Shënohet një incident gjatë procesit të zgjedhjeve vendore në Kosovë.

Pas një përleshjeje fizike mes disa personave, janë raportuar edhe të shtëna me armë zjarri pranë shkollës “Xheladin Gashi” në Komoran, ku është e vendosur një qendër votimi.

Sipas pamjeve të siguruara, një veturë është qëlluar me armë zjarri në afërsi të objektit shkollor. Rrethanat e ngjarjes ende nuk janë sqaruar plotësisht.

Policia thotë se nga ngjarja nuk ka të lënduar dhe se rasti nuk ka lidhje me zgjedhjet.

“Nuk raportohet për persona të lënduar. Me të marrë informatën, policia ka dalë në vendin e ngjarjes, ku ka konstatuar se ka pasur të shtëna me armë dhe raportohet vetëm për dëmtim prone (veturë). Dy persona të përfshirë në rast janë shoqëruar në stacion policor. Aktualisht po punojmë për zbardhjen e rrethanave dhe motiveve që karakterizojnë ngjarjen. Bazuar në të dhënat e deritanishme, incidenti nuk lidhet me procesin e zgjedhjeve”, ka deklaruar Policia e Kosovës.

Ndodhi e pazakontë gjatë një eventi boksi në Tajlandë, ku një boksier rus i MMA-së përjetoi një moment dramatik gjatë festimit të fitores së tij.

Phuket ishte mikpritës i edicionit të katërt të VVEED Boxing, i organizuar nga Weed Boxing Championship, një promovim që po fiton gjithnjë e më shumë vëmendje në arenën ndërkombëtare. Në këtë mbrëmje u zhvilluan gjithsej tetë duele, por njëri prej tyre u bë viral për arsye që askush nuk do t’i kishte imagjinuar.

Protagonist i momentit ishte Ivan Parshikov, një luftëtar rus me përvojë në disa nga organizatat më të njohura si ONE Championship, RCC dhe ACA. Parshikov hyri në ring me një rekord prej 21 ndeshjesh profesionale, 16 fitore dhe 5 humbje, teksa e mbylli duelin me një fitore bindëse me nokaut.

Drama nisi pas përfundimit të ndeshjes. Gjatë festimit të fitores, Parshikov u ngjit mbi litarët e ringut për të entuziazmuar publikun, por kur preku një pjesë të strukturës metalike për të ruajtur ekuilibrin, u godit papritur nga energjia elektrike.

Momenti ishte tronditës, aq sa Parshikov u shtang dhe u rrëzua jashtë ringut. Për fat të mirë, ai u ngrit menjëherë në këmbë, duke treguar se nuk kishte pësuar lëndime serioze. Në një kthesë edhe më të çuditshme, ai u drejtua menjëherë nga pishina pranë ringut dhe u hodh në të, duke notuar në drejtim të kundërt, një mënyrë krejt e pazakontë për të përmbyllur një mbrëmje sportive.

Një përballje dramatike në arenën e arteve marciale mikse (MMA) në “MBW Park”, Mynih të Gjermanisë, u shoqërua me një incident të rëndë ku sportisti shqiptar Arijan Topallaj humbi ndjenjat gjatë ndeshjes me irlandezin Denis Frimpong.

Frimpong dominoi sfidën dhe arriti ta mbyllë me një nokaut teknik në raundin e tretë, në sekondën e 44-të. Sipas statistikave zyrtare, Topallaj mori rreth 100 goditje, ndërsa dha vetëm 53, duke u dorëzuar për shkak të lodhjes dhe presionit të vazhdueshë

Pamjet nga vendngjarja tregojnë momentin e rëndë kur Topallaj u nxor nga kafazi me barelë dhe u dërgua menjëherë në spital.

Sipas burimeve pranë organizatorëve, gjendja e tij është stabilizuar dhe ai është jashtë rrezikut për jetën.

Më pas Topallaj bëri dhe një reagim në rrjetet sociale, duke shkruar: “Falënderimi i qoftë Allahut për gjithçka. Çfarë sporti i çmendur që bëj, por e dua këtë gjë me gjithë shpirt. Edhe pse mbrëmja nuk shkoi siç ishte planifikuar, një gjë mund ta them me zemër të pastër:

E lashë gjithçka në kafaz. Që nga raundi i dytë, trupi im nuk më dëgjoi më. U thye fizikisht. Nuk e di në fund të ditës pse ndodhi kjo, por një gjë e di: Kam dhënë gjithçka në përgatitje dhe në luftë. Ndonjëherë është thjesht e pashpjegueshme – pse, për çfarë, nga se.

Por Zoti ka plane më të mëdha sesa mund t’i kuptojmë ndonjëherë. Faleminderit ekipit tim, vëllezërve të mi, familjes sime dhe secilit prej jush që qëndroni pas meje. Keni qenë aty që nga fillimi dhe vazhdoni të jeni, pavarësisht gjithçkaje. Për këtë nuk kam fjalë, vetëm mirënjohje.

Koha jonë do të vijë. Inshallah. Si do të vazhdojë më tej? Nuk e di ende. Kjo do të shihet në javët në vijim. Shihemi së shpejti, vetëm dashuri për të gjithë. Faleminderit nga zemra”.

Situatë tensioni pranë shkollës ‘Petro Nini’ në Tiranë, shoqërohen 3 persona

Një situatë tensioni është raportuar pasditen e sotme pranë shkollës ‘Petro Nini Luarasi’ në kryeqytet, ku ndodhet një nga qendrat e votimit në Tiranë.

Sipas informacioneve paraprake, bëhet fjalë për një konflikt të çastit mes disa individëve, për arsye ende të paqarta. Tre persona janë shoqëruar nga policia për verifikime, ndërsa nuk ka të dhëna që ngjarja të ketë lidhje të drejtpërdrejtë me procesin zgjedhor.

Burime nga terreni bëjnë me dije se situata është vënë nën kontroll dhe nuk ka pasur pasoja fizike. Policia e Tiranës pritet të dalë me një njoftim zyrtar për të sqaruar rrethanat e ngjarjes.

Ndërkohë, procesi i votimit në qendrën përkatëse ka vijuar normalisht pa ndërprerje.

Një incident është regjistruar pak momente më parë në një fshat në Peshkopi.

Një efektiv policie ka qëlluar me armë zjarri, por në ajër, sipas pamjeve nga vendi i ngjarjes.

Ngjarja ka ndodhur në fshatin Pilafe.

Ende nuk dihet motivi i ngjarjes.

Është identifikuar dhe shpallur në kërkim polici, Esat Gjura, i cili ka qëlluar me armë zjarri.

Po ashtu në kërkim është dhe një person tjetër nderkohe qe mësohet se Gjura është babai i një kandidati të PS.

Per ngjarjen reagoi edhe policia e Dibres:

Dibër/Informacion paraprak
Rreth orës 20.25 shtetasi Xh.Gj., (kanditat për deputet i subjektit politik Partia Demokratike), ka telefonuar në sallën operative të Drejtorisë Vendore të Policisë Dibër, i cili pretendonte se në fshatin Pilafe, njësia Administrative Tomin, kanë ndaluar një shtetas që dyshohej se shpërndante para në këmbim të votave.

Gjithashtu shtetasi Xh.Gj., paraprakisht ka pretenduar se një person teksa është larguar ka qëlluar njëherë me armë zjarri në ajër.

Menjëherë është ngritur grupi hetimor i Drejtorisë Vendore të Policisë Dibër dhe nën drejtimin e Spak dhe të Prokurorisë të Juridiksionit të Përgjithshëm Dibër po kryejnë hetimet për zbardhjen e rastit.

Ndërron jetë një nga personat në fshatin Duçaj të Koplikut.

Incidenti ka ndodhur në territor malor, ku fillimisht u raportua se dy të rinj janë aksidentuar teksa po prisnin dru zjarri.

Mësohet se ata kanë qenë duke prerë dru në zonën e Koplikut, ndërsa sipas raportimeve, personi tjetër ndodhet në gjendje kritike për jetën.  Ende nuk dihen rrethanat e incidentit, ku njëri prej tyre u plagos rëndë ndërsa tjetri fatkeqësisht ndërroi jetë.

Forcat e policisë kanë shkuar në vendngjarje për të zbardhur shkaqet e ngjarjes së rëndë.

Shkodër, 8 Mars 2024 /JiLal- Përplasja e një makine me një motor çoi në plagosjen e një burri mbrëmjen e sotme.

Ngjarja ndodhi sonte rreth orës 22:05, në aksin rrugor Shkodër-Kryebushat, noa.al.

Policia tha se automjeti me drejtues shtetasin E. D., 37 vjeç, është përplasur me motomjetin me drejtues shtetasin V. K., 58 vjeç.

Si pasojë është plagosur 58-vjeçari, i cili është në spitalin rajonal të Shkodrës, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit. /noa.al