Ai për një kohë të gjatë është mjekuar në spitalin privat “Acibadem Sistina”.

“Ndihemi thellësisht keq për familjen e Panços, të dashurit e tij, si dhe për të gjithë publikun maqedonas, pasi humbja është e madhe për të gjithë ne.

Duke respektuar privatësinë e secilit prej pacientëve tanë dhe në përputhje me Ligjin për Mbrojtjen e të Drejtave të Pacientëve, ne nuk ndajmë informacione rreth pacientëve”, njoftoi Acibadem Sistina.

Sipas njoftimeve, Panço për një periudhë ka qenë në koma, ndërsa ka pasur edhe djegie të rënda në fytyrë dhe duar./Telegrafi

Tragjedi në Vlorë – 74-vjeçari dyshohet se i dha fund jetës duke u hedhur nga kati i gjashtë

Një ngjarje e rëndë ka ndodhur sot në lagjen “10 Korriku” në Vlorë, ku një 74-vjeçar, i identifikuar si A. C., dyshohet se është vetëhedhur nga kati i gjashtë i pallatit ku banonte.

Për shkak të plagëve të rënda, ai ka ndërruar jetë në vendngjarje.

Sipas të dhënave paraprake, mendohet se i moshuari ka qenë në gjendje të rënduar psikologjike.

Grupi hetimor ndodhet në vendin e ngjarjes dhe vijon punën për sqarimin e plotë të rrethanave. /noa.al

KOSOVË- Një aksident i rëndë është regjistruar sot në rrugën Domorovc-Hodonovc të komunës së Ranillugut në Kosovë. Për shkak të aksidentit ka mbetur viktimë një 23-vjeçare. Dy persona të tjerë kanë mbetur të lënduar.

Lajmin e ka konfirmuar zëdhënësi i Policisë për rajonin e Gjilanit, Ismet Hashani. Hashani theksoi se të plagosurat janë dërguar në spitalin e Gjilanit ku po marrin ndihmë mjekësore.

“Ju informojmë se rreth orës 10:00 në aksin rrugor të fshatit Domorovc-Hodonovc (komuna Ranillug) ka ndodhur një vetaksident trafiku me fatalitet. Në këtë vetaksident ka qenë e involvuar vetura Golf VII me targa 06, ku drejtuesja shtetase e Kosovës (2002) si pasojë lëndimeve ka vdekur, ndërsa dy pasagjere (të gjinisë femërore) kanë pësuar lëndime dhe janë transportuar në Emergjencën e Spitalit në Gjilan.

Policia e Kosovës, njësitet e Trafikut Rajonal me urgjencë kanë dalë më vendin e ngjarjes dhe në koordinim me prokurorin e Shtetit janë duke i hetuar rrethanat se si ka ndodhur ky vetaksident i rëndë që na ka tronditur të gjithëve”, ka thënë zëdhënësi i policisë.

Bulqizë/Informacion paraprak

Me datë 16.01.2025, rreth orës 12.00, është marrë njofim se në pyllin e fshatit Tërnovë e Vogël në Bulqizë, është plagosur me armë gjahu (çifte), shtetasi V.K., 36 vjeç, i cili si pasojë e plagëve të marra, ka humbur jetën gjatë transportimit me helikopter për në spital.

Nga veprimet e para hetimore, ka rezultuar se autori i dyshuar i ngjarjes është shtetasi F.K., 34 vjeç (i afërm me shtetasin V.K.), i cili është shoqëruar në Komisariatin e Policisë për veprime të mëtejshme.

Një aksident ka ndodhur mbrëmjen e sotme në Mitrovicë të Kosovës, ku një 65-vjeçar ka ndërruar jetë.

Mësohet se viktima është përplasur nga një makinë, teksa ishte duke lëvizur me biçikletë. Nga plagët e mara, ai ka humbur jetën në vendngjarje. Policia ka nisur hetimet për zbardhjen e plotë të rrethanave të aksidentit, teksa është ndaluar edhe drejtuesi i makinës.

Njoftimi i policisë:

Sonte, rreth orës 18:35, në rrugën “Dëshmorët e Kombit” në Mitrovicë është shkaktuar aksident trafiku me pasojë fataliteti, në aksident janë përfshirë një veturë dhe një biciklist ku si pasojë e lëndimeve të pësuar në vendngjarje ka humbur jetën biciklisti viktima mashkull /kosovar i moshës 65 vjeçar. Njësitë përkatëse policore janë në vendin e ngjarjes dhe janë duke u marrë me hetimin e aksidentit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Po riparonte ekskavatorin, humb jetën  tragjikisht Frrok Prenga, 51 vjeç nga Malaj i Mirditës.

Prenga kishte shkuar në Spaç, bashkë me kushëririn e tij. P. Prenga për të rregulluar një mjet ekskavator në ofiçinën ku shtetasi P.Prenga është përgjegjës.

Gjatë punës, duke ndërruar transmisionin e këtij mjeti, kriku ku mbahej i fiksuar transmisioni është këputur dhe ka goditur shtetasin Frrok Prengën i cili për pasojë ka humbur jetën.

Mirditë/Informacion paraprak

Më datë 10.12.2024, është dërguar në spital, pa shenja jete, shtetasi F. P., 51 vjeç, banues në Malaj, Mirditë.

Nga veprimet e para dyshohet se ky shtetas kishte shkuar në Spaç, bashkë me kushëririn e tij, shtetasin P. P., për të rregulluar një mjet ekskavator në ofiçinën ku shtetasi P.P është përgjegjës.

Gjatë punës, duke ndërruar transmisionin e këtij mjeti, kriku ku mbahej i fiksuar transmisioni është këputur dhe ka goditur shtetasin F. P., i cili për pasojë ka humbur jetën.

Grupi hetimor po punon për sqarimin e rrethanave të rastit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

ELBASAN- Një 40-vjeçar është arrestuar ditën e sotme në Elbasan për përndjekje. Mësohet se prej një muaji 40-vjeçari përndiqte një vajzë 23 vjeçe duke i shkaktuar asaj pasiguri dhe frikë. Policia bën të ditru se 40-vjeçari me iniciale S.P akuzohet për veprën penale “Përndjekja”.

Njoftimi i Policisë:

Komisariati i Policisë Elbasan pas kallëzimit nga një 23-vjeçare se një 40-vjeçar e kishte përndjekur në mënyrë të vazhdueshme, duke i shkaktuar asaj pasiguri dhe frikë, kanë organizuar punën dhe kanë ndaluar shtetasin. Më tej në njoftimin e bluve thuhet se 40 vjeçari me inicialet S. P., akuzohet për veprën penale “Përndjekja”.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një ngjarje e rëndë ka ndodhur në Patos ditën e sotme, ku si pasojë ka humbur jetën një puntor.

Mësohet se 40-vjeçari me origjinë egjiptiane ka rënë nga shtylla e tensionit të lartë.

Gjithashtu dyshohet se punëtori mund të ketë pësuar një arrest kardiak. Ndërkohë në vendngjarje ka mbërritur menjëherë policia për të sqaruar rrethanat e plota të ngjarjes.

Një i ri ka humbur jetën teksa punonte në Portin e Portoromanos në Durrës, pasi ka rënë në kontakt me energjinë elektrike.

Policia e Durrësit thotë se 35-vjeçari me iniciale K.M ka qenë duke punuar, kur edhe e ka zënë korrenti.

Shërbimet e Policisë kanë shoqëruar personat përgjegjës në Komisariat për veprime të mëtejshme.

Rreth orës 20:00, në lagjen nr. 15, Durrës, shtetasi K. M., rreth 35 vjeç, duke punuar tek Porti në Portoromano dyshohet se ka rënë në kontakt me rrymën elektrike dhe për pasojë ka humbur jetën.

Shërbimet e Policisë kanë shoqëruar personat përgjegjës në Komisariat për veprime të mëtejshme.

Grupi hetimor ndodhet në vendngjarje dhe po punon për sqarimin e rrethanave të ngjarjes

Një foshnjë 7-muajshe nga Struga nuk ka mundur dot t’i mbijetojë një operacioni në kokë dhe për pasojë ka ndërruar jetë.

Mediat në Maqedoninë e Veriut raportojnë se foshnja ishte dërguar një ditë më parë me urgjencë nga nëna në spitalin “Shën Erazmus” në Ohër, pasi kishte rënë nga krevati.

Pas ekzaminimit u konstatua se në kokën e foshnjës kishte gjakderdhje të brendshme, dhe për këtë arsye mjekët vendosën të bënin ndërhyrje kirurgjikale.

Por gjatë operacionit ka patur komplikacione dhe foshnja nuk ka mundur të jetojë.

Ndërkohë grupi hetimor po merr në pyetje edhe familjarë të tjerë për të mësuar se si ka ndodhur lëndimi i foshnjës, që solli në edhe fundin fatal.