Arrestohet për vjedhje një 22-vjeçar në Lushnjë. Mësohet se “skifteri” me inicialet E.D i përket moshës rreth 22-vjeç. I riu është kapur në flagrancë teksa ndodhej në katin e dytë të një banese për të vjedhur.

I riu ka qenë i dënuar më parë për të njejtën vepër penale.

Njoftimi i Policisë:

Lushnjë

U kap në flagrancë, në banesën ku kishte hyrë për të vjedhur, vihet në pranga 22-vjeçari.

Si rezultat i ndërhyrjes së shërbimeve të Komisariatit të Policisë Lushnjë, menjëherë pas njoftimit nga një shtetas, se po tentohej të vidhej në banesën e tij, në lagjen “Skënder Libohova”, u bë i mundur arrestimi i autorit të këtij rasti:     

E. D., 22 vjeç, banues në Tiranë, i dënuar më parë për vjedhje.   

Shërbimet e Policisë e kapën 22-vjeçarin në flagrancë, në mbrëmje, në katin e dytë të banesës ku kishte hyrë për të vjedhur.         

Materialet procedurale i kaluan Prokurorisë, për veprime të mëtejshme, për veprën penale “Vjedhja”, mbetur në tentativë.

Një 19-vjeçar, i cili hyri në një apartament në qendër të Romës për të vjedhur, nuk ia ka dalë.

Në fakt, ai kishte mbushur një çantë me  sende të çmuara rreth 4 mijë euro, por më pas e zuri gjumi.

Pronarët e shtëpisë e gjetën hajdutin kur u kthyen, 19-vjeçari ishte shtrirë në shtratin e tyre.

I riu me origjinë tuniziane, i pastrehë dhe tashmë i njohur për policinë është arrestuar.

Pasi kanë gjetur hajdutin në gjumë në shtrat, pronarët e banesës kanë lajmëruar menjëherë policinë.

Kjo e fundit ka ndërhyrë në vendngjarje dhe ka arrestuar 19-vjeçarin, i cili ndoshta nën efektin e alkoolit është dorëzuar tek autoritetet pa shkaktuar asnjë problem.