Një tërmet me magnitudë 4.7 ballë goditi brigjet e Nisyros, Greqi, të mërkurën në mbrëmje.

Epiqendra e tërmetit ndodhej 38 kilometra në jugperëndim të ishullit.

Thellësia fokale e tërmetit është 122 kilometra.

Për fat të mirë, deri më tani sipas mediave greke nuk raportohet për të lënduar apo objekte të dëmtuara.

TIRANË- Ministria e Mbrojtjes ka dhënë përditësime lidhur me situatën e zjarreve në vend. Bëhet me dije se pas 5 ditësh është vënë nën kontroll vatra e zjarrit në Finiq. Në ndihmë për stabilizimin e situatës kanë ardhur edhe dy avionë zjarrfikës nga Greqia.

Ndërkohë në njoftimin e ministrisë thuhet gjithashtu se me ndërhyrjen nga ajri u vu nën kontroll dhe vatra e zjarrit në Poliçan, ku flakët rrezikonin zona të pyllëzuara të paarritshme nga toka. Më tej shtohet se dhe në Elbasan, është bërë i mundur izolimin i vatrës, duke shmangur dëme të mëdha mjedisore dhe materiale.

NJOFTIMI I PLOTË:

Forcat e Armatosura, në bashkëpunim me forcat e tjera operacionale në terren dhe me ndihmën e Mekanizmit Evropian të Mbrojtjes Civile finalizuan me sukses një ditë të vështirë në betejë me zjarret, në territorin e vendit.

Në Bashkinë Finiq, Forcat Ajrore Shqiptare, në bashkëpunim me dy avionë zjarrfikës të ardhur nga Greqia, në kuadër të Mekanizmit Evropian të Mbrojtjes Civile arritën të vënë nën kontroll zjarrin në masivin malor të Shtugarit dhe në zonën ndërkufitare. Koordinimi i ngushtë ndërmjet Qendrës Kombëtare Operacionale të Emergjencave Civile (AKMC) dhe Agjencisë Greke të Mbrojtjes Civile bëri të mundur hyrjen nga pika kufitare të mjeteve ajrore greke dhe realizimin me efikasitet të misionit. Aktualisht, situata në Finiq është nën kontroll dhe e stabilizuar.

Ndërkohë, një tjetër ndërhyrje ajrore u realizua me sukses në Poliçan, ku flakët rrezikonin zona të pyllëzuara të paarritshme nga toka. Edhe në Elbasan, përpjekjet e vazhdueshme të Drejtoria Rajonale e Mbrojtjes nga Zjarri, Forcat e Armatosura dhe strukturat vendore bënë të mundur izolimin e vatrës, duke shmangur dëme të mëdha mjedisore dhe materiale.

Në këto ditë të nxehta, me rrezik të lartë zjarresh në të gjithë rajonin e Mesdheut, siç paralajmërohet edhe nga harta zyrtare e shërbimit Copernicus EMS kërkohet kujdes maksimal nga qytetarët.

Ministria e Mbrojtjes u bën thirrje qytetarëve të tregojnë kujdes të shtuar, të mos ndezin zjarre në natyrë, dhe të njoftojnë menjëherë strukturat përkatëse në rast rreziku.

Të gjitha strukturat e mbrojtjes civile janë në gatishmëri të plotë, në çdo rast nevoje.

Vetëm disa ditë pasi Parlamenti grek ka miratuar me shumicë të gjerë votash Kodin e ri Rrugor i cili sjell ndryshime të rëndësishme për të përmirësuar sigurinë rrugore dhe për të reduktuar aksidentet fatale , policia rrugore ka filluar me seriozitet zbatimin e tij.

Ky kod prezanton dënime më të ashpra për shkelësit e përsëritur të rregullave të trafikut në një përpjekje për të përmirësuar sigurinë rrugore dhe për të zvogëluar vdekjet që lidhen me aksidentet. Midis tyre vecohen:Përdorimi i telefonit gjatë drejtimit të makinës që sipas ligjit të ri, shkelja e parë sjell një gjobë prej 350 eurosh dhe pezullim të patentës së drejtimit për 30 ditë, e dyta rezulton në një gjobë prej 1,000 eurosh dhe një pezullim prej 180 ditësh dhe shkelja e tretë rrit gjobën në 2,000 euro dhe heqje patente për një vit.

Përdorimi i telefonit në vitin 2024 ishte shkaku i 3-të i aksidenteve rrugore në Greqi.Gjithashtu drejtimi i mjetit në gjendje të dehur, i cili kontribuoi në rreth 25% të vdekjeve në rrugë në Greqi në vitin 2024, është një tjetër aspekt i kodit të ri. Ligji i rishikuar përcakton tre nivele të dehjes, me dënime që rriten sipas përqendrimit të alkoolit në gjak të shoferit duke filluar nga një gjobë 350 € dhe heqje patente për 30 ditë deri në 4000 euro gjobë dhe heqje patente për 10 vjet.

Shkelja mund të çojë gjithashtu në akuza penale në rast se ka vdekje, dëmtime të rënda trupore ose dëmtime të pronës publike.Dënime të rënda ka edhe për rastet e mospërdorimit të rripit të sigurimit me 350 € për shoferin dhe 150 € për pasagjerin,ndërsa në rast të përsëritur gjoba shkon deri në 2.000 € dhe heqje patente për 1 vit. Po ashtu edhe për shkelje të shenjave të semaforëve dhe tabelave STOP, rastet e drejtimit të mjetit pa patentë, parkimit në vendet e kalimit të perosnave me aftësi të kufizuara, shkeljes së e kufirit të shpejtësisë në zonat e banuara.

Sipas Autoritetit Satistikor Kombëtar (ELSTAT), 665 persona humbën jetën në aksidente trafiku në vitin 2024, ndërsa Greqia mbetet ndër vendet e Bashkimit Evropian me shkallën më të lartë të vdekjeve në rrugë. Të dhënat nga Këshilli Evropian i Sigurisë së Transportit (ETSC) e rendisin Greqinë të shtatën në të gjithë bllokun për vdekjet që lidhen me trafikun rrugor.

Pritet të nisë sot në orën 08:30 numërimi i votave të diasporës, që kanë ardhur nga Greqia.

Janë rreth 50 mijë vota të mbërritura me zarfe nga fqinji jugor të cilat u hoqën mënjanë nga KQZ, pasi u kontestuan nga PD.

Nga ana tjetër, ka përfunduar numërimi i votave të ardhura nga shtetet e tjera. 246 mijë shqiptarë me banim jashtë vendit u regjistruan në sistemin online të KQZ për të votuar në zgjedhjet parlamentare të 11 majit. Por nga këta, 194 mijë emigrantë shprehën verdiktin e tyre duke kthyer në KQZ zarfin me votën.

Rreth 20 mijë zarfe nuk mbërritën asnjëherë në destinacion ndërsa pjesa tjetër e përfaqësuesve të diasporës nuk denjuan të kthenin zarfin.

Ditën e djeshme Kolegji Zgjedhor ka marrë vendimin për të rrëzuar kërkesën padinë e Partisë Demokratike, e cila kërkonte shfuqizimin e vendimit të Komisionit të Administratës Shtetërore (KAS).

PD kishte kundërshtuar lejimin e numërimit të votave të diasporës nga Greqia, duke e konsideruar këtë një shkelje të procedurave. Kreu i KQZ, Ilirjan Celibashi pranoi ankimimin e PD-së dhe urdhëroi pezullimin e numërimit për votat e Greqisë, të cilat u veçuan nga zarfet e tjera.

Ndërkohë, KAS rrëzoi urdhrin e Celibashit dhe vendosi që të pranohej numërimi i këtyre votave si pjesë e procesit zgjedhor.

Kolegji Zgjedhor, pas shqyrtimit të kërkesës, e ka cilësuar si të pavlefshme kërkesën e PD-së, duke konfirmuar kështu vlefshmërinë e numërimit të votave të Greqisë.

Greqia do ta mbështesë Shqipërinë në përpjekjet e saj dhjetëvjeçare për t’u anëtarësuar në Bashkimin Evropian, por me kusht që Tirana të respektojë të drejtat e pakicës greke në vend. Ky është qëndrimi i kryeministrit grek, Kyriakos Mitsotakis, i cili e shprehu këtë mbështetje të mërkurën, raporton Reuters.

Marrëdhëniet midis Athinës dhe Tiranës janë tensionuar pas arrestimit të politikanit të pakicës greke, Alfred Beleri, vitin e kaluar, gjatë një fushate për zgjedhjet lokale në qytetin e Himarës. Ai u burgos nën akuzën e blerjes së votave. Beleri u lirua këtë vit dhe fitoi një vend në Parlamentin Evropian si kandidat i partisë konservatore të Mitsotakisit, Demokracia e Re.

Duke nënshkruar një kontratë për ndërtimin e një rruge të re që lidh qytetin e Janinës me fshatin Kakavijë në Shqipëri, Mitsotakis tha se Greqia ka mbajtur gjithmonë marrëdhënie të mira me Shqipërinë. Sidoqoftë, ai theksoi se mbështetja për anëtarësimin e Shqipërisë në BE varet nga përmbushja e detyrimeve të Shqipërisë në lidhje me të drejtat e pakicës greke, e cila është më e madhja në vend.

“Ekziston një rrugë e vazhdueshme e kushteve drejt Bashkimit Evropian, ku ne jemi në thelb rregullatorët e shpejtësisë me të cilën Shqipëria do të ecë drejt Evropës,” tha Mitsotakis, para se të udhëtonte për në Bruksel për samitin BE-Ballkan Perëndimor.

Shqipëria, së bashku me Bosnjën, Kosovën, Malin e Zi, Maqedoninë e Veriut dhe Serbinë, ka marrë premtimin për anëtarësim në BE që nga vitet e kaluara dhe ato janë në negociata për reformat që do t’i mundësojnë të bëhen pjesë e bllokut të 27 shteteve anëtare. Megjithatë, procesi i integrimit ka ngecur për shkak të ngadalësisë në reformat dhe mungesës së vullnetit të shteteve anëtare të BE-së për zgjerimin e mëtejshëm të Unionit. Shqipëria hapi kapitullin e parë të negociatave për anëtarësim në tetor, 15 vjet pas dorëzimit të kërkesës për anëtarësim.

Në një tjetër zhvillim, ministri i Jashtëm grek, George Gerapetritis, pas një takimi me homologun serb, Marko Gjuriq, theksoi mbështetjen e Greqisë për përpjekjet e Serbisë për t’u anëtarësuar në BE. “Anëtarësimi i Serbisë në Bashkimin Evropian është një domosdoshmëri gjeopolitike,” tha Gerapetritis.

Një shqiptar i dënuar 13 vite më parë për vrasje është prangosur në Angli pasi vendfshehja e tij u zbulua nga Interpol Tirana dhe Drejtoria për Marrëdhëniet Ndërkombëtare në Policinë e Shtetit.

Pëllumb Lleshi i dënuar me 13 vite burg në mungesë është prangosur për qëllim ekstradimi në Shqipëri në zonën e Kent në Jug të Anglisë.

Në mars 2011, Gjykata e Elbasanit ka shpallur fajtor pesë të arrestuarit e akuzuar për vrasjen e emigrantit shqiptar Bilbil Hila ndodhur në vitin 2003 në Greqi.

Ky vendim u mor pasi prokuroria e Elbasanit kishte nisur procedimin penal kundër të pandehurve Kasem Vrapi, Atmirant Dragoti, Ilia Pire, Eduart Pepa dhe Pëllumb Lleshi.

Atë kohë prokurori Elvin Gokaj tha se ky procedim penal nisi mbi bazën e kallëzimit të të atit të viktimës Bajram Hila me banim në fshatin Katund i Ri –Elbasan, i cili i paditi pesë të pandehurit për vrasjen e të birit Bilbil Hila në 24 nëntor të vitit 2003, një vrasje e ndodhur në vendin e quajtur “Anaviso” në Greqi.

Sipas organit të akuzës të pandehurit Kasem Vrapi, Atmirant Dragoti, Ilia Pire, Eduart Pepa dhe Pëllumb Lleshi në bashkëpunim kanë goditur e masakruar me mjete të ftohta si shufra druri, kaçavida, shufra hekuri etj., viktimën Bilbil Hila duke i shkaktuar vdekjen.

Sipas prokurorisë kjo çështje kishte patur vështirësi në marrjen e provave nga shteti grek, nga numri i madh i të pandehurve të dënuar për një vrasje dhe pranimi i kërkesave të prokurorisë për fajësi dhe masë dënimi nga gjykata.

Një 55 vjeçar nga Berati me inicialet SH.A. është kapur teksa transportonte 32 kuti me ilaçe pa pulle fiskale.
Këto ilaçe dyshohet të jenë kontrabandë nga Greqia. Ndaj 55-vjeçarit ka nisur procedimi penal.

Njoftimi i Policisë:
“Seksioni për Hetimin e Krimeve Ekonomike dhe Financiare referoi materialet në Prokurori, ku nisi procedimi penal për shtetasin Sh. A., 55 vjeç, banues në Berat, pasi u kap duke transportuar me automjet, 32 kuti me medikamente mjekësore, pa pullë fiskale, të cilat dyshohet se i ka kontrabanduar nga Greqia”

Autoritetet greke rritën në IV nivelin e rrezikut të zjarreve për këtë të shtunë në të gjithë vendin, sidomos në rajonet e Atikës, Sterea Ellada dhe Evia duke përfshirë ishullin Skyros, Egjeun Jugor (ishujt Ciklade), Egjeun Verior (Lesvos, Kios, Samos), Ikari), Peloponez (Korinth dhe Argolida) dhe Kretë, kjo sipas Hartës së Parashikimit të Rrezikut nga Zjarri, të lëshuar nga Sekretariati i Përgjithshëm për Mbrojtjen Civile në Ministrinë e Krizave Klimatike dhe Mbrojtjes Civile.

Sekretariati i Përgjithshëm ka këshilluar shërbimet shtetërore dhe vendore në këto zona të jenë në gatishmëri për të përballuar menjëherë çdo zjarr që mund të ndodhë, përfshirë patrullimet ajrore dhe tokësore.

Gjithashtu do të ketë një ndalim paraprak për qarkullimin e automjeteve dhe njerëzve brenda parqeve kombëtare, pyjeve dhe zonave me rrezik të lartë.

Rrezik i lartë zjarri të dielën në Atikë, Greqinë Qendrore dhe Kretë

Në gatishmëri të shtuar të mbrojtjes civile, për përballimin e menjëhershëm të çdo incidenti zjarri, bashkitë e këtyre zonave

Njëkohësisht, rekomandohet që qytetarët të jenë veçanërisht të kujdesshëm dhe të shmangin veprimet, të cilat mund të shkaktojnë zjarr nga pakujdesia, si djegia e barit dhe degëve të thata apo pastrimi i mbetjeve, përdorimi i makinerive që shkaktojnë shkëndija si sharra rrethore, aparate saldimi, përdorimi i grilave në natyrë, pirja e duhanit, hedhja e cigareve të ndezura etj. Gjithashtu, kujtohet se gjatë sezonit të mbrojtjes nga zjarri ndalohet djegia e arave. Në rast zjarri, qytetarët janë të lutur të njoftojnë menjëherë Shërbimin Zjarrfikës në numrin 199.

Greqia ka urdhëruar evakuimin e të paktën 11 qyteteve dhe fshatrave në verilindje të Athinës, duke përfshirë qendrën antike të Maratonës, për shkak të zjarreve masive që kanë prekur zonën.

Flakët, të përhapura nga erërat e forta, dogjën pemë, shtëpi dhe makina dhe kërcënuan periferitë e kryeqytetit, duke bërë që autoritetet të urdhërojnë evakuime të mëtejshme.

Mbi 500 zjarrfikës, të mbështetur nga 17 avionë dhe 15 helikopterë, ndërhynë për të shuar zjarrin fillestar që shpërtheu të dielën pranë Varnavas, 35 kilometra në veri të kryeqytetit, i cili u përhap më pas në fronte të ndryshme: nga fshati Grammatiko në lokalitetin buzë detit.

Bashkimi Evropian njoftoi nisjen e një operacioni të madh në Athinë për të ndihmuar autoritetet në shuarjen e zjarreve në pyje.about:blank

Nëpërmjet mekanizmit të mbrojtjes civile të BE-së, në Greqi u mobilizuan dy avionë “Canadair” nga Italia, një helikopter nga Franca dhe dy ekipe zjarrfikëse tokësore nga Republika Çeke dhe Rumania.

“Ne vazhdimisht i ndjekim zhvillimet dhe jemi të gatshëm të ofrojmë ndihmë të mëtejshme”, u shpreh zëdhënësi i Komisionit Evropian, Balazs Ujvari.

Burime pranë pikës së kalimit kufitar të Kapshticës bëjnë të ditur se vetëm ditën e djeshme nga vendi fqinj në drejtim të vendit tonë kanë hyrë 7314 shtetas. Ky numër është më i larti i regjistruar gjatë këtij sezoni turistik. Për të përballuar këtë fluks në rritje pala shqiptare ka punuar me 4 sportele në hyrje dhe herë pas here për shkak të fluksit të madh edhe me procedurë të përshpejtuar.

Nga ana tjetër gjatë 24 orëve të fundit kanë dalë nga kjo pikë kufitare në drejtim të Greqisë 4407 shtetas. I lartë ka qenë fluksi i hyrje daljeve edhe në pikën e kalimit kufitar të Qafë Thanës aq sa një ditë më parë kanë lëvizur në të dy anët e kufirit rreth 13 mijë shtetas.

Ky fluks në rritje në të dy pikat kryesore të kalimit kufitar në juglindje të vendit ka ardhur për shkak se shqiptarët e Maqedonisë së Veriut por e shqiptarët që jetojnë në Greqi kalojnë pushimet në bregdetin tonë. Për të eleminuar radhët e gjata në Qafë Thanë punohet me 5 sportele në hyrje.