banorët e shtëpisë, konkretisht Luizi për të cilin u shpreh se:

Luizi kishte një veti që të vinte me shpatulla mbas murit dhe të grushtonte pa ndalesë edhe nëse arbitri i frynte bilbilit.

Pse e lejonin banorët këtë gjë?

Unë kam qenë një nga njerëzit që nuk kërkoja që të ndërhyja në këto debate sepse gjatë kohës që Luizi bullizonte dhe vajzat, si rasti i Teas, u lemerisa kur i përmendi format, gjoksin, vithet dhe asnjëra nga femrat aty nuk reagoi.

Ne të gjithë pamë planin A të Bledit mbrëmjen e djeshme, por a kishte gazetari një plan B për lojën e tij nëse do të qëndronte brenda?

Plani A ishte përçarja e bërthamës. Plani B ishte që unë do të tregohesha i pamëshirshëm me të katërt ata. Do ta filloja me Luizin, i cili pa Kiarën do të bëhej mjaft agresiv dhe jam i sigurtë që ndoshta degradimi do të shkonte edhe me kërcënime reale dhe thashë që kjo lojë kaq e bukur 60 ditë, më mirë po e lë lojën këtu. Thashë më mirë të largohem sesa të agravoj lojën.

Plani C a do të ishte një histori dashurie me Nitën?

Faktikisht njerëzit aty brenda votuan për dhëndër Beatin, dhe unë pranova me shumë kënaqësi. Mendova që Beati edhe më i ri në moshë edhe çun i qetë por e pashë që Nita nuk donte nga mënyra si shikonte.

Kush mendon Bledi se do të arrijë të fitojë “BBV”?

Ajo lojë ka tre luanë të vërtetë, Maestro, Luizi dhe Olta. Uroj me gjithë shpirt që të tre ti shoh në finale ndoshta do të kemi surpriza me ndonjë lojtar të ri. Ata të tre kanë energjinë dhe janë karaktere me gjithë mëkatet dhe meritat e tyre. Ata janë tempi i asaj shtëpie, i pafsha në finale, fituesin nuk e di.noa.al

Mbëmjen e sotme, si rrallë herë Luizi ka folur për veten dhe familjen.

Ai është parë mëngjeseve të ditëve të fundit ai është parë duke qarë dhe Arbana e ka pyetur se cili ka qenë motivi.

Ai u shpreh se ndodh për shkak të këngës Apologize.

“Apologize është kënga e vetme moderne që babai i kishte qejf. Jam vetëm në mëngjes dhe qaj, nuk ka asnjë lidhje me lojën”, tha ai.

Më pasi ai mori dhe një letër nga nëna, e cila e përloti me fjalët që kishte shkruar dhe i premtoi se pasi të dalë do të jetë gjthmonë pranë saj.

Babai i Kiarës ka ardhur që ta surprizojë sonte, e cila është parë mjaft e lumtur.

Mes lotësh ka përqafuar ajo babain.

Por jo vetëm Kiara, babain e saj e ka takuar edhe Luizi.

“Une do ta du siç e ke dasht ti”, ishin fjaltë e Luizit ndaj Babit të Kiarës.

Derisa babai i Kiarës, tha se don ti bëjë gjërat “shqiptarske”.

Kur asnjë nga banorët nuk është rrotull, ashtu i vetmuar, kryesisht në mëngjes Luizi prej ditësh tashmë ka shpërthyer në lot në oborrin e “Big Brother Vip”.
Edhe mëngjesin e sotëm, këngëtari ka ripërsëritur të njëjtën situatë, duke shqetësuar jo pak fansat. Në lidhje me këtë gjendje të tij së fundmi ka reaguar edhe mikesha e tij, Efi Dhedhes.
Ish-banorja e “BBV” ka ripostuar këtë moment të mikut të tij të publikuar nga “Iconstyle.al” në Instagram, në Instastory-n e saj.
“Çfarë ke?” Kaq do të doja të të pyesja,”-ka shkruar Efi përbri fotos. Kujtojmë që Dhedhes ka qenë një nga personat më të afërt të Luizit brenda shtëpisë së “BBV”. Ajo u eliminua disa javë më parë, pasi ndodhej përballë tij dhe Kiarës në nominim.

Ky nominim rikujtojmë u bë nga Dea Mishel, e cila u “shpërblye” kështu pasi fitoi sfidën e “inteligjencës”.Edhe jashtë shtëpisë, Efi ka vazhduar ta mbështesë Luizin. Tani pritet të shikojmë kur këngëtari të jetë jashtë nëse dyshja do të vazhdojnë ta zhvillojnë miqësinë e tyre të krijuar brenda shtëpisë së “BBV”.
Sa i përket lotëve, Luizi ka deklaruar shpesh se nuk do t’i rrëfejë emocionet dhe jetën personale dhe ai nuk është shprehur se çfarë e mundon. Gjithsesi, në një bisedë me Valbonën pak ditë më parë tha se e ka marrë malli për të ëmën.

Një nga raportet e krijuara ditët e fundit në shtëpinë e “BBV”, pikërisht ai mes Keisit dhe Kristit po komentohet masivisht edhe nga banorët e tjerë. Nga shumë, Olta është akuzuar se ndjehet xheloze ndaj këtij raporti, pasi siç shpeshherë kanë thënë ‘Keisi i mori Kristin’. Lidhur me këto akuza, ja si shprehet Olta.

Këto janë budallalluqe, idiotësira. Kërkojnë të bëjnë imazhin tim pis. Unë jam e martuar, kam fëmijë, e dashuruar, e lumtur. Unë e di që thotë bëhet xheloze në miqësi, por nuk jam bërë, thjesht unë jam tërhequr totalisht.

Në puntatën e fundit të “Zemër Luana”, Luana Vjollca ka provuar për herë të parë një sfidë me pyetje që i bëhet të ftuarve dhe i është përgjigjur edhe pyetjes për largimin nga Top Channel.

Pyetja që iu drejtua Luanës: “Luana, zakonisht lëvizjet mediatike bëhen për një jetë më të mirë, por lëvizja jote nuk u kuptua asnjëherë…Ndonëse realizove menjëherë një sezon të suksesshëm në Tv Klan, njerëzit ende kanë një kuriozitet që është: arsyeja pse more vendimin për t’u larguar nga televizioni Top Channel ku ishe një nga imazhet më kryesore dhe kishe emisionin më të mirë e të përfolur asokohe në atë televizion, ndaj ne sonte në “Zemër Luana” duam të dimë arsyen e vërtetë të dorëheqjes! “

Ndonëse Luana sërish nuk ka dhënë arsyen e largimit, diçka që u zbulua është fakti se ndonëse është përfolur për largim, në të vërtetë moderatorja ka zbuluar për herë të parë se ka dhënë dorëheqjen nga Top Channel ku punoi për plot 15 vite.noa.al

Miku i Kiarës, gazetari Andi Vrapi, i ftuar në puntatën e “E Diell”, shprehu mendimin e tij për lidhjen më të përfolur si një person që e njeh moderatoren nga afër.

Andi u shpreh se Luizi nuk është fare në shijet e Kiarës, mirëpo fakti që ajo qëndron 24 orë me të, e ka bërë të afeksionohet pas tij.

“Brenda shtëpisë besoj se është 70%, ndërkohë që jashtë është apo s’është 20% e besueshme si gjë. Duke e njohur Kiarën besoj që Luizi nuk është shumë i përshtatshëm për të, për historikun e marrëdhënieve që Kiara ka patur me personazhe jashtë, kështu që mendoj që aty brenda krijohen situata për shkak të faktit që je e izoluar, je vetëm me 14 persona që i sheh natë e ditë edhe s’di nga shkon. Kështu që normalisht nëse dikush tregon afeksion ndaj teje dhe ti detyrimisht duke ndejtur aq kohë me të do tregosh një farë”, u shpreh gazetari.noa.al

Çfarë po ndodh? Luizi puth Dea Mishel.

Debatet e ashpra, kërcënimet dhe fyerjet, janë të përditshme në shtëpinë e ‘Big Brother VIP Albania’. Ato arrijnë deri aty sa largojnë banorët nga njëri-tjetri, duke vënë një mur të padukshëm.

Një nga skenat e cila u komentua dhe ende përmendet në shtëpi, është kërcënimi i bërë nga Luizi për Dean.

‘Do të të shtyp me këmbë, do të zhgarravis’.

Kjo deklaratë u bë në momentin që Dea nxorri në nominim Luizin, Kiarën dhe Efin. Dea nuk e priti aspak mirë, saqë kërkoi nga produksioni që të merren masa. Kjo bëri që mes saj dhe Luizit të kishte një distancë të frikshme.

Mirëpo, mbrëmjet e bukura, me muzikë, pije dhe rroba të reja sjellin gjëra të papritura. Në ‘Prime-n’ e kaluar, banorët morën kostume dhuratë nga linja e Lori Hoxhës. Vëllai i madh u kujdes që banorët të kishin muzikë, duke ftuar një DJ, e madje edhe një aparat fotografik, për të kapur disa momente mes tyre.

Duke qënë fotograf, Pirro realizoi shkrepje të bukura. Përveç Luizit e Kiarës dhe Kristit e Kejsit, një foto tërhoqi vëmendjen në rrjet. Ajo e Luizit dhe Deas.

Dy personat që deri më sot kanë pasur shumë distancë dhe debate, u panë në foto së bashku. Luizi shihet duke e puthur në faqe, ndërsa Dea shikon aparatin dhe buzëqesh.

Nuk dihet nëse kjo foto do jetë kthesë në marrëdhënien e tyre apo ishte e gjitha për show.

Luiz Ejlli është ndër konkurrentët që këtë edicion të “Big Brother” ka fituar një popullaritet të gjerë. Të shumtë janë fansat e tij, që e kanë mbështetur si në rrjetet sociale, ashtu edhe me prezencën e tyre jashtë shtëpisë. Historia e këngëtarit shkodran ka bërë për vete ndjekësit, duke e cilësuar si një djalë kurajoz dhe shumë të zgjuar.

Nga ana tjetër edhe vetë këngëtari ka folur për jetën e tij, që duhet thënë ka pasur shumë ulje-ngritje. Qysh në fillim të edicionit ai ka filluar që të paraqitet si një njeri i thjeshtë duke mos përmendur shkollimin e arritjet derisa është dashur që të tregoj për jetën e tij në një lojë që iu dha.

Ai i habiti të gjithë banorët kur u tregoi se është jurist se kishte punuar si noter dhe kishte zyrën e tij ku punoi për disa vite, madje ai ishte edhe diplomat në Francë, ndërsa ka përfaqësuar Shqipërinë në “Eurovision” si këngëtar. Kjo ka bërë që nga publiku të admirohet kaq shumë si një njeri me shumë arritje në jetë, por që pëlqen të tregohet shumë i thjeshtë, madje në një bisede me Oltën ka thënë se nëse e fiton çmimin do blej një shtëpi se është me qira.

Por, një video që qarkullon në rrjetin social “Tik Tok”, thuhet që Luizi ka mjaft pasuri ku zotëron tri shtëpi, një në vendlindjen e tij në Shkodër, një në Francë ku ka jetuar për disa vite dhe një shtëpi në Tiranë aty ka ku jetuar kohëve të fundit.

Në fakt, duket se gjithçka është një sajesë që qarkullon. Kjo për faktin se në fakt këngëtari në Paris ka qëndruar me qira, duke qenë se nuk kishte një apartament të tijin.

Pas largimit nga Franca ai gjeti punë pranë OSHE-së, duke bërë që të qëndrojë me qira edhe në Tiranë. E vetmja banesë që ai ka është në Shkodër, dhe është pikërisht një pronë e përbashkët që e ka me familjarët e tij.

Bëhet fjalë pikërisht për shtëpinë ku këngëtari u lind dhe u rrit në Shkodër. Sa i përket makinave luksoze që paraqiten, duket se janë shumë larg realitetit të tij. Kjo për faktin se në Tiranë më shpesh e kemi parë në këmbë Luizin sesa në një mjet.

Ndërsa sa i përket lëvizjeve të tij në Paris, makinat ishin pronë e shtetit, duke qenë se Luizi mbante një post të rëndësishëm në ambasadë, kishte të drejtë t’i përdorte. Por, me t’u larguar nga puna e tij në Paris, Luizi vendosi të bënte jetën e tij si noter në Tiranë.

Edhe këtu nuk kanë qenë të lehtë hapat e tij. Pasi ia doli të kishte zyrën e tij, duket se puna nuk po i shkonte si duhej, për këtë arsye licenca iu hoq, duke qenë se kishte shumë vite pa ushtruar vulën e tij. Nga jeta si artist e pastaj diplomat, Luizit iu desh shumë të përshtatej në lëkurën e re si noter.

Duke mos u futur dot në këtë treg e duke qëndruar larg miqve e kolegëve të tij në këtë fushë, Luizi ka lëshuar zyrën që ka pasur me qira për biznesin e tij disa muaj më parë.

Pas jetës së mirë që bënte si diplomat në Paris, artisti nga Shkodra, u ndesh me vështirësi të mëdha ekonomike në Tiranë. Krejt i vetëm, duke qenë se pjesën tjetër të familjes e ka në SHBA, Luizit iu desh të niste një punë në KESH, por duhet thënë se edhe këtë punë tashmë e ka humbur.

Këngëtari Luiz Ejlli para se të bëhej pjesë e formatit televiziv ka punuar si specialist i nivelit të lartë në Korporatën Elektroenergjetike Shqiptare me rrogë më pak se 1 milion lekë të vjetra. Ai ka folur pikërisht për këtë episod në shtëpinë e BBV-së para deklaratës kontradiktore që futi popullin shqiptar në dilemë.

Ejlli deklaron se KESH-i ka ndërruar mendje për dhënien e lejes gjatë kohës që ai do të ishte pjesëmarrës në BBV2 dhe e ka ritelefonuar për t’i thënë se nuk munden t’i japin leje nga frika se mund t’u prishë imazhin. Në atë moment, këngëtari rrëfen se është larguar.

“Firmosa kontratën me ‘Top’-in dhe dy ditë para se me hy mrenë më marrin në telefon e më thonë nuk ta japim dot lejen se më thanë që ‘mund të na prishësh imazhin’. Në ç’kuptim i thashë jua prish imazhin? Se mren mund të bësh naj budallallik, naj gomarllik, se mund të bëhesh problem dhe se kur të dalësh nga aty do vish në punë këtu dhe do thojnë ‘u ky që ka bo atë, punon në KESH. Dhe unë i thashë ‘ok’ s’po jua prish imazhin”, deklaroi Ejlli para kamerave, duke deklaruar se tashmë është pa punë.

Vetë në deklaratat e tij, Luizi e ka deklaruar se “Big Brother” është tentativa e fundit që po bën për të rregulluar jetën e tij në Tiranë, në mos do të largohej përfundimisht në SHBA.

Dhe i thashë vetes futu dhe fokusohu në lojë. E kisha stakuar trurin, doja ta mbyllja këtë gjë këtu, të shkojë si të shkojë, dhe në varësi se si do më shkonte këtu, do vendosja për jetën time jashtë. A do rrija më në Shqipëri apo do ikja në Amerikë. Thosha nëse nuk më ecën te ‘Big Brother’-i, e kisha bërë në plan me e mbyll me Shqipërinë, komplet. S’do kthehesha më.

Do bëja një ‘restart’ tjetër atje. Dhe e ndava mendjen. Tani kur hyra këtu, këtu ku jam ulur ishte Kiara dhe kur e pashë ‘live’ ishte gjë tjetër. Kiara më ka dalë jashtë parashikimeve, se shumë gjëra i kisha parashikuar. S’e edhe kur e pëlqeva nuk e dija që do e doja kaq shumë sa për të mos më zënë gjumi. Më rrinte mendja tek ajo”,u shpreh Luizi gjatë një bisede me Kristin.

Nga ana tjetër edhe vetë Kiarës ia ka thënë se jashtë nuk ka asgjë, as punë, as lekë, as shtëpi, duke I thënë se për të do të jetë gjithçka nga e para jashtë. Por duket se ai ende nuk e di që jashtë shtëpisë, Luizi është bërë nga imazhet më të dashura.

Të shumtë janë drejtuesit e bizneseve që kanë bërë gati kontratat e majme për konkurrentin e “Big Brother”, duke i propozuar shuma që mund ti ndryshonin jetën.

Nga ana tjetër, gjatë ditëve në vijim, pritet që Luizi të jetë një nga banorët që do të hapë Kutinë e Pandorës, ku si trofe do të ketë pikërisht një nga këto kontrata që do të firmos sapo të lërë shtëpinë./panorama/