Policia franceze ka nisur një hetim të thelluar pas një grabitjeje spektakolare të një kamioni të blinduar, e cila ndodhi në Verdun-sur-Garonne, një komunë rreth 40 kilometra larg Toulouse. Furgoni transportonte një ngarkesë me vlerë mbi 6 milionë euro, përfshirë vepra arti dhe lingota ari. Pas grabitjes, autorët e krimit dogjën furgonin për të zhdukur çdo provë.

Një grua që pa rastësisht mjetin e dyshimtë në lëvizje, vendosi ta ndiqte dhe filmoi itinerarin e tyre me telefonin e saj. Ajo e dorëzoi videon tek autoritetet, çka ndihmoi hetimin në identifikimin e rrugës së përdorur nga grabitësit.

Kriminelët e ndalën furgonin në një zonë të izoluar dhe shkarkuan vetëm pjesën e ngarkesës që përmbante ar  rreth 3 milionë euro në lingota dhe monedha ari. Ndërkohë, veprat e artit me vlerë mbi 3.5 milionë euro nuk i tërhoqën vëmendjen e tyre. Në vend që t’i merrnin, vendosën t’i digjnin së bashku me furgonin për të zhdukur çdo gjurmë.

Policia beson se grabitësit kishin informacion të brendshëm, pasi vepruan me efikasitet dhe kishin dijeni mbi ngarkesën dhe mungesën e mbikëqyrjes. Gendarmeria e Toulouse dhe ekspertët kriminalistikë nga Montauban gjetën kamionin totalisht të djegur. Tani hetimi është përqendruar në identifikimin e bashkëpunëtorëve që mund të kenë ndihmuar në organizimin e grabitjes dhe në intervistimin e dëshmitares që filmoi ngjarjen. 

KOSOVË- Një prej personave të dyshuar për grabitjen e filialit të një banke të nivelit të dytë në Kosovë, është arrestua sot nga policia. Grabitja ndodhi shtatorin e 2023, ndërsa banka e grabitur ndodhej në sheshin “Nënë Tereza” në Prishtinë.

Gjithashtu policia e Kosovës arriti të arrestojë Deniz Torbance, i dyshuar si pjesëmarrës në grabitje. Nërkohë policia i ka sekuestruar një armë zjarri, thika dhe disa fishekë. Torbance pas marrjes në pyetje është dërguar në paraburgim, në bazë të urdhërit të Gjykatës. Po ashtu lidhur me këtë grabitje, vitin e kaluar u arrestua edhe Nazmi Dushi.

Arrestohen pesë persona në Tiranë për vepra të ndryshme penale. Mësohet se 23-vjeçari F.S ka dhunuar të dashurën e tij, ndërkohë 53-vjeçari A.C ka dhunuar bashkëshorten.

Një 44-vjeçar është arrestuar pasi Gjykata e Tiranës e ka dënuar me burg për vjedhje me dhunë. Dy persona të tjerë janë arrestuar pasi drejtonin motomjetet e tyre pa leje drejtimi.

Njoftimi i Policisë:

Tiranë/Arrestohen 5 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Nr. 2 arrestuan shtetasin F. S., 23 vjeç, banues në Tiranë, pasi dyshohet se ka ushtruar dhunë ndaj të dashurës së tij.

Specialistët për Hetimin e Krimeve të Komisariatit të Policisë Nr. 3 ekzekutuan vendimin penal për shtetasin D. Xh., 44 vjeç, banues në Tiranë, pasi Gjykata e Shkallës së Parë të Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Vjedhja me dhunë” e kryer në bashkëpunim.

Specialistët për Hetimin e Krimeve të Komisariatit të Policisë Krujë arrestuan shtetasin A. C., 53 vjeç, banues në Fushë Krujë, pasi dyshohet se ka ushtruar dhunë ndaj bashkëshortes së tij.

Specialistët e Komisariatit të Policisë Rrugore Tiranë arrestuan shtetasit:

– F. C., 23 vjeç, banues në Kashar, si dhe referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin E. M., 50 vjeç, banues në Tiranë, pasi shtetasi F. C., duke drejtuar pa leje drejtimi motomjetin, është përplasur me mjetin me drejtues shtetasin E. M., i cili dyshohet se ka kryer një manovër të gabuar. Si pasojë është dëmtuar shtetasi F. C., i cili ndodhet jashtë rrezikut për jetën;

– A. H., 19 vjeç, banues në Mëzes, pasi duke drejtuar pa leje drejtimi motomjetin dyshohet se ka humbur kontrollin mbi drejtimin e tij dhe është përplasur me një automjet të parkuar. Si pasojë është dëmtuar pasagjeri në motomjet, shtetasi F. M., i cili ndodhet në spital jashtë rrezikut për jetën.

Materialet i kaluan Prokurorisë.