Guvernatori i Utah, Spencer Cox, ka deklaruar se autoritetet po mbledhin të gjitha provat e nevojshme për të ndjekur penalisht me dënim kapital personin përgjegjës për vrasjen fatale të komentatorit politik, Charlie Kirk.

Sipas Death Penalty Information Center, dënimi me vdekje aplikohet në 27 shtete amerikane, por ligjet dhe procedurat ndryshojnë nga shteti në shtet.

Në Utah, vrasja e rënduar është një nga veprat penale që mund të dënohet me ekzekutim.

Utah është gjithashtu shteti i parë që rifilloi zbatimin e dënimit me vdekje pas rikthimit të tij në Shtetet e Bashkuara në vitin 1976.

Ekzekutimi i parë ndodhi në vitin 1977, kur Gary Gilmore, një i dënuar për vrasje, u ekzekutua me skuadër pushkatimi, një metodë që sot është e autorizuar vetëm në pesë shtete amerikane.

Që nga ajo kohë, në Utah janë kryer gjithsej gjashtë ekzekutime të tjera, përfshirë edhe atë të Ronnie Lee Gardner në vitin 2010, i cili po ashtu u ekzekutua me pushkatim.

Ka pasur përpjekje për të shfuqizuar dënimin me vdekje në Utah.

Në vitin 2022, dy ligjvënës republikanë që më parë e kishin mbështetur këtë dënim, përfaqësuesi i shtetit V. Lowry Snow dhe senatori Daniel McCay, propozuan një projektligj për ta hequr këtë praktikë.

Megjithatë, projektligji nuk kaloi, duke dështuar për vetëm një votë.

Ekzekutimi më i fundit në Utah ndodhi në gusht të vitit 2024, kur Taberon Honie, i dënuar për vrasje dhe përdhunim, u ekzekutua, duke shënuar ekzekutimin e parë në shtet pas 14 vitesh.

rupat amerikane kanë kryer arrestimet e para brenda zonave ushtarake të ngritura përgjatë kufirit me Meksikën, si pjesë e masave të administratës Trump kundër emigracionit të paligjshëm, tha ushtria amerikane të hënën, ndërsa Donald Trump vendosi trupa të Gardës Kombëtare në Los Angeles gjatë protestave kundër bastisjeve anti-migratore.

Zonat e reja ushtarake përgjatë kufirit prej 418 kilometrash midis New-Mexicos dhe Teksasit janë shpallur zgjerime të bazave ushtarake amerikane nga Sekretari i Mbrojtjes Pete Hegseth, duke u lejuar trupave të ndalojnë përkohësisht migrantët dhe ndërhyrës të tjerë civilë.

Sakaq, bëhet e ditur se Guvernatori demokrat i Kalifornisë, Gavin Newsom, përsëriti qëllimin e tij për të paditur Presidentin Donald Trump për vendimin për të vendosur Gardën Kombëtare në shtet pa pëlqimin e qeverisjes lokale. Newsom e quajti masën “të paligjshme, imorale dhe jokushtetuese” dhe konfirmoi se shteti do të konfirmonte zyrtarisht një padi më vonë.

“Ky urdhër nuk është vetëm për Kaliforninë. Ai do t’i lejojë atij të ndërhyjë në çdo shtet. Ne do ta çojmë në gjykatë”, shkroi Newsom në X.

Ndërkohë një reagim ka ardhur edhe nga Shtëpia e Bardhë si kundërpërgjigje për Guvernatorin e Kalifornisë. “Gavin Newsom nuk bëri asgjë ndërsa trazirat e dhunshme shpërthyen në Los Angeles për ditë të tëra,” akuzoi zëdhënësja e Shtëpisë së Bardhë, Karoline Leavitt, X për këtë veprim.

“Agjentët federalë u sulmuan nga ekstremistë të dhunshëm dhe kriminelë të paligjshëm që valëvitnin flamuj të huaj sepse Guvernatori Newsom ishte shumë i dobët për të mbrojtur qytetin. Shefi i policisë së Los Angeles madje tha se trazirat po dilnin jashtë kontrollit. Presidenti Trump ndërhyri për të ruajtur rendin dhe ligjin dhe për të mbrojtur ndërtesat federale”, theksoi ajo në X. 

Policia e shpalli të gjithë qendrën e Los Anxhelosit një zonë të paligjshme grumbullimi dhe urdhëroi protestuesit të shkonin në shtëpi pas ditës së tretë të demonstratave kundër politikës së imigracionit të Presidentit Donald Trump që përfshinin edhe djegien e makinave dhe hedhjen e shisheve drejt oficerëve.

Trazirat në Los Anxhelos janë bërë një pikë e nxehtë në përpjekjen karakteristike të Trump për të shtypur imigracionin e paligjshëm. Presidenti republikan është zotuar të deportojë një numër rekord njerëzish që janë në vend në mënyrë të paligjshme dhe të mbyllë kufirin SHBA-Meksikë, duke i vendosur agjencisë së zbatimit të kufirit ICE një qëllim të përditshëm për arrestimin e të paktën 3,000 emigrantëve.