Ndërsa konflikti mes Hezbollahut dhe Izraelit po përfshin Libanin në luftë, grupi politik militant pretendon se po mbron interesat e të gjithë popullit libanez.

Korrespodenti i Zërit të Amerikës Jabob Russell njofton nga Bejruti se sa mbështetje ka në të vërtetë grupi Hezbollah tek populli libanez.

Dikur i quajtur “shtet brenda shtet”, Hezbollahu ka patur fuqi dhe mbështetje të konsiderueshme te komuniteti libanez Shiit për dekada më radhë.

Gjatë ditëve të fundit, Izraeli ka përshkallëzuar ndjeshëm sulmet e tij në zonat shiite të Libanit, me pretendimin se Hezbollahu mban armët në zonat civile.

Këto sulme kanë lënë të vrarë qindra vetë dhe kanë detyruar zhvendosjen e mijëra civilëve, një strategji që mund të nxisë mosmarrëveshje dhe të dëmtojë marrëdhëniet mes Hezbollahut dhe bazës së tij.

“Komuniteti që mbështet Hozbollahun, nuk do që të përfshihet në një luftë tjetër, të përballet me zhvendosje, por në fakt po i përjeton të gjitha këto.

Prandaj, të gjitha këto janë elementë që Hezbollahu duhet t’i marrë parasysh kur merr vendime”, shprehet Paul Salem nga Instituti për Lindjen e Mesme.

Në të shkuarën, në rastet kur ka patur rritje të tensioneve pasi Izraeli ka ndërmarrë sulme, si në luftën e 2006, sekte të tjera janë bashkuar me Hezbollahun për të bërë rezistencë.

Por gjatë viteve të fundit, fuqia gjithnjë në rritje e Hezbollahut në Libanin e shkatërruar nga kriza ka nxitur pakënaqësi ndaj grupit.

“Izraeli po shqyrton mundësitë se si t’i zgjerojë më tej ndasitë mes komuniteteve me qëllim që të rritet armiqësia ndaj Hezbollahut”, shprehet Selim Maouwad, artist dhe aktivist social

Nëse sulmet do të çojnë në rritje të kundërshtisë ndaj Hezbollahut do të varet nga pozicionimi i udhëheqësve politikë libanezë.

“Përkrahja e Hezbollahut është e përkohshme. Nëse elita politike apo ndonjë sekt tjetër veç sektit Shia do të vendosë nesër ta mbështesë pa kushte Hezbollahun, atëherë, të njëëjtën gjë do të bëjë edhe komuniteti, me përjashtim të disave”, thotë zoti Maouwad.

Nuk ka asnjë garanci se sulmet që lanë të vrarë civilë libanezë dhe detyruan banorët që të largohen nga shtëpitë e tyre, në fund do të çojnë në dobësim të Hezbollahut.

“Fakti që u sulmuan nga Izraeli, po çon në frikësim dhe dëshpërim të tyre, por po ashtu nxit zemërimin e tyre dhe zotimin për të mos e pranuar një gjë të tillë, Pra, nga ana praktike, kjo që po ndodh nuk do të ndryshojë qëndrimin e Hezbollahut, por mundet të ndikojë në llogaritë e grupit, siç edhe po ndodh”, thotë Paul Salem nga Instituti për Lindje të Mesme .

Sulmet në zona ku jetojnë civilë është një strategji e rrezikshme, Analistët thonë se rezultati nuk do të varet vetëm nga fakti se deri në cilën pikë mund ta çojë sulmin e tij Izraeli, por po ashtu edhe në politikën e brendshme të paparashikueshme të Libanit.

Bashkimi Evropian është “jashtëzakonisht i shqetësuar” për përshkallëzimin e konfliktit midis Izraelit dhe grupit Hezbollah, të shpallur organizatë terroriste nga SHBA-ja, tha shefi i politikës së jashtme të BE-së, Josep Borrell. Ai gjithashtu bëri thirrje për një armëpushim “të menjëhershëm”.

“Bashkimi Evropian është jashtëzakonisht i shqetësuar për përshkallëzimin në Liban, pas sulmeve të së premtes në Beirut”, tha Borrell në një deklaratë, duke bërë thirrje për një “armëpushim” përgjatë vijës kufitare që i ndan, “si dhe në Gaza”.

Izraeli nisi sulme ajrore mbrëmjen e sotme në tre vendndodhje në Luginën Bekaa në Libanin lindor, njoftoi agjencia zyrtare e lajmeve e vendit (NNA).

Agjencia France-Presse (AFP) dhe Reuters, duke cituar burime të mirëinformuara, thanë se objektivat ishin depot e armëve të Hezbollahut.

Video nga vendi i ngjarjes tregon se pas shpërthimit fillestar ka pasur disa pasgoditje, ndoshta nga shkatërrimi i municioneve të depozituara në vend.

Që nga fillimi i luftës midis Izraelit dhe Hamasit më 7 tetor 2023, ka pasur armiqësi pothuajse të përditshme midis ushtrisë izraelite dhe Hezbollahut të Libanit, i cili mbështet lëvizjen islamike palestineze.

Grupi Hezbollah i Libanit, i mbështetur nga Irani, tha se nisi sulme me raketa dhe dronë në disa baza dhe pozicione të ushtrisë izraelite të enjten, pasi një sulm izraelit vrau një nga komandantët e tij të lartë. Izraeli u zotua t’i përgjigjet me forcë të gjitha sulmeve të Hezbollahut. “Izraeli do t’i përgjigjet me forcë të gjitha agresioneve të Hezbollahut”, tha zëdhënësi i qeverisë, David Mencer gjatë një konference për media.

Ai shtoi se “qoftë përmes përpjekjeve diplomatike ose ndryshe, Izraeli do të rivendosë sigurinë në kufirin tonë verior”. Luftëtarët e Hezbollahut filluan “një sulm me raketa dhe dronë, duke synuar gjashtë kazerma dhe vende ushtarake” ndërsa njëkohësisht fluturonin “skuadrone dronësh të ngarkuar me eksploziv” në tre baza të tjera izraelite, tha grupi në një deklaratë.

Grupi tha se sulmet ishin “pjesë e përgjigjes ndaj vrasjes” së komandantit të Hezbollahut, Taleb Abdallah të martën. Ushtria izraelite tha se “rreth 40 predha u hodhën drejt zonës së Galilesë dhe Lartësive të Golanit”, duke shtuar se shumica u kapën ndërsa të tjerat ndezën zjarre. Javët e fundit, shkëmbimet ndërkufitare janë përshkallëzuar – me Hezbollahun duke rritur përdorimin e dronëve për të sulmuar pozicionet ushtarake izraelite dhe Izraelin duke u kundërpërgjigjur me sulme që synojnë militantët.

Të mërkurën, zyrtari i lartë i Hezbollahut, Hashem Safieddine u zotua se grupi do të “rriste intensitetin, forcën, sasinë dhe cilësinë e sulmeve tona”, ndërsa fliste në funeralin e Abdallah. Ushtria izraelite konfirmoi se kreu sulmin që “eliminoi” Abdallah të martën, duke e përshkruar atë si “një nga komandantët më të lartë të Hezbollahut në Libanin jugor”./REL

Ministri i Mbrojtjes së Izraelit Yoaz Galant, teksa ka folur për sulmet me raketa në Izrael, ka paralajmëruar kreun e Hezbollahut të mos bëjë të njëjtin gabim si lideri i Hamasit.about:blank

“Ne jemi në mbrojtje në veri dhe po sulmojmë në Rripin e Gazës, ky është prioriteti ynë,” tha Galant.

Gjithashtu ai thekoi se vendi nuk ka asnjë interes të hyjë në luftë, por është gati për çdo përshkallëzim të situatës.

Ndërsa theksoi se Forcat Ajrore po qëndrojnë në anën libaneze kundër Hezbollahut.

“Lideri i Hamasit, Yahya Sinwar, bëri një gabim dhe vulosi fatin e Hamasit dhe fatin e Gazës.

Por nëse Nasrallah bën një gabim, ai do të vulosë fatin e Libanit”, shtoi ministri izraelit.