Qindra gra kanë protestuar në qytetet turke kundër vrasjes së grave, pas raportimit të dy rasteve në Stamboll.
Qindra persona kanë bërtitur zëshëm kundër presidentit turk, Recep Tayyip Erdogan dhe partisë së tij me rrënjë islamike, AKP.

“Ju jeni një Qeveri që lejoni vrasjen e grave”, ka thënë organizatorja e marshit, Gunesh Fadime Ahsahin, para turmës.
Gulizar Sezer, nëna e një gruaje të re që është vrarë, ka thënë se duhet t’i jepet fund “masakrimit të vajzave tona”.
Trupi i vajzës së saj është gjetur ne qershor, pasi fillimisht është gjuajtur në det, i mbështjellë në një tepih.
Protesta tjera janë mbajtur në Ankara dhe Izmir, sipas Federatës për të Drejta të Grave.

Protesta të ngjashme janë mbajtur çdo ditë gjatë javës, në qytete të ndryshme, kryesisht nëpër kampuse universitare.
Protestat kanë shpërthyer prej vrasjes së dy vajzave të reja në javën e fundit, brenda 30 minutave.
I dyshuari për vrasje e ka vrarë më pas edhe veten.
I dyshuari dhe dy gratë kanë qenë të moshës 19-vjeçare, kanë thënë zyrtarët.

Erdogan, që paraprakisht ka fajësuar alkoolin dhe rrjetet sociale për vrasje të tilla, është zotuar të mërkurën që të forcojë sistemin gjyqësor dhe të luftohet krimi.
Turqia regjistron me vite raste të vrasjes së grave.

Një grup monitorues ka thënë se vetëm këtë vit janë kryer 299 vrasje të grave, në shtetin me 85 milionë banorë.
Më 2021, Turqia është tërhequr prej një konvente të Këshillit të Evropës për parandalim të dhunës ndaj grave, e njohur si Konventa e Stambollit.
Konventa obligon autoritetet kombëtare që të hetojnë dhe ndëshkojnë dhunuesit e grave./REL

Në vitin 2023, paga mesatare në ekonomi arriti në 70.5 mijë lekë, sipas të dhënave të publikuara nga INSTAT. Në krahasim me vitin e kaluar, mesatarisht paga është rritur me 14%. Një mashkull paguhej mesatarisht 72.7 mijë lekë në muaj, ose 14% më shumë se një vit më parë.

Femrat vijojnë të paguhen më pak sesa meshkujt. Paga mesatare e tyre në 2023 ishte 68.2 mijë lekë, ose 6.2% më pak sesa e meshkujve, në të njëjtat nivele me vitin e mëparshëm, por e përkeqësuar në krahasim me 2021, kur diferenca e pagave mes dy gjinive arriti në nivelin më të ulët historik prej 4.5%.

Nga 36 grup-profesione që raporton INSTAT, vetëm në 5 prej tyre, (Drejtues administrativë dhe komercialë; Ligjvënës, nëpunës të lartë të administratës shtetërore dhe drejtorë ekzekutivë; Punonjës në profesionet e elektro-teknologjisë; Punëtorë shërbimi dhe ndihmës; Punonjës të shërbimeve personale dhe të mbrojtjes) ose 14% të grup-profesioneve gjithsej, gratë paguhen më shumë sesa burrat. Gratë drejtuese paguhen më shumë

Ndonëse në pjesën më të madhe të profesioneve, gratë marrin më pak sesa burrat, ka një kategori ku ato gjithmonë dominojnë, atë të drejtuesve, duke qenë madje më të paguarat nga të gjithë.

Sipas INSTAT, në grup-profesionin “Drejtues administrativë dhe komercialë”, gratë u paguan mesatarisht me 201 mijë lekë në muaj në 2023, me rritje prej 16% në raport me vitin e mëparshëm. Ky është grup-profesioni më i paguar në vend. Në krahasim me burrat që punojnë në të njëjtin profesion (188 mijë lekë), femra drejtuese paguhen 7.2% më shumë.

Edhe në shtet, gratë paguhen më shumë. Në grup-profesionin “Ligjvënës, nëpunës të lartë të administratës shtetërore dhe drejtorë ekzekutivë”, paga mesatare mujore e femrave ishte 108 mijë lekë, ose 6% më shumë sesa e meshkujve në të njëjtën kategori.

Profesionet me diferencat më të mëdha të pagave

Profesioni që i paguan më pak gratë se burrat është industria, me një diferencë prej 16%, për shkak të vështirësive fizike që ka ky aktivitet, ku nga vetë natyra preferohen meshkujt. Burrat në industri paguhen 64 mijë lekë në muaj, përkundrejt 47 mijë lekë gratë, me këto të fundit që janë të punësuara kryesisht në industrinë e tekstileve e këpucëve.

Aftësitë në mësimdhënie në lëndët shkencore vlerësohen më pak tek femrat. Diferenca në grup profesionin “Specialistë të shkencave të fizikës, matematikës dhe inxhinierisë” është 21%, me burrat që paguhen 100.3 mijë lekë dhe gratë rreth 80 mijë lekë në muaj.

Edhe në arsim në përgjithësi, mësueset femra paguhen 14% më pak sesa ata meshkuj. Diferencë të lartë ka dhe në shëndetësi, me gratë që paguhen 84 mijë lekë, ose 17% më pak sesa burrat. Barazia më e madhe në paga është në ndërtim (rreth 46 mijë lekë secili) dhe bujqësi (rreth 45 mijë lekë). /Monitor

Kremlini tha dje se perspektivat për marrëdhëniet midis Rusisë dhe Bashkimit Evropian janë të këqija pasi krerët e vendeve anëtare të BE-së emëruan Ursula von der Leyen për një mandat tjetër në krye të Komisionit Evropian dhe zgjodhën kryeministren estoneze Kaja Kallas. përfaqësuesi i lartë për politikën e jashtme.

Zëdhënësi i Kremlinit Dmitry Peskov u tha gazetarëve se vendimi i Unionit për të emëruar gjermanen Ursula von der Leyen për një mandat të dytë pesëvjeçar nuk do të ndryshojë asgjë. “Zonja von der Leyen nuk mbështet normalizimin e marrëdhënieve midis BE-së dhe Rusisë. Ne e njohim atë ashtu, ne e kujtojmë atë ashtu.

Asgjë nuk ndryshon në këtë kuptim”, tha Peskov. I ndarë më parë, Unioni është mobilizuar për të ndihmuar financiarisht dhe ushtarakisht Kievin në luftën e tij kundër Rusisë që kur presidenti rus Vladimir Putin dërgoi dhjetëra mijëra trupa në Ukrainë në vitin 2022. Brukseli ka vendosur gjithashtu paketa të shumta sanksionesh ndaj Moskës, në përpjekje për ta detyruar atë të tërheqë forcat e saj dhe për të ndaluar kështu agresionin.

Duke komentuar zgjedhjen e kryeministrit estonez Kaja Kallas në krye të diplomacisë evropiane, Peskov tha se ajo njihet për retorikën e saj antiturke. “Zonja Kallas gjithashtu nuk ka shfaqur prirje diplomatike dhe në vendin tonë njihet për pikëpamjet e saj absolutisht të pakompromis dhe ndonjëherë edhe hapur antiturke”, tha ai. “Prandaj, ne nuk mendojmë se diplomacia evropiane do të kontribuojë në asnjë mënyrë në normalizimin e marrëdhënieve. Perspektiva është e keqe për sa i përket marrëdhënieve midis Moskës dhe Brukselit”, shtoi ai. Kujtojmë se Kallas është quajtur shpesh edhe “skiftere ruse”, për shkak të ashpërsisë ndaj Moskës.

“…Ekzistojnë shumë gra të cilat tërhiqen nga meshkujt tiranik, ashtu sikur insektet pas flakës. Por ekzistojnë gjithashtu disa gra të cilat s’kanë nevojë për hero e madje as për ndonjë dashnor të stuhishëm, por vetëm për një mik.

Rri larg të dashurëve tiranik dhe tento ta gjesh atë që është duke e kërkuar një mashkull si shok, jo sepse ato janë duke e ndjer veten të zbrazët, por sepse e shijojnë ndjenjën kur të plotësojnë edhe ty gjithashtu.

Mos harro se miqësia mes femrës dhe mashkullit është shumë më e çmuar dhe më e rrallë se sa dashuria: në fakt, dashuria është mjaft e ngathët kur krahasohet me miqësinë.

Miqësia përfshin një masë të ndjeshmërisë, vëmendjes, zemërgjerësis dhe një sens të hollë të akorduar të përmbajtjes…”

Amos Oz

Jeto I Lumtur.al