EGJIPT- Një anije u përmbys në Gjirin e Suezit të martën, duke vrarë të paktën katër persona dhe duke plagosur rreth 20 të tjerë, thanë autoritetet egjiptiane në orët e para të mëngjesit. Anija , Adam Marine 12, u përmbys në rajonin Jabal el-Zayt në Egjiptin verilindor, rreth 250 kilometra nga hyrja e Kanalit të Suezit, tha Ministria e Naftës dhe Burimeve Minerale në Facebook.

Ministria e Shëndetësisë tha se ishte njoftuar për aksidentin nga Offshore Shukeir Oil Company Co. (OSOCO), ndërsa nuk shpjegoi arsyet pse kishte ndodhur.

“Katër persona të plagosur u transportuan me helikopter dhe 18 të tjerë u dërguan me ambulancë në Spitalin El Jouna”, në Egjiptin lindor, ndërsa trupat e “katër të tjerëve u transferuan në spitalin e përgjithshëm në Hurghada” (lindje), tha Ministria e Shëndetësisë nëpërmjet X.

Zëvendëskryeministri dhe Ministri i Shëndetësisë Khaled Abdel Ghaffar, si dhe ministrat e Naftës dhe Punës, po e monitorojnë nga afër situatën, sipas të njëjtit burim. Kanali i Suezit, në Gjirin me të njëjtin emër, është një rrugë detare me rëndësi strategjike për transportin nga Azia në Evropë dhe anasjelltas.

Rreth 12% e tregtisë detare botërore kalonte nëpër të përpara se rebelët Huthi të Jemenit të fillonin të sulmonin anijet në Detin e Kuq në fund të vitit 2023, në atë që ata e quajnë një shfaqje solidariteti me palestinezët në Rripin e Gazës. Në vitin 2021, një anije kontejnerësh prej 200,000 tonësh, Ever Given, ngeci në brigjet e Kanalit të Suezit, duke e mbyllur atë për gjashtë ditë, duke shkaktuar përsëri një ndërprerje të rëndë të tregtisë ndërkombëtare detare.

Një ngjarje e rëndë ka tronditur Shkodrën pasditen e sotme, ku nga raportimet e para dyshohet se kanë mbetur të vrarë me armë zjarri të paktën 4 persona.

Nga informacionet paraprake, mësohet se dy makina që kanë qenë në lëvizje kanë hapur zjarr ndaj njëra-tjetrës.

Ndërkohë, një prej mjeteve, me targa kroate është përplasur më pas me një mur.

Në vendin e ngjarjes kanë mbërritur forca të shumta policie dhe 5 ambulanca.

Shtatë persona kanë vdekur, duke përfshirë tre fëmijë të vegjël dhe një adoleshent, pasi një zjarr shpërtheu në një bllok banimi në orët e para të së enjtes në qytetin jugor francez të Nice.

Dyshohet se zjarri është i qëllimshëm, tha prokurori lokal.

Kryebashkiaku i Nice tha se ata kishin imazhe që tregonin se zjarri ishte shkaktuar nga derdhja e benzinës në një shkallë nga persona të maskuar me kapuç gjatë natës. Ministri i Brendshëm Gérald Darmanin tha se tre fëmijë të vegjël ishin në mesin e viktimave dhe se policia “do të hedhë dritë mbi rrethanat e kësaj tragjedie të tmerrshme”.

Zjarri ka rënë në katin e shtatë. Raportet lokale thanë se shtatë viktimat ishin të gjithë pjesë e së njëjtës familje dhe fëmijët që vdiqën ishin të moshës pesë, shtatë dhe 10 vjeç. Një adoleshent, dy gra dhe një burrë gjithashtu vdiqën.

Dy anëtarë të familjes thuhet se kanë tentuar të arratisen nga dritarja, njëri ka vdekur dhe tjetri është në gjendje kritike.

Përveç shtatë viktimave, 30 persona të tjerë janë asfiksuar nga tymi.

Dy francezë, mes tyre një fëmijë 12-vjeçar, të cilët po ktheheshin nga një udhëtim humbën jetën në një aksident pas përplasjes së minubusit më një kamion.

“Shoferi francez 40-vjeçar i minibusit u përplas me një kamion të parkuar dhe fatkeqësisht ndërroi jetë në vend, si dhe një pasagjer i mitur i ulur në sediljen e përparme,” tha policia.

Ndërkohë kanë mbetur të plagosur shtatë persona, të cilët janë shtruar në spital.

Sipas mediave sllovene, i mituri që humbi jetën nga përplasja ishte 12 vjeç.
Aksidenti ka ndodhur mëngjesin e së premtes në autostradën Vrtojba, afër kufirit mes Sllovenisë dhe Italisë. Ndërkohë kanë nisur hetimet për shkakun e ngjarjes tragjike.