Isis-K, ose siç quhet ndryshe, Provinca Khorasan e Shtetit Islamik (ISKP) – është degë rajonale e Shtetit Islamik (IS) që është aktiv në Afganistan dhe Pakistan.

Ky është grupi më ekstrem dhe më i dhunshëm nga të gjitha grupet militante xhihadiste në Afganistan.

U krijua në janar të vitit 2015 në kulmin e fuqisë së IS-it në Irak dhe Siri, para se kalifati i saj i vetëshpallur të ishte “çmontuar” nga një koalicion i udhëhequr nga SHBA-të.

Ai rekruton persona nga xhihadistët afganë edhe nga ato pakistanezë, veçanërisht nga anëtarët e talebanëve afganë të cilët kanë parë organizatën e tyre si ekstreme.

Isis-K janë fajësuar për disa nga mizoritë më të këqija në vitet e fundit, duke synuar shkollat ??e vajzave, spitalet dhe madje edhe një maternitet ku ata thuhet se vranë gra shtatzëna dhe infermiere.

Ndryshe nga talebanët, interesi i të cilëve është i kufizuar në Afganistan, Isis-K janë pjesë e rrjetit global të IS-it që kërkon të kryejë sulme ndaj objektivave perëndimorë, ndërkombëtarë dhe humanitarë kudo që ata mund t’i arrijnë.

Grupi Isis-K, është i vendosur në provincën lindore të Nangarhar-it, pranë rrugëve të kontrabandës së drogës dhe njerëzve brenda dhe jashtë Pakistanit.

Në kulmin e tij grupi numëronte rreth 3 mijë luftëtarë, por ka pësuar viktima të konsiderueshme në përleshjet me forcat e sigurisë amerikane dhe afgane. Gjithashtu grupi ka pësuar humbje në luftimet me talebanët.

A janë ata të lidhur me talebanët?

Sipas studiuesve, ka lidhje të forta midis Isis-K dhe rrjetit Haqqani, i cili nga ana tjetër është i lidhur ngushtë me talebanët.

Njeriu përgjegjës për sigurinë në Kabul është Khalil Haqqani i cili ka pasur një shpërblim prej 5 milion dollarësh.

Doktor Sajjan Gohel, nga Fondacioni Azia Paqësori ka monitoruar rrjetet militante në Afganistan për vite me rradhë.

Ai thotë se “disa sulme të mëdha midis 2019 dhe 2021 përfshinin bashkëpunim midis Isis-K, rrjetit Haqqani të talebanëve dhe grupeve të tjera terroriste me bazë në Pakistan”.

Kur talebanët pushtuan Kabulin më 15 gusht, grupi liroi një numër të madh të burgosurish nga burgu Pul-e-Charki, mes të cilëve thuhet se përfshinin militantët e IS dhe al-Qaeda-s. Këta njerëz tani janë në arrati.

ISIS-K ka dallime të mëdha me talebanët, duke i akuzuar ata për braktisjen e xhihadit dhe fushën e betejës në favor të një zgjidhjeje të negociuar të paqes të arritur në “hotele të shtrenjta” në Doha, Katar.

Militantët e Shtetit Islamik tani përfaqësojnë një sfidë të madhe të sigurisë për qeverinë e ardhshme talebane, diçka që lidershipi i talebanëve e ndan me agjencitë perëndimore të inteligjencës.

Organizata terroriste Shteti Islamik bëri publike mesditën e së shtunës, përmes një postimi në rrjetin e saj të lajmeve, Amaq, në Telegram, një foto që pretendon se tregon katër autorët e sulmit në Rusi, ku mbetën të vrarë të paktën 133 persona.

Në postim, i cili sugjeron se autorët nuk janë identifikuar, thuhet se sulmi në Rusi është kryer në kontekstin e “luftës së ndezur” midis Shtetit Islamik dhe vendeve që luftojnë Islamin.

“Luftëtarët e Shtetit Islamik sulmuan një grumbullim të madh të krishterësh në qytetin Krasnogorsk, në periferi të kryeqytetit rus, Moskë, duke vrarë dhe plagosur qindra dhe duke shkaktuar shkatërrim të gjerë në zonë përpara se të tërhiqen në mënyrë të sigurtë në bazat e tyre”, theksohet në një pikë tjetër, dhe shtohet se “ata pushtuan të armatosur me automatikë, pistoleta, thika dhe bomba në sallën e koncerteve dhe tre filluan të qëllonin njerëzit, ndërsa i katërti i vuri flakën vendit”.

IRAN- Shteti Islamik mori përsipër përgjegjësinë për dy shpërthimet në Iran, në ceremoninë e përkujtimit të komandantit Qassem Suleimani. Nga shpërthimet u vranë të paktën rreth 100 persona dhe dhjetëra të tjerë u plagosën.

Përmes një njoftimi në Telegram, ISIS u dha fund dyshimeve për autorësinë e sulmeve të djeshme. Më herët edhe Irani dha shenjat e para se dyshonte se autorë të sulmit ishte ISIS, pasi vendosi mbylljen e kufijve me Pakistanin dhe Afganistanin.

Irani mendonte se sulmi mund të jetë nisur nga Shteti Islamik – Provinca Khorasan, një grup që vepron kryesisht në Afganistan që është thellësisht kundër dëmit të shkaktuar ndaj kauzës së Shtetit Islamik nga Sulejmani në Irak dhe Siri, shkruan The Guardian.

Ministri i jashtëm i Iranit, Hossein Amir-Abdollahian, tha se vendi i kishte shkruar Këshillit të Sigurimit të OKB-së për të informuar anëtarët e tij se po merrte të gjitha masat ligjore për të siguruar përgjegjësinë për sulmin në Kerman.

Sinjali se ISIS qëndronte pas sulmit të djeshëm e dhanë Shtetet e Bashkuara të cilat përmes një zyrtari bën të ditur se nuk besonte se Izraeli kishte kryer sulmin, por për nga masiviteti dhe mënyra e veprimit ato ishin vepër e ndonjë organizate terroriste, duke nënkuptuar ISIS-in.