Një grabitje e armatosur ka ndodhur mbrëmjen e së enjtes në një institucion financiar në rrugën “Robert Doll” të Prishtinës. Ngjarja ka ndodhur rreth orës 16:00 dhe është konfirmuar nga zëdhënësja e policisë për rajonin e Prishtinës, Flora Ahmeti.

Sipas informacioneve të para, një person i dyshuar ka kryer grabitjen nën kërcënimin e armës, duke marrë një shumë parash. Policia është drejtuar menjëherë në vendngjarje dhe ka filluar hetimet për zbardhjen e rrethanave të ngjarjes.

Aktualisht, autoritetet po kryejnë veprimet e nevojshme për identifikimin dhe arrestimin e personit të dyshuar. Policia ka theksuar se është në fazën e hetimeve për të sqaruar ngjarjen dhe për të siguruar të dhëna që mund të çojnë në zgjidhjen e rastit.

Një ngjarje e rëndë ka ndodhur në lagjen “16 Prilli” në Fier, ku një 40-vjeçar është sulmuar dhe grabitur me dhunë teksa po ecte në rrugë. Atij i janë marrë rreth 100 mijë lekë të vjetra dhe sende të tjera personale.

Sipas njoftimit zyrtar të Policisë, autori i dyshuar i kësaj grabitjeje është shtetasi Mevlud Hasa, 30 vjeç, banues në fshatin Fermë Çlirim, raporton noa.al.

Dinamika e ngjarjes

Burimet policore bëjnë me dije se ngjarja ka ndodhur në orët e para të mëngjesit (ose të pasdites, sipas hetimeve paraprake), kur 40-vjeçari po kalonte në një nga rrugicat e lagjes “16 Prilli” në Fier.

Autori dyshohet se i është afruar viktimës dhe, duke përdorur forcë fizike, i ka rrëmbyer çantën që ai mbante me vete. Në çantë ndodheshin një shumë parash dhe disa sende personale.

Reagimi i Policisë

Pak pas marrjes së telefonatës për vjedhjen me dhunë, shërbimet e Komisariatit të Policisë Fier kanë nisur kërkimet për autorin. Pas veprimeve të shpejta dhe profesionale, uniformat blu arritën ta identifikojnë dhe ta lokalizojnë autorin e dyshuar pas pak orësh.

Pas ndalimit të tij, policia ka sekuestruar çantën e grabitur, së bashku me paratë dhe sendet personale të 40-vjeçarit, duke i rikthyer ato pronarit.

Autori në pranga, vijojnë hetimet

Shtetasi Mevlud Hasa është vënë në pranga dhe ndaj tij materialet procedurale janë referuar Prokurorisë së Fierit për veprën penale “Vjedhja me dhunë”. Hetimet po vijojnë për të zbardhur plotësisht rrethanat e rastit, si dhe për të verifikuar nëse 30-vjeçari mund të jetë i përfshirë në ngjarje të ngjashme kriminale.

Reagimi i banorëve dhe apeli i Policisë

Ky incident ka shkaktuar shqetësim tek banorët e lagjes “16 Prilli” të Fierit, duke nxjerrë sërish në pah nevojën për vigjilencë të shtuar dhe bashkëpunim mes qytetarëve dhe organeve të rendit. Policia e Fierit tha se u bën thirrje banorëve që të raportojnë çdo aktivitet të dyshimtë, në mënyrë që autoritetet të mund të ndërhyjnë në kohë dhe të garantojnë rendin dhe sigurinë.

Pasojat ligjore

Në bazë të Kodit Penal, vjedhja me dhunë dënohet me vite burg, varësisht nga rrethanat e kryerjes së veprës dhe pasojat që sjell për viktimën. Në këtë rast, duke qenë se bëhet fjalë për një grabitje në rrugë, Prokuroria e Fierit pritet të kërkojë një masë të rreptë sigurie, për të parandaluar përsëritjen e ngjarjeve të ngjashme.

Ngjarja e rëndë në Fier nxjerr në pah rëndësinë e reagimit të shpejtë të qytetarëve dhe punën profesionale të Policisë për të garantuar rendin dhe sigurinë publike.

Një grabitje me armë dyshohet se ka ndodhur në Valias.

Gazetari , Esido Barkaj bën me dije se një qytetar në Valias ka lajmëruar policinë ku ka deklaruar se dy persona me makinë dhe të armatosur e kanë grabitur duke i marrë lekët dhe disa sende me vlerë.

Policia ka nisur hetimet ku po kqyr kamerat e sigurisë në zonë. Nuk përjashtohet as pista e deklarimit të rremë pasi ka dyshime se ngjarja mund të jetë e sajuar nga qytetari pasi deri tani nuk kanë gjetur asnjë gjurmë të mjetit apo të autorëve.

Kjo për shkak se në deklaratën e tij ai nuk ishte shumë i qartë për vendin apo mënyrën sesi e kanë grabitur.

Mediat vendase thanë e objektivi ishte butiku ekskluziv Harry Winston, i njohur ndryshe si “argjendaria e yjeve”.

Policia franceze tha sot pasdite se është në kërkim të grabitësve të armatosur që shënjestruan një argjendari në zonat më luksoze të Parisit.

Policia e Parisit tha se grabitësit e armatosur erdhën dhe u larguan me motoçikleta, kishin qëlluar një herë brenda argjendarisë por pa shkaktuar plagosje

Një video e rrjetit vendas BFM-TV tregonte burra të veshur me të zezë që largoheshin nga vendndodhja me motoçikleta.

Prokuroria e Parisit tha se po heton për grabitjen e ndodhur në dyqanin që punon vetëm me takime të posaçme, në rrugën Avenue Montaigne, Harry Winston, por nuk mund të konfirmonin bizhuteri të vjedhura apo vlerën në të cilën arrinin ato.

Kjo nuk është hera e parë që grabitet argjendaria e luksit. Tetë njerëz janë burgosur në vitin 2015 në lidhje me një grabitje spaktakolare të vitit 2008 kur tre burra të armatosur vodhën këtu bizhuteri në vlerën 90 milionë dollarë, sipas mediave.

Tre persona hynë në shtëpi, më kërkuan lekët dhe më dhunuan, tregon për mediat 54-vjeçari që ra pre e një grabitjeje.

Pronari i shtëpisë, ku persona ende të paidentifikuar hynë për të vjedhur tregon se u dhunua rëndë nga autorët. Kur u thashë se s’kam para, më qëlluan me qytën e armës dhe më lanë të shtrirë në tokë, rrëfen Sokol Bajgora.

“Isha në gjumë kur dëgjova një zhurmë të fortë. Mendova se ishte ndonjë mace. Pastaj ranë pjatat e bufesë. U ngrita dhe dola nga dhoma. Ishin tre veta me armë. U futën brenda. Më kërkuan lekë dhe u thashë s’kam. Më qëlluan mbi pesë gjashtë herë në kokë me qytën e armës. Donin të më lidhnin këmbët dhe duart. E kthyen shtëpinë përmbys. E kthyen krevatin përmbys dhe më lanë poshtë. Nuk kishim drita, mezi dola nga dritarja. Dola të kërkoj ndihmë. Ishin me maska”.

Ngjarja ka ndodhur në fshatin Blatëz të Fierit ku persona ende të paidentifikuar hynë për të vjedhur, por nuk morën asgjë. 54-vjeçari i plagosur ndodhet në spital, nën kujdesin e mjekëve. Ndërkohë, pritet hetimi për ngjarjen dhe identifikimi i autorëve.

Dy persona të armatosur kanë tentuar të vjedhin në një banesë në Lezhë, por nuk ia kanë dalë.

Sipas burimeve, rreth orës 2:00 të mëngjesit, në fshatin Malecaj të Lezhës, dy persona të maskuar hynë në banesën e familjes Buja.

Në ato çaste, kryefamiljari Nikoll Buja, i cili ka qenë vetëm në shtëpi, ka dëgjuar zhurma dhe është zgjuar, ku i ka bërë rezistencë hajdutëve.

Këta të fundit, kanë nisur ta dhunojnë, duke e goditur në pjesën e kokës, sikurse kanë qëlluar me armë zjarri, fatmirësisht pa asnjë të lënduar.

Më pas, autorët janë larguar me shpejtësi dhe nuk kanë marrë asgjë nga banesa.

Pas sinjalizimit, në vendngjarje ka mbërritur policia e cila ka nisur dhe hetimet për të rënë në gjurmët e tyre.