Nxiste 3 të mitur që të organizuar si grup, të kryenin vjedhje në zona të ndryshme të kryeqytetit, kapet 39-vjeçari.

I arrestuari sipas policise është Xhiljon Hoxha – i dënuar më parë për të njëjtin krim.

Sekuestrohen sende të vjedhura dhe sende që dyshohet se i shërbenin të arrestuarit, për të konsumuar lëndë narkotike.

Shërbimet e Komisariatit të Policisë Nr. 4, si rezultat i punës hetimore, për të nxjerrë përpara përgjegjësisë penale, shtetasit e implikuar në vjedhje, kapën në kuadër të operacionit “Nxitësi”, shtetasin e shpallur në kërkim, Xh. H., 39 vjeç.

Ai dyshohet se ka shtyrë në mënyrë të përsëritur, 3 shtetas të moshave 12 dhe 13 vjeç, për të kryer vjedhje të ndryshme, në disa zona të Tiranës.

Vijojnë hetime për të dokumentuar plotësisht veprimtarinë kriminale të 39-vjeçarit, në fushën e vjedhjes së pronës dhe pasurisë.

Materialet procedurale iu referuan Prokurorisë së Tiranës, për veprime të mëtejshme.

Policia e Tiranës ka arrestuar Orges (Dritan) Jahelezin, 48 vjeç, banues në kryeqytet, i cili ishte shpallur në kërkim nga autoritetet.

Jahelezi është i dënuar nga Gjykata e Posaçme e Shkallës së Parë për Korrupsionin dhe Krimin e Organizuar me 6 vite e 8 muaj burg për veprat penale “Grup i strukturuar kriminal”, “Prodhimi dhe shitja e narkotikëve” dhe “Kryerja e veprave penale nga organizata kriminale”.

Arrestimi i Jahelezit është një tjetër hap në luftën kundër krimit të organizuar dhe trafikut të narkotikëve në vend.

Një udhërrëfyes peruan u vra dhe gjashtë turistë francezë u plagosën nga rrufeja në zonën turistike të Cuzco, në jug të Perusë. Rrufeja goditi grupin teksa po shëtisnin në malin Vinicunca, i quajtur edhe mali me shtatë ngjyra, i cili ndodhet në zemër të Andeve, rreth 100 kilometra larg qytetit të Cuzco.

Në një deklaratë për shtyp, policia lokale tha se turistët francezë, të moshës 22 dhe 40 vjeç, po trajtoheshin në një spital në Cuzco. Gjithashtu ata kanë pësuar djegie dhe lëndime të tjera.

Mali me shtatë ngjyra dominon në lartësinë 5200 metra. Ngjyrat që e përbëjnë atë janë rezultat i shtresave të sedimentit që janë grumbulluar gjatë një periudhe prej miliona vjetësh. Është një nga atraksionet turistike më të njohura në Peru së bashku me Machu Picchu. Që nga fillimi i vitit, pesë persona janë vrarë nga rrufeja në rajonet e Andeve të Perusë, sipas agjencisë së mbrojtjes civile.

Një ngjarje e rëndë ka ndodhur pak minuta më parë në zonën e Shkozës, në Tiranë, ku disa persona i kanë bërë atentat një të riu.

Mësohet se ai ndodhej në makinë, në momentin kur personat i kanë bërë pritë dhe kanë qëlluar edhe me armë, por fatmirëisht plumbat nuk e kanë kapur.about:blank

Sipas informacioneve të para thuhet se ai është dhunuar fizikisht me mjete të forta.

Policia ndodhet në vendngjarje dhe po heton.