Gramsh, 27 maj 2025 – Një ngjarje e rëndë është regjistruar në qytetin e Gramshit, ku një 38-vjeçar është arrestuar në flagrancë nga Policia pas një denoncimi për dhunë dhe tentativë rrëmbimi.

Sipas njoftimit zyrtar të Drejtorisë Vendore të Policisë Elbasan, shtetasi E. K., 38 vjeç, banues në Gramsh, është vënë në pranga nga specialistët për Hetimin e Krimeve të Komisariatit të Gramshit, pasi një vajzë 18-vjeçare ka denoncuar se ai i është futur pa dëshirë në banesë, e ka goditur me shpullë dhe ka tentuar ta marrë me forcë.

Menjëherë pas kallëzimit, janë kryer verifikime të shpejta dhe ka rezultuar se 38-vjeçari është person me precedent penal në fushën e vjedhjes.

Nën drejtimin e Prokurorisë së Rrethit Gjyqësor Elbasan, po vijon puna për dokumentimin ligjor të plotë të rrethanave të kësaj ngjarjeje. Autoritetet po hetojnë mbi motivet dhe çdo detaj tjetër që lidhet me rastin.

Gramsh, 12 maj 2025 – Është përmbyllur numërimi i votave në të 48 qendrat e votimit të bashkisë Gramsh, ku Partia Socialiste e Shqipërisë (PS) ka arritur një fitore dërrmuese me 7,737 vota, përkatësisht 69.68% të totalit.

Në vend të dytë është renditur Koalicioni Partia Demokratike – Aleanca për Shqipërinë Madhështore (PD-ASHM) me 2,357 vota ose 21.23%.

Rezultatet për subjektet e tjera janë si më poshtë:

Koalicioni Nisma “Shqipëria Bëhet”: 454 vota (4.09%)

Partia Koalicioni Euroatlantik (KEA): 148 vota (1.33%)

Partia Mundësia: 154 vota (1.39%)

Partia Socialdemokrate (PSD): 129 vota (1.16%)

Lëvizja Bashkë: 89 vota (0.80%)

Partia Aleanca Kombëtare Shqiptare (AKSH): 20 vota (0.18%)

Partia Aleanca Demokracia e Re (ADR): 5 vota (0.05%)

Koalicioni Djathtas për Zhvillim (DZH): 4 vota (0.04%)

Lëvizja Atdheu (LA): 7 vota (0.06%)

Rezultati në Gramsh e përforcon edhe më tej epërsinë e PS në qarkun Elbasan, duke e kthyer këtë zonë në një ndër më të sigurtat për të majtën në zgjedhjet e 11 majit. /noa.al

Një aksident me pasojë vdekjen e një 75-vjeçari ka ndodhur mëngjesin e sotëm në aksin rrugor Cërrik-Gramsh.

I moshuari ka qenë duke lëvizur me biçikletë kur është përplasur nga një automjeti tip “Benz” që drejtohej nga 70-vjeçari me iniciale Q.B.

Ky i fundit është arrestuar për veprën penale “shkelja e rregullave të qarkullimit rrugor”. Materialet procedurale i kaluan Prokurorisë për veprime të mëtejshme.

Gjykata e Elbasanit dha dënimin për 4 adoleshentët të cilët vranë bashkëmoshatarin e tyre në Gramsh. Ngjarje e ndodhur në maj të vitit 2023.

Ergi Karaj u dënuar 12 vite burg për veprën penale të vrasjes në rrethana cilësuaese, 10 vite burg për veprën penale plagosje dhe 10 vite burg për vrasje të mbetur në tentativë dhe 5.5 vite për armë mbajtje. Në total ai u dënua 27 vite  burg dhe  me gjykim të shkurtuar Gjykata vendosi përfundimisht 18 vite burg.

Orgito Çarçiu u dënuar për katër vepra penale 21 vite burg dhe në gjykim të shkurtuar ai do të v uajë 14 vite burg.

Xhonatan Çekrezi u dënuar nga gjykata për 4 vepra penale me 12 vite burg, në gjykim të shkurtuar 8 vite.

Ndërsa Stiven Murati u dënua nga gjykatsa me 10 vite burg dhe me gjykim të shkurtuar do të vuajë 6 vite e 8 muaj burg.

Një arsenal armësh është gjetur mbrëmjen e kësaj të mërkure në qytetin e Gramshit. Mësohet se disa disa kanë gjetur një sasi të madhe granatash dhe arka të konsiderueshme me fishekë.

Lajmi në përditësim…