Kodi i ri i prezantuar në versionin më të fundit të sistemit operativ celular të Apple mund ta bëjë më të vështirë si për policinë, ashtu edhe për hajdutët zhbllokimin e iPhone.
Kjo rindezje duket se bëhet pasi iPhone me iOS 18.1 nuk janë shkyçur për një periudhë të caktuar kohe.

Sipas Chris Wade, themeluesi i kompanisë së analizave celulare Corellium, iPhone duket se do të rindizet pas ditës së katërt të tyre në një gjendje të bllokuar.
Matthew Green, një kriptograf dhe asistent profesor në Universitetin Johns Hopkins, e përshkroi këtë si një përmirësim të madh në aspektin e sigurisë që ndoshta nuk shqetëson askënd, megjithëse policia mund të mos pajtohet.

Mjafton një lëvizje e thjeshtë

Përditësimi më i fundit i softuerit për iPhone ka shtuar një veçori të re për smartfonin popullor dhe të shumëkërkuar, por një funksion i ri i tij ka ngjallur shqetësim pasi përdoruesit thonë se do të rrisë grabitjet në rrugë.

Veçoria e re përqendrohet në mënyrën se si ne paguajmë për blerjet tona dhe shton një veçori shtesë për pronarët e iPhone.

Na ndodh që të jemi disa, të dalim në bar apo restorant dhe në fund, njëri nga ne të kalojë kartën për të gjithë dhe më pas secili i jep pjesën e vet. Por ky proces mund të zgjasë shumë, deri disa orë që kalimi i pagesës të procesohet.

Ky është pikërisht problemi që Apple dëshiron të zgjidhë me përditësimin më të fundit të iOS, duke i lejuar përdoruesit e iPhone t’i dërgojnë para njëri-tjetrit thjesht… duke afruar pajisjet e tyre. Kalimi bëhet përnjëherë, thjesht duke afruar celularin e njëri-tjetrit.

“U publikua metoda e re e vjedhjes”

Në faqen e internetit të Apple thuhet: “Përdoruesit kanë tani mënyra të reja për të paguar me Apple Pay, duke përfshirë mundësinë për të shlyer pagesat dhe aksesin për ndarje të pagesës në këste nga kartat e tyre të kreditit ose debitit.”

Por ka një gjë që i ka shqetësuar njerëzit, të cilët dolën në rrjetet sociale për të ndarë pikëpamjet e tyre.

Shumë prej tyre e quajnë këtë funksion të ri si shans i rritur i plaçkitjeve në rrugë. Ata i frikësohen njerëzve që mund të abuzojnë me këtë funksion, i cili do të bënte që disa të përdorin mashtrimin, ose dhe krime më të rënda si plaçkitja, për të fituar para të shpejta dhe të pandershme.

Për përdoruesit e iPhone, “sapo u publikua metoda e re e vjedhjes së parave”. /noa.al