Një 42-vjeçar është arrestuar në Tiranë pasi akuzohet për veprën penale “vjedhje”.

Mësohet se i riu ke iniciale E.L., pasi së bashku me dy persona të tjerë kanë grabitur para 2 vitesh, shumën prej 10.000 euro në një studio ligjore.

Njoftimi i policisë:

Finalizohet nga Seksioni për Hetimin e Krimeve të Rënda, në bashkëpunim me Komisariatin e Policisë Nr. 2, operacioni policor “Kodi”, për kapjen e një shtetasi me rrezikshmëri të lartë shoqërore në fushën e krimeve kundër pasurisë.

Vodhi një shumë të konsiderueshme parash në një studio ligjore në bulevardin “Gjergj Fishta”, 2 vjet më parë, lokalizohet dhe kapet 42-vjeçari. Në kuadër të operacionit “Kodi”, si rezultat i kontrolleve në bazë të informacioneve të siguara në rrugë operative, u mundësua lokalizimi, kapja dhe ndalimi i shtetasit të shpallur në kërkim, E.(F.) L., 42 vjeç.

Gjykata e Tiranës i ka caktuar masën e sigurisë “Arrest në burg”, për veprën penale “Vjedhja”, me pasoja të rënda, e kryer në bashkëpunim. 42-vjeçari akuzohet se bashkë me bashkëshortët A. Rr dhe E. Rr., në vitin 2023, ka vjedhur rreth 10 000 euro në një studio ligjore, në bulevardin “Gjergj Fishta”.

Materialet procedurale iu referuan Prokurorisë së Tiranës, për veprime të mëtejshme.

Fier- Zbardhen 4 vjedhje në subjekte tregtare të kryera brenda një nate në Fier. Identifikohet, lokalizohet dhe vihet në pranga autori i dyshuar i këtyre vjedhjeve. 28-vjeçari me precedent kriminal në fushën e vjedhjes si edhe i dënuar më parë për veprimtari të paligjshme në fushën e narkotikëve.

Shërbimet e Komisariatit të Policisë Fier në vijim të punës për goditjen e veprimtarisë kriminale të vjedhjes së pronës dhe pasurisë, bazuar dhe në kallëzimet e disa qytetarëve, për vjedhje në subjektet e tyre tregtare gjatë natës së datës 19.05.2025, kanë organizuar punën për zbardhjen e tyre, identifikimin dhe kapjen e autorit/ëve.

Si rezultat i një pune profesionale hetimore të kryer, pas provave të siguruara dhe këqyrjes së kamerave të sigurisë, u finalizua operacioni policor i koduar “Four”, si rezultat i të cilit u arrestua shtetasi Ysen Driza, 28 vjeç, banues në Radostinë. Nga veprimet hetimore dyshohet se ky shtetas, më datë 19.04.2025, ka vjedhur me thyerje, në 4 subjekte tregtare në qytetin e Fierit, shuma parash dhe 2 aparate celularë.

Vijojnë hetimet për zbardhjen e vjedhjeve të tjera që mund të jenë kryer nga ky shtetas. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Është arrestuar njëri nga të dyshuarit për rastin e grabitjes së një institucioni mikrofinanciar gjatë ditës në rrugën “Enver Maloku” në Prishtinë.

Kjo është konfirmuar për Klankosova.tv nga zëdhënësja e policisë rajonale të Prishtinës, Flora Ahmeti.

Sipas Ahmetit, i dyshuar aktualisht po intervistohet, përderisa hetuesit janë në kërkim të personit të dytë, të cilin tashmë e kanë identifikuar.

Personat e njëjtë dyshohet të jenë të përfshirë edhe në grabitjen e armatosur që ndodhi ditë më parë në rrugën “Agim Ramadani”në Prishtinë.

Një 43-vjeçar është vënë në pranga në Lushnje. Ky shtetas vodhi produkte të ndryshme dhe 2 arka kursimi në një market, gjatë natës, në fshatin Golem i Vogël.

Gjenden në banesën e tij dhe sekuestrohen automjeti, 2 arkat e kursimit me shuma parash dhe produktet e vjedhura.

Më pas, ai ka vjedhur një automjet të parkuar pranë këtij marketi dhe ka transportuar me të, produktet e vjedhura, në banesën e tij.

43-vjeçari është dënuar më parë për veprën penale “Vjedhja”.

Po punohet për të zbardhur vjedhje të tjera që mund të ketë kryer ky shtetas.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 22-vjeçar është vënë në pranga ditën e sotme në Durrës. Mësohet se arrestimi i tij ka ardhur pasi i riu ka kryer 4 vjedhje nga data 15 nëntor deri më 2 dhjetor.

Sipas policisë i riu me inicialet A. D. dyshohet se është autor i vjedhjeve. Vjedhjet janë regjistruar në lagjen nr. 13 në Durrës. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Njoftimi i plotë:

Durrës/ Zbardhen 4 raste të vjedhjes në lokale, vihet në pranga autori i dyshuar. Si rezultat i veprimeve hetimore të kryera pas kallëzimeve të pronarëve të disa lokaleve, për vjedhje në subjektet e tyre, shërbimet e Stacionit të Policisë Plazh kanë vënë në pranga shtetasin A. D., 22 vjeç, banues në Durrës.

Nga veprimet hetimore dyshohet se ky shtetas, në datat 15.11.2024, 30.11.2024 dhe 02.12.2024, ka kryer vjedhje në 4 lokale në lagjen nr. 13, Durrës. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Policia e Durrësit ka arrestuar sot shtetasin B. N., 41 vjeç, i dyshuar për një vjedhje në banesën e shtetases M. T.

Pas hetimeve dhe këqyrjes së pamjeve filmike, u zbulua se i arrestuari kishte kryer vjedhjen, dhe sendet e vjedhura u sekuestruan si prova materiale.
Policia njoftoi se grupi hetimor, në bashkëpunim me Prokurorinë, po vijon hetimet për dokumentimin e disa vjedhjeve të tjera që dyshohet se janë kryer nga ky individ.

Njoftimi i policisë:

Falë veprimeve të shpejta profesionale e hetimore bënë të mundur identifikimin, kapjen dhe arrestimin e shtetasit B. N., 41 vjeç,
Nga veprimet hetimore dhe këqyrja e pamjeve filmike, rezultoi se ky shtetas ka vjedhur në banesën e shtetases M. T.
Në cilësinë e provës materiale janë sekuestruar sendet e vjedhura në banesën e shtetases M. T.
Grupi hetimor në bashkëpunim me Prokurorinë, vijon punën për dokumentimin e disa vjedhjeve të tjera që dyshohet se janë kryer nga ky shtetas.
Drejtoria Vendore e Policisë Durrës garanton qytetarët se është maksimalisht e angazhuar për të garantuar rendin e sigurinë, parandalimin e vjedhjeve dhe zbardhjen e atyre të ndodhura më parë.
Në këtë kuadër fton qytetarët që të besojnë dhe denoncojnë te Policia rastet e paligjshmërive në çdo formë të shfaqjes së tyre në numrin 112, duke iu garantuar reagim të menjëhershëm.

Një 30-vjeçar, i identifikuar si Bledar Manga, është arrestuar nga policia në Dibër pasi vodhi në spitalin rajonal një shumë parash dhe dy celularë.

Sipas policisë, 30 vjeçari është futur në një dhomë në spitalin rajonal të Dibrës ku u ka vjedhur 2 pacientëve dhe shoqërueses së njërit prej tyre, një shumë parash dhe 2 celularë.

“Shërbimet e Komisariatit të Policisë Dibër, sapo janë njoftuar se në një dhomë në spitalin rajonal të Dibrës, 2 pacientëve dhe shoqërueses së njërit prej tyre, iu ishin vjedhur një shumë parash dhe 2 celularët, kanë organizuar punën për të identifikuar dhe arrestuar autorin.

Si rezultat, u kap dhe u vu në pranga, për veprën penale “Vjedhja”, autori i dyshuar i këtij rasti, shtetasi B. M., 30 vjeç, banues në Peshkopi”, njofton policia.

Një 25-vjeçar ka rënë në prangat e Policisë së Mirditës gjatë kësaj të mërkure pasi dyshohet se ka vjedhur targat e një automjeti për qëllime kriminale.

Mirditë/Kontrolle të befasishme, në bazë të punës së inteligjencës policore, në vijim të megaoperacionit “Sundimi i ligjit”, për goditjen e paligjshmërive, në të gjitha format e shfaqjes së tyre.

Iu gjetën në automjet, targa të vjedhura një ditë më parë, në Mirditë, të cilat dyshohet se do të përdoreshin për qëllime kriminale, arrestohet në flagrancë 25-vjeçari.

Sekuestrohen targat dhe automjeti që drejtonte i arrestuari.

Si rezultat i punës së inteligjencës policore, kontrolleve dhe hetimeve që po kryhen me intensitet nga Policia e qarkut Lezhë, në kuadër të megaoperacionit “Sundimi i ligjit”, me qëllim parandalimin e ngjarjeve kriminale dhe zbardhjen e atyre të ndodhura më parë, specialistët e Seksionit për Hetimin e Krimeve të Komisariatit të Policisë Mirditë kanë goditur një rast të vjedhjes së targave të automjeteve, për t’i përdorur për qëllime kriminale. Për rastin u kap në flagrancë dhe u vu në pranga shtetasi 25 vjeç, banues në Tiranë.

Shërbimet e Policisë së Mirditës, në bashkëpunim me ato të Policisë së Kukësit, kanë ndaluar në aksin rrugor “Krumë-Kukës”, automjetin tip “Golf” që drejtonte ky shtetas. Nga kontrollet në brendësi të automjetit u gjet një palë targa automjeti, që ishin denoncuar të vjedhura një ditë më parë, nga shtetasi banues në Mirditë, të cilat dyshohet se do të përdoreshin për qëllime kriminale.

Targat u sekuestruan nga Policia, së bashku me automjetin tip “Golf”.

Një 21-vjeç me inicialet M. K., ka rënë në prangat e bluve të Elbasanit pasi është pikasur duke grabitur në një banesë, ku më pas janë kryer proçedurat e arrestimit të të riut,

I riu nuk është emër i panjohur për policinë pasi dhe më herët ka kryer të tjera grabitje në qytet si dhe ka dëmtuar dy çadra në pronësi të teatrit “Skampa”, në Elbasan.

Njoftimi i Policisë:

Finalizohet operacioni policor i koduar “Kontakti”, kundër veprimtarisë kriminale të vjedhjes.

Vodhi 300 000 lekë në banesën e një shtetaseje, identifikohet, kapet dhe arrestohet 21-vjeçari.about:blank

I arrestuari, i dënuar më parë, për vjedhje.

Nga hetimet, 21-vjeçari rezultoi autor dhe i dëmtimit të disa objekteve në pronësi të teatrit “Skampa”, në muajin gusht të këtij viti.

Si rezultat i administrimit të menjëhershëm të kallëzimit të një shtetaseje, se në banesën në fshatin Shirgjan, i kishin vjedhur 300 000 lekë, specialistët për Hetimin e Krimeve të Komisariatit të Policisë Elbasan finalizuan operacionin policor të koduar “Kontakti”.

Në kuadër të operacionit u bë e mundur zbardhja e kësaj vjedhjeje, si autor i së cilës u identifikua dhe u arrestua shtetasi M. K., 21 vjeç, banues në Elbasan.about:blank

Në vijim, gjatë veprimeve hetimore rezultoi se 21-vjeçari, më datë 03.08.2023, ka dëmtuar 2 objekte (çadra) në pronësi të objektit kulturor, teatri “Skampa”.

Vijon puna për zbardhjen e vjedhjeve të tjera që mund të ketë kryer shtetasi M. K.about:blank

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.