Ishte dëbuar nga Italia për 10 vite pas dënimit që kishte vuajtur për trafik droge, shqiptari kthehet ilegalisht dhe riarrestohet.

Aksioni u krye në zonën e Perugia, në zonën e Santa Maria degli Angeli, gjatë një kontrolli të policisë së Asizi. Postblloku i ngritur në qytetin Seraphic rezultoi i suksesshëm teksa u ushtrua kontroll në një veturë me 3 persona në bord.

Shqiptari 32-vjeçar dorëzoi një pasaportë të lëshuar nga autoritetet e vendit tonë dhe që mbante vulën e hyrjes në Itali rreth 10 ditë më parë nga kufiri tokësor kroat.

Italia u godit nga një tjetër stuhi shiu këtë fundjavë duke i kthyer sërish rrugët në lumenj, por duke sjellë edhe një humbje jete.

Simone Farinelli është 20-vjeçari italian i cili humbi jetën mbrëmjen e së shtunës ku mbeti i bllokuar brenda makinës së mbuluar nga uji.

Simone dhe vëllai ishin duke udhëtuar sëbashku me vëllain e tij 24-vjeçar me një “Toyota Yaris”, kur papritur në rrugë vërshoi uji.

“Gjithçka ndodhi brenda pak sekondash. Unë u hodha nga makina, ndërsa ajo tashmë po shtyhej nga uji“, dekalroi Andrea në polici.

Andrea dhe Simone Farinelli

Zona e Bolonjës dhe Emilia Romagnia prej 24 orësh ndodhen nën ujë, për shkak të reshjeve të dendura të shiut.

Kujtojmë që kjo është hera e dytë brenda muajit tetor që në Itali jepet alarmi i kuq për përmbytje.

Dy ditë më parë edhe Franca ndodhej nën vëshimin e uijit në rrugë, një situatë e pazakontë kjo gjatë viteve të fundit në Europë.

Ekstradohet nga Italia, një shtetas shqiptar i akuzuar për përndjekje.

Operacioni “Para drejtësisë”, 33-vjeçari, duke u prezantuar si një shtetas tjetër, kanosi një shtetase, në vitin 2019, që t’i dërgonte video intime.

Si rezultat i bashkëpunimit të vazhdueshëm ndërmjet Interpol Tiranës dhe homologëve në Itali, me qëllim finalizimin e procedurave për ekstradimin e shtetasve të kërkuar ndërkombëtarisht, u ekstradua në Shqipëri, shtetasi shqiptar i arrestuar në Itali, E. H., 33 vjeç.

Drejtoria e Interpol Tiranës e ka shpallur në kërkim ndërkombëtar këtë shtetas, sepse më datë 19.07.2023, i është caktuar masa e sigurisë “Arrest në burg” për veprën penale “Përndjekja”.

Nga hetimet dyshohet se në vitin 2019, ky shtetas, duke u prezantuar si shtetasi E. Sh., ka kanosur një shtetase, për t’i dërguar video intime.

Spanja ka arritur të sigurojë fitoren dhe njëherësh edhe kualifikimin në 1/16 e Euro 2024, pasi ka mposhtur mbrëmjen e sotme Italinë me rezultatin 1-0, përmes një autogoli nga Calafiori.

Me këtë fitore Spanja ka marrë kryesimin e grupit me 6 pikë, dy ndeshje të fituara, ndërkohë që ndeshjen e tretë e ka kundër Shqipërisë.

Ndërkohë që ndeshja me Shqipërinë e Spanjën dhe e Kroacisë me Italinë do të vendosë nëse Kombëtarja jonë do të kalojë në fazën tjetër ose jo.

Grupi B:

Spanja 6

Italia 3

Shqipëria 1

Kroacia 1

Pritjes i erdhi fundi, Shqipëria rikthehet të luajë në Europian pas 8 vitesh mungesë. Kuqezinjtë do të sfidojnë Italinë në Dortmund, në ndeshjen e orës 21.00.

Pak më parë janë publikuar edhe formacionet. Si trajneri Sylvinho, ashtu edhe homologu Spalleti kanë vendosur për titullarët. Nga minuta e parë do të luajnë më të mirët, në një takim që pritet spektakël. Kujtojmë se në këtë grup janë edhe Kroacia me Spanjën.

FORMACIONET ZYRTARE:

Shqipëria: Strakosha, Mitaj, Hysaj, Ajeti, Gjimshiti, Asllani, Ramadani, Bajrami, Seferi, Asani, Broja.

Italia: Donnarumma, Di Lorenzo, Bastoni, Calafiori, Dimarco, Jorginho, Pellegrini, Barella, Frattesi, Scamacca, Chiesa.

Minutë pas minute:

16- Barella përmbys ndeshjen, gol i Italisë.

14- Shton ritmin Italia, axurët në sulm.

11- Gol Bastoni, vjen barazimi. Minutat e para. Emocion i madh.

2- Gol Bajrami, e pabesueshme. Shqipëria ndëshkon shumë shpejt.

1- Nis ndeshja.

Përveç grackave të lidhura me debutimin në një event të rëndësishëm siç është Kampionati Evropian, Italia e Luciano Spallettit do të duhet të marrë parasysh një vështirësi të mëtejshme në ndeshjen kundër Shqipërisë, e planifikuar për të shtunën e 15 qershorit në orën 21:00.

Rreth 50 mijë tifozë shqiptarë priten në “Westfalenstadion” të Dortmundit për të ndjekur ndeshjen kundër axurrëve. Shifra mbresëlënëse, të cilat do t’i bëjnë kampionët e Europës në fuqi të ndihen sikur po luajnë në “transfertë”.

Për Kampionatin Evropian, UEFA ka vendosur të reduktojë kapacitetin e “Westfalenstadion” në Dortmund nga 81 mijë vende të zakonshme në 62 mijë për arsye sigurie. Epo duhet të jenë rreth 50 mijë tifozë shqiptarë, duke rikrijuar kështu “murin e verdhë” në versionin kuqezi.

Italianët e pritshëm do të jenë “vetëm” 10 mijë, për një ndeshje që premton të jetë shumë e vështirë, të paktën për sa i përket atmosferës me të cilën do të përballen axurrët. Sipas vlerësimeve të ESPN, Shqipëria duhet të jetë kombëtarja e dytë më e përfaqësuar nga tifozët në këtë Kampionat Europian, vetëm pas Gjermanisë mikpritëse.

Numra të rëndësishëm tifozësh priten edhe në mbështetje të Anglisë, Holandës dhe Polonisë. Pritshmëria për Kampionatin Evropian në Shqipëri është aq e fortë sa kryeministri Edi Rama ka vendosur të pezullojë parlamentin për 10 ditë.

Kjo nismë është marrë për të lejuar mbi 100 ministra dhe deputetë të ndjekin ndeshjet e Grupit B kundër Italisë, Kroacisë dhe Spanjës. Një zgjedhje që ka shkaktuar shumë diskutime, por që shpjegon pritshmërinë me të cilën populli shqiptar po përgatitet ta përjetojë këtë ngjarje.

Kombëtarja kuqezi në fakt nuk ishte kualifikuar në Europianin 2020 (u luajt një vit më vonë prej pandemisë së Covid-19), por e bëri “sefte” për herë të parë në histori në edicionin e vitit 2016 në Francë, ku u eliminua në fazën e grupeve.

Policia tha se një 59-vjeçar është arrestuar në Durrës me qëllim ekstradimin në Itali.

Shtetasi Viktor Leki u lokalizua dhe arrestua falë bashkëpunimit mes Interpol Tiranës dhe Interpol Romës.

59-vjeçari ishte shpallur në kërkim ndërkombëtar pasi Gjykata e Leçes në mars të vitit 2018 e ka dënuar me 8 vite e 4 muaj burg për veprën penale ‘Pjesëmarrje në grup kriminal, me qëllim trafikimin e narkotikëve’.

Ky shtetas ishte shpallur në kërkim ndërkombëtar, pasi Gjykata e Leçes, Itali, me vendimin e datës 06.03.2018, e ka dënuar me 8 vjet e 4 muaj burgim, për veprën penale “Pjesëmarrja në grup kriminal, me qëllim trafikimin e narkotikëve”.’, thuhet në njoftimin e policisë.

Një sipërmarrës shqiptar nga Bruneck në Itali, kaloi 13 muaj në paraburgim në pritje të ekstradimit. Tani Gjykata e Lartë Rajonale e Trentos.

Në janar 2023, ai ra në prangat e policisë italiane. 43-vjeçari shqiptar u arrestua nga Karabinierët dhe u dërgua në burgun e Bolzanos, ku u mbajt për disa muaj.

Arsyeja e arrestimit ishte një urdhër-arresti ndërkombëtar ndaj personit të lëshuar nga SPAK në Shqipëri. Ndaj tij kishte procedim penal në Shqipëri për akuzën e prodhimit dhe shitjes së drogës në kuadër të një organizate kriminale. Megjithatë, Gjykata e Lartë Rajonale e Bolzanos vendosi në korrik 2023, pas një sfide për ekstradimin nga dy avokatët Marco Dall`Aglio dhe Nicola Nettis, që ai duhet të transferohej në Shqipëri.

Dy avokatët mbrojtës paraqitën një ankesë kundër këtij vendimi, e cila rezultoi me sukses. Gjykata më e lartë rrëzoi vendimin e Gjykatës së Lartë Rajonale të Bolzanos dhe e dërgoi çështjen në selinë e Gjykatës së Lartë Rajonale në Trento. 43-vjeçari është i lirë që nga dita e enjte. Ai u lirua nga arresti shtëpiak, ku kishte kaluar nëntë muaj.

“Një makth i vërtetë ka marrë fund për klientin tonë,” theksuan avokatët Dall`Aglio dhe Nettis. Është vendosur parimi që një person nuk mund të dënohet apo gjykohet dy herë për të njëjtën vepër. Gjykata e Lartë Rajonale e Trentos po ndjek tashmë argumentet e dy avokatëve penalë të Tirolit të Jugut dhe rrëzon kërkesën shqiptare për ekstradim. Prokurori i Përgjithshëm, nga ana tjetër, kishte kërkuar zbatimin e tij dhe tani mund të apelonte sërish.

Në fund të fundit, sipërmarrësi nga Bruneck përfitoi nga procedurat e ekstradimit sepse prokuroria publike e Bergamos e kishte hetuar edhe për pjesëmarrje në një organizatë kriminale. Por, kjo vepër përfundimisht u rrëzua, duke lënë akuzën e trafikut të drogës, për të cilën u dënua me tre vjet burg.

Më 6 tetor 2020, ai ishte dënuar sërish në Itali me 3 vite burg për posedim droge përpara se gjykata rajonale e Bergamos ta cilësonte atë për qëllime shitje.

Një tjetër ngjarje e rëndë ka ndodhur në Iatli, ku sërish protagonistë kanë qenë shqiptarët. Mediat italiane raportojnë se një nënë e re me origjinë sqhiptare është hedhur nga ballokoni për t’i shpëtuar dhunës së bashkëshortit.about:blank

Gruaja ndodhet e shtruar në gjendje të rëndë në Maggiore, ku u transportua menjëherë pas rënies me kodin maksimal të urgjencës dhe ndodhet në gjendje të rëndë. Ndërkohë, bashkëshorti i saj, po me origjinë shqiptare, është arrestuar.

Arsyeja, sipas mediave italiane, mendohet të ketë qenë xhelozia e çmendur e burrit dhe besimi i tij se partnerja e tij e kishte tradhtuar.

Ministri i Brendshëm Matteo Piantedosi ka ngritur shqetësimin lidhur më përhapjen e terrorizmit. Ai ka theksuar se rrugët Ballkanike po shihen si një mundësi dhe që  mund të shfrytëzohen nga shumë njerëz. Ndonëse shifrat e emigrantëve nga vende si Bosnja janë të ulëta, alarmet dhe shqetësimet janë të larta.about:blank

Më tej ai shton se terroristët në shumicën e raste mbajnë lidhje të ngushta me vendet e origjinës, ku thekson se ky është edhe rasti i Bosnjës, ndonëse është pak e dukshme, është bërë një vatër e vërtetë e rrezikut të përhapjes së terrorizmit.

“Jemi të organizuar, ka kontrolle specifike nga rruga Ballkanike. Njerëzit mbërrijnë tranzit nga vende si Bosnja. Alarmet dhe shqetësimet janë të mëdha. Rivendosja e kontrolleve në kufirin me Slloveninë dhe vendosja masive e forcave të rendit dhe ushtrisë është shenjë e qartë, masat mund të duken drastike, por janë të domosdoshme”, ka thënë ai.