Policia e Vjenës ka nisur një operacion masiv kërkimi të hënën pas një kërcënimi të paspecifikuar në Stacionin Qendror të Vjenës (Hauptbahnhof), duke ndaluar trafikun hekurudhor dhe evakuuar zonën.

Sipas mediave ndërkombëtare, forca të shumta policore ishin të pranishme në vendngjarje, ndërsa autoritetet bllokuan të gjitha rrugët përreth stacionit, duke u kërkuar qytetarëve të shmangin qëndrimin në zonë.

Operacioni zgjati rreth një orë dhe në përfundim të kërkimeve, policia njoftoi se nuk u gjet asnjë objekt i dyshimtë.

“Dëshirojmë të falënderojmë të gjithë kolegët, shërbimet e urgjencës dhe qytetarët për bashkëpunimin dhe zbatimin e shpejtë të udhëzimeve”, shkroi policia në një postim në X.

Ende nuk dihet natyra e saktë e kërcënimit, ndërsa autoritetet po vazhdojnë hetimet për të zbuluar origjinën e tij..

Më 28 shkurt 2025, shënohet dyvjetori i aksidentit hekurudhor tragjik në Temp, ku humbën jetën 57 persona. Për këtë përvjetor, 233 qytete në Greqi dhe në mbarë botën do të organizojnë mitingje dhe protesta, në kërkim të drejtësisë dhe transparencës mbi ngjarjen.

Shoqata e Familjarëve të Viktimave Tempi ka shpërndarë një hartë interaktive ku shtohen vazhdimisht vendet që do të mbajnë aktivitete. Protestat kanë marrë përmasa ndërkombëtare, me pjesëmarrje nga Qipro, Toronto, Kreta, Islanda dhe vende të tjera.

Familjarët e viktimave kanë bërë thirrje për solidaritet, duke deklaruar: “Ejani të bashkojmë forcat në luftën për drejtësi.”

Gjithashtu, dhjetëra federata dhe konfederata të punëtorëve kanë shprehur mbështetjen e tyre për protestën, duke theksuar rëndësinë e përgjegjësisë institucionale dhe ndëshkimit të përgjegjësve për tragjedinë.