TALI – Milani është gati të përshpejtojë në frontin e Ardon Jasharit. Pasi mori miratimin nga mesfushori shqiptaro-zviceran, i cili i dëshiron kuqezinjtë, drejtori teknik Igli Tare duhet të gjejë një marrëveshje të vështirë me Bruges, një vitrinë e shtrenjtë që nuk bën zbritje, gjë të cilën Milani e di shumë mirë pas operacionit De Ketelaere në verën e 2022.

Dhe në tryezë janë pak a shumë të njëjtat shifra: CDK u ble pas një negociate të gjatë për 32 milionë, plus 3 në bonuse, 35 në total, si ato që duhet të nevojiten për të bindur belgët. “Djalli” e ka ngritur ofertën, duke vendosur 30 milionë, plus 5 në bonuse në tryezë, tani jo shumë larg 35 plus 5 në bonuse që dëshiron homologu.

Përfshirja e Borussia Dortmund nuk e shqetëson shumë Milanin, i cili është i fortë në marrëveshjen me lojtarin. Bruges shpresonte për një ankand për perlën e tyre të vogël, por kjo nuk do të ndodhë. Tare dëshiron ta mbyllë marrëveshjen sa më shpejt të jetë e mundur pa u zvarritur shumë.

Dhe nëse belgët ngrenë një mur të pakapërcyeshëm, padyshim që ka një plan B gati: Javi Guerra, mesfushori i Valencias, i cili vlerësohet në 25 milionë euro.

Objektivi numër një mbetet gjithmonë Vinçenco Italiano. Drejtori sportiv ka pasur kontakt me të, duke i paraqitur një ofertë prej 4 milionë eurosh në sezon. Nga ana e Bolonjës, ende nuk ka marrëveshje për rinovimin, si për sa i përket kohëzgjatjes ashtu edhe shifrave.

Oferta nuk e kënaq Italianon dhe Milani shpreson ta bindë të pasi prioriteti i trajnerit ishte zgjatja e kontratës së tij me kuqezinjtë, e cila megjithatë nuk ka mbërritur ende. Rruga tjetër që Milani po ndjek për trajnerin e ardhshëm është ajo që të çon te Masimiliano Alegri.

Kontaktet janë me trajnerin, por ka konkurrencë pasi Napoli ndërhyri i pari. Tiago Mota gjithashtu mbetet në prapavijë si një alternativë.

Igli Tare do të jetë drejtori sportiv i Milanit dhe nuk ka më dyshime për këtë. Shqiptari ka firmosur ditën e sotme me kuqezinjtë, ndërsa në fillim të javës së ardhshme pritet zyrtarizimi i klubit.

Detajet zyrtare ende nuk dihen, por nga Italia raportojnë se bëhet fjalë për një kontratë 3-vjeçare, me një pagë prej 800 mijë Eurosh në sezonin e parë, e cila pritet të rritet në sezonet pas ardhëse në bazë të performancave.

Tare rikthehet në postin e drejtorit sportiv dy vite pas largimit nga Lazio. Detyra e parë e tij te Milani do të jetë zgjedhja e trajnerit, ndërsa më pas do të punohet për pjesën e rinovimeve, ku çështjet delikate janë me Mike Maignan, Theo Hernandez dhe Christian Pulisic.

Pasi të ketë përfunduar këto, Tare do të angazhohet me pjesën e merkatos, aty ku priten lëvizje të shumta, pas një sezoni të dështuar, që u mbyll pa Europë.