Teksa sot i ka përfunduar mandati si ministër i Jashtëm, Igli Hasani ka ndarë një mesazh falënderimi.

Përmes një postimi në rrjetet sociale, Hasani vuri në dukje disa prej arritjeve kryesore të mandatit, si përfundimi i anëtarësimit të parë të Shqipërisë në Këshillin e Sigurimit të OKB-së, hapja e 28 prej 33 kapitujve negociues me Bashkimin Evropian, si dhe organizimi i Samitit të Komunitetit Politik Evropian në Tiranë.

Ai falënderoi stafin e Ministrisë për Evropën dhe Punët e Jashtme dhe partnerët ndërkombëtarë për bashkëpunimin, duke theksuar se sfidat e kohës u përballuan me përgjegjësi.

“Mandati im si Ministër për Evropën dhe Punët e Jashtme përfundon sot. Ka qenë një nder të shërbej përgjatë një periudhe historike dhe transformuese për Shqipërinë të shënuar nga përfundimi i mandatit tonë të parë në Këshillin e Sigurimit të OKB-së, hapja e 28 prej 33 kapitujve negociues me BE-në, mikpritja e Samitit të Komunitetit Politik Evropian në Tiranë, si dhe arritje të tjera që forcuan rolin tonë në Evropë dhe në botë, mes sfidave të thella për kontinentin tonë dhe më gjerë.

Jam thellësisht mirënjohës ndaj stafit të përkushtuar të MEPJ dhe partnerëve tanë ndërkombëtarë për bashkëpunimin e ngushtë. Pres me kënaqësi rolin tim të ri si Kryetar i Komisionit Parlamentar për Evropën dhe Punët e Jashtme me të njëjtin mision, por nga një këndvështrim i ri’, shkruan ai. Igli Hasani do të marrë drejtimin e Komisionit Parlamentar për Evropën dhe Punët e Jashtme, rol që sipas saj do të vijojë të mbajë të njëjtin mision. Ai ka mbajtur postin e Ministrit për Evropën dhe Punët e Jashtme që prej shtatorit të vitit 2023″, shprehet Hasani.

TIRANË- Ministri i Jashtëm Igli Hasani ka treguar arsyet se përse Kosova nuk mori pjesë në konferencën ‘TIrana Diplo 2024’. Me anë të një deklaratë për mediat, Hasani është shprehur se kolegët e Kosovës janë ftuar por për shkak të një situate shëndetësore nuk arritën që të merrnin pjesë. Po ashtu ai ka deklaruar se ata kanë rënë dakord që Shqipëria të hap ambasadën në Indonezi dhe Kosova në Malajzi.

“Është e rëndësishme që Tirana do të ketë një fokus për shqiptarët kudo ku ndodhen dhe këtë e ka pasur. Tirana ka pasur në qendër dhe në ditë të vështira shqiptarët në rajon. Kombi jonë ëshë Shqipëria dhe për këtë kemi mbështetjen e plotë të gjithë shqiptarët kudo ku janë. Në rastin e Kosovës ne kemi një drejtori që do të ndihmojë kolegët në Prishtinë për ato sfida që kanë marrë. Ka qene e ftuar dhe janë të mirëpritur, por për fat të keq të një situate shëndetësore nuk ishte e mundur. Unë do e takoj ministrin Gervalla në një takim në Slloveni. Ne kemi rënë dakord që Shqipëria të hap ambasadën në Indonezi dhe Kosova në Malajzi. Në mënyrë që të mbulojmë që të gjithë atë zonë dhe mbi të gjitha do të shohim angazhimin e atyre personave në vendin tonë”, tha Hasani.

Ministri për Evropën dhe Punët e Jashtme, Igli Hasani po merr pjesë në Forumin e Dubrovnikut, në Kroaci.
Hasani bëri të ditur se, axhenda e sotme në Dubrovnik ka vijuar me një takim produktiv me homologen sllovene, Tanja Fajon.
“Shpreha mirënjohjen time për mbështetjen e vazhdueshme të Sllovenisë për Shqipërinë dhe procesin e zgjerimit”, tha Hasani.
Ministri vuri në dukje se, kjo është një kohë vendimtare për rajonin dhe Evropën, teksa theksoi se, “duhet të avancojmë axhendën tonë të integrimit në Bashkimin Evropian”.

Ministri për Europën dhe Punët e Jashtme, Igli Hasani zhvilloi sot një takim në Madrid me një grup studentësh ndërkombëtarë të Akademisë Diplomatike të Spanjës.

Hasani bëri të ditur se studentët kanë zgjedhur Shqipërinë si destinacionin më të mirë për programin e tyre të studimit.

Prej dy ditësh, ministri Hasani po zhvillon një vizitë zyrtare në Spanjë, në fokus të së cilës janë forcimi i bashkëpunimit dypalësh Shqipëri-Spanjë, ecuria e Shqipërisë në rrugën drejt BE, identifikimi i perspektivave ekonomike për forcimin e mundësive të tregtisë dhe investimeve etj.

Hasani mori pjesë dje në punimet e forumit të biznesit Shqipëri–Spanjë, ku nënvizoi se forcimi i lidhjeve ekonomike midis Shqipërisë dhe Spanjës kontribuon në stabilitetin rajonal të BE-së, Ballkanit Perëndimor si dhe rajonit të Mesdheut.

Për vitin 2023 Spanja renditet në vendin e 9-të të partnerëve më të mëdhenj tregtarë të Shqipërisë. Tregu spanjoll është i 5-ti më i madhi në vlerë për eksportet shqiptare dhe furnizuesi i 13-të për Shqipërinë.

Këtë vit, Shqipëria dhe Spanja festojnë 110-vjetorin e marrëdhënieve diplomatike.

Ministri për Evropën dhe Punët e Jashtme, Igli Hasani është nisur drejt Turqisë, ku do të marrë pjesë në Forumin e tretë të Diplomacisë në Antalia, në datat 1-3 mars 2024.

Tema kryesore e këtij edicioni është “Përparimi i diplomacisë në kohë trazirash”. Forumi i Diplomacisë në Antalia do të presë mbi 20 liderë nga vende të ndryshme të botës, gjithashtu rreth 90 ministra, si dhe 80 përfaqësues të organizatave ndërkombëtare.

Në forum pritet të mbahen më shumë se 50 sesione me tema të ndryshme.