Kandidati humbës i garës për Bashkinë e Himarës, Petro Gjikuria ka reaguar duke pranuar humbjen dhe falënderuar ata që iu bashkuan në fushatën elektorale.

Gjikuria akuzon qeverinë për “metoda antidemokratike”, dhe për manipulim të listës së zgjedhësve, ndonëse nuk paraqet ndonjë provë për akuzat e tij.

Ai flet për “beteja” të humbura, dhe për të tjera beteja që sipas tij e presin Himarën.

Reagimi i plotë i Gjikurisë:

Patëm një betejë të madhe. Një betejë e cila ishte vazhdim i shumë betejave të mëdha që kanë bërë himariotët, sidomos vitet e fundit të udhëhequr nga Fredi Beleri. Kjo betejë ishte pararojë e betejave të ardhshme që do të thirremi për vendin tonë.

Në këto zgjedhje pamë metoda antidemokratike në të gjitha stadet e tyre. Rezultati ishte produkt i transformimit të listës së zgjedhësve me qëllim përshtatjen e saj me interesat e kundërshtarëve tanë, duke i dhënë mundësinë një ushtrie partiake të merrte pjesë në zgjedhje dhe njëkohësisht, duke u mohuar këtë të drejtë mijëra qytetarëve të Himarës, si dhe duke përfshirë shtetin dhe parashtetin. Qëllimi ishte patja e një tjetër kryebashkiaku të dobët, i cili do t’u shërbejë interesave të Edi Ramës dhe partisë së tij.

Dëshiroj të falënderoj të gjithë ata që ndihmuan në këtë fushatë elektorale për garën e bukur dhe të ndershme që bëmë. Beteja për të nesërmen e Himarës vazhdon.

Çfarë ndodh tani me drejtimin e Himarës, kur kryebashkiaku i zgjedhur, Fredi Beleri është tashmë një i dënuar me vendim të formës së prerë për krime zgjedhore? Ai nuk mund ta gëzojë më këtë mandat për shkak të ligjit të dekriminalizimi.

Ligji parashikon se qeveria e shkarkon një kryebashkiak kur dënohet nga apeli i një gjykate, dhe njofton Presidentin e Republikë, i cili cakton datën e zgjedhjeve. Por kur mund të kryhen këto procedura, edhe cilët mund të jenë kandidatët për Himarën?

Gazetarja Esiona Konomi ka shpjeguar se në kushtet kur Fredi Beleri nuk mund ta gëzojë më statusin e kryebashkiakut të zgjedhur të Bashkisë së Himarës, do duhet që Himara të shkojë në zgjedhje të parakohshme. Ajo tha se fillimisht duhet të bëhet shkarkimi për Belerin, i cili mund të bëhet në dy forma:

Shkarkimi i kryetarit të bashkisë

Kryetari i bashkisë shkarkohet me vendim të Këshillit të Ministrave në rastet kur:
a) kryen shkelje të rënda të Kushtetutës ose të ligjeve;

b) dënohet për kryerjen e një vepre penale, me vendim të formës së prerë, nga gjykata;

c) propozohet për shkarkim nga këshilli bashkiak përkatës për mosparaqitje në detyrë për një periudhë 3-mujore të pandërprerë.

2. KQZ vihet në lëvizje për të zbatuar ligjin e dekriminalizimit dhe për të deklaruar pazgjedhshmërinë e Belerit.

Banorë të zonës së lumit të Vlorës janë organizuar në një tubim në qendër të fshatit Drashovicë.about:blank

Ata kanë bllokuar rrugën në shenjë proteste kundër marrjes se ujit të Shushicës, duke e devijuar në drejtime të ndryshme, për të furnizuar me ujë zona bregdetare.

Banorët shprehen se nuk janë kundër zhvillimit të turizmit bregdetar, por kurrsesi nuk mund të mbeten ata pa ujë.

Protestuesve iu janë bashkuar edhe ambientalistë nga Tirana e Vlora. Ambientalisti Sazan Guri, u shpreh se qeveria mund të shfrytëzojë ujërat e Borshit që sipas tij derdhen kot dhe s’mund të lërë banorët e Lumit të Vlorës pa ujë.

Kjo është protesta e dytë e zhvilluar dhe sipas banorëve asnjë reagim nuk ka ardhur për ndalimin e asaj që ata e quajtën edhe masakër natyrore.