Librazhd, 11 Tetor 2025 – Një çift turistësh nga Zvicra humbi orientimin gjatë një ecjeje në natyrë në zonën e mbrojtur të Shebenikut, por fatmirësisht u gjetën dhe ndihmuan në kohë nga autoritetet shqiptare.

Sipas njoftimit zyrtar, Salla Operative e Komisariatit të Policisë Librazhd u informua se turistët kishin humbur rrugën gjatë eksplorimit të malit në anën e Hotolishtit. Menjëherë u organizua një operacion kërkimi në bashkëpunim me punonjës të Administratës së Zonave të Mbrojtura Elbasan.

Pas disa orësh lëvizje në terren të vështirë malor, forcat e ndërhyrjes arritën të lokalizojnë turistët, të cilët ishin në gjendje të mirë shëndetësore, megjithëse njëri prej tyre kishte pësuar një dëmtim të lehtë në këmbë. Turistët falënderuan efektivët e policisë dhe punonjësit e parkut për reagimin e shpejtë dhe profesionalizmin, duke theksuar ndjenjën e sigurisë që përjetuan në Shqipëri.

SHKORËR- Janë publikuar pamjet nga aksidenti tragjik, ku humbën jetë babë e bir Valentin dhe Nikoll Bluda. Siç shihet edhe në pamje makina është bërë copë-copë nga përplasja e fortë.

Aksident i rëndë ndodhi rreth orër 18:20 në aksin rrugor Shkodër–Hani i Hotit, në afërsi të rrethrrotullimit të Koplikut. Policia bëri me dije se 32-vjeçari ka humbur kontrollin mbi drejtimin e automjetit dhe është përplasur me një reklamë në rrugë.

Dy turistë gjermanë janë gjetur nga Policia e Gjirokastrës pas disa orësh kërkimesh në një zonë malore të Labovës së Madhe, ku kishin humbur orientimin gjatë eksplorimit.

Pas njoftimit të humbjes së tyre, Policia e Gjirokastrës aktivizoi një skuadër të forcave Shqiponja për kërkim-shpëtim. Falë komunikimeve telefonike dhe koordinimit me kërkuesit, turistët u lokalizuan dhe u shpëtuan.

Gjendja e tyre shëndetësore është e mirë, dhe ata po transportohen tani drejt qytetit të Gjirokastrës.

KORAB- Dy turistë kanë humbur kontaktet gjatë një eksplorimi në bjeshkët e malit të Korabit në Dibër.

Bëhet me dije se ditën e sotme kanë nisur kërkimet për gjetjen e tyre teksa në ndihmë të grupeve të Policisë lokale dhe strukturave të tjera janë nisur edhe Forcat e Armatosura nga reparti i ushtrisë 4030 të Komandës Mbështetëse Burrel.

Momentalisht nuk ka një informacion zyrtar ndërsa kërkimet mësohet se janë zhvilluar dhe ditën e djeshme.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin

Mbrëmjen e djeshme, është marrë njoftim se 2 turistë nga Çekia, kishin humbur rrugën gjatë eksplorimit në Malin e Dajtit, dhe si pasojë kishin mbetur të izoluar në terrenin e thepisur të malit.

Menjëherë pas njoftimit, shërbimet e Komisariatit të Policisë Nr. 4, kanë organizuar një operacion kërkim-shpëtimi, dhe pas disa orësh kërkime intensive, për shkak të terrenit të vështirë dhe të thepisur dhe të largësisë së vendit nga zona që mund të përshkohet me automjete, është bërë lokalizimi i turistëve të huaj.

Shërbimet e Policisë i kanë shkuar në ndihmë turistëve, duke iu dhënë ndihmën e parë mjekësore, si dhe duke i pajisur me ushqime dhe me veshje.

Policia e Tiranës thote se është e angazhuar maksimalisht në shërbim të qytetarëve dhe vizitorëve, dhe i fton ata që për çdo problematikë që mund të hasin, të telefonojnë në numrin pa pagesë 112.

Më të lexu

Republika Sërpska e ka shpallur të dielën ditë zie për shkak të sulmit terrorist në Moskë.

Lajmi u bë i ditur nga presidenti Millorad Dodik me anë të një postimi në rrjetin social “X”

“Në këtë mënyrë duam të nderojmë njerëzit e pafajshëm që u vranë në sulmin terrorist në Moskë dhe të solidarizohemi me popullin mik të Rusisë”, ka shkruar Dodik.

Numri i të viktimave nga sulmi terrorist në Moskë po rritet orë pas ore. Deri tani janë konfirmuar 143 viktima.

11 persona janë arrestuar në lidhje me sulmin, duke përfshirë katër që morën pjesën drejtpërdrejt në sulm.

Përgjegjësinë për sulmin e ka marrë grupi terrorist ISIS.

Në Stan Karbunarë të Lushnjës janë hapur dyert e mortit për Roland dhe Lidio Hoxhën, babë e bir që humbën jetën tragjikisht dje teksa punonin në ndërtimin e një kapanoni.

Fshatin e ka pllakosur zija, ndërsa fqinjët rrëfejnë mes lotësh se ishin punëtorë dhe familje e shkëlqyer.

Roland Hoxha dhe i biri, Lidio ishin duke punuar në vinç ku me ndihmën e tij ngrinin 2 bombola oksigjeni me të cilat po kryenin saldime në pjesën e tarracës. Dyshohet se gjatë punës një bombol u shkëput nga vinçi dhe u përplas në tokë duke shkaktuar një shpërthim që shkatërroi gjithçka dhe mori jetën e të dyve.

Nga fuqia shpërthyese u shkëputën telat e tensionit të lartë 110 kv që kalonin sipër magazinës që po ndërtohej nga deputeti i Partisë Socialiste prej 2 mandatesh në Lushnje Bujar Çela, i cili mbeti i plagosur së bashku me gjashtë persona të tjerë të cilët kanë qenë duke punuar në magazinën e tij. Të dëmtuarit u transportuan në spital për ndihmë mjekësore, ndërsa për manovratorin e vinçit Roland Hoxha i cili ndërroi jetë në vendngjarjen dhe të birin Lidio, i cili ndërroi jetë 2 orë më vonë, mjekët nuk mundën të bëjnë gjë, pasi dëmtimet ishin të konsiderueshme. Për ta ishte dita e parë e punës ne këtë kantier qe rezultoi dhe e fundit.

Krahas deputetit Çela dhe 41-vjecari Sokol Lumi në Lushnjë janë të lënduarit Sajmir Korreshi, Ilia Sota, Lunedi Golemi, Eriget Gorovelli dhe Ervis Sharka.