Nje 85 vjecar mbeti i plagosur sot ne Himare teksa po punonte ne ullishte si pasoje e shperthimit te nje granate. 

Policia tha se i demtuari eshte jashte rrezikut per jeten ndersa per ngjarjen, kane nisur hetimet.

Himarë/Informacion paraprak

Sot, në lagjen “Livadhë”, Himarë, në një sipërfaqe toke (ullishte), shtetasi K. K., 85 vjeç, duke punuar në tokën e tij, ka marrë dëmtime në këmbë, si pasojë e shpërthimit të një granate dore, e cila ndodhej e fshehur në rrënjët e një ulliri.

Shtetasi K. K. aktualisht ndodhet në Spitalin Rajonal Vlorë, jashtë rrezikut për jetën.

Grupi hetimor po kryen veprimet hetimore për zbardhjen dhe dokumentimin e plotë të ngjarjes.

Një fëmijë u vra dhe 22 të tjerë u plagosën pasi një granatë shpërtheu në një shkollë fillore në qytetin jugor Dawey të Mianmarit.

Tragjedia ndodhi pak pas mesditës kur një student gjeti një granatë të pashpërthyer që besohet se kishte rënë në vend gjatë përleshjeve të mëparshme midis ushtrisë dhe “terroristëve”, sipas një deklarate nga regjimi ushtarak që sundon vendin.

Fëmija e mori granatën duke synuar t’ia çonte mësuesit të tij, por ajo i ra dhe shpërtheu. Një nxënës mbeti i vrarë dhe 22 fëmijë të tjerë u plagosën së bashku me një prind që ndodhej në vendin e shpërthimit.

Lufta civile në këtë vend të Azisë Juglindore është përshkallëzuar muajt e fundit pasi grupet e armatosura përshkallëzojnë sulmet e tyre kundër ushtrisë që mori pushtetin pas një grushti shteti në vitin 2021.