Tre ditë më parë, gjatë një shkëmbimi zjarri brenda vilës së tij në Foria di Centola – në Cilento në provincën e Salernos – ai kishte plagosur një nga tre hajdutët, të cilët po përpiqeshin të grabitnin para dhe bizhuteri nga kasaforta e tij.

Mbrëmjen e të hënës, sipërmarrësi 60-vjeçar, pronar i një kompanie ndërtimi, i cili mori pushkën e tij të gjuetisë dhe hapi zjarr në mbrojtje të familjes dhe të pronës, gjeti 30 shqiptarë – bashkëkombës të hajdutit të plagosur 20-vjeçar – poshte shtëpisë së tij, të cilët kërkonin një përballje me italianin dhe, pothuajse me siguri, kishin qëllime hakmarrëse.

Grupi i shqiptarëve, të gjithë nga provinca e Kazertës, mbërritën në Cilento me makina të fuqishme, raportojnë mediat italiane. Ata, të cilët kërkonin një takim ballë për ballë me 60-vjeçarin, u larguan vetëm pas mbërritjes së policisë.

Që nga mbrëmja e kaluar, dy patrulla të Karabinierëve kanë ruajtur vilën e biznesmenit për të shmangur një hakmarrje të mundshme.

Më 22 qershor, në mes të natës, një bandë shqiptarësh e përbërë nga të paktën tre persona kishin shënjestruar dy shtëpi të izoluara në fshatin Cilento.

Pas grabitjes në shtëpinë e parë, ata kishin hyrë në të dytën. Por në katin e sipërm, ndërtuesi dhe gruaja e tij po flinin.

Burri dëgjoi zhurmat, mori një pushkë gjuetie dhe zbriti poshtë për të kontrolluar se kush kishte hyrë në shtëpi.

Një shkëmbim zjarri filloi me hajdutët, ku një prej grabitësve u plagos dhe ra në tokë, ndërsa të tjerët arritën të shpëtonin, duke u larguar.

Pas mbërritjes së policisë dhe ambulancës, shqiptari i plagosur – një 20-vjeçar – u dërgua në spitalin në Vallo della Lucania dhe iu nënshtrua një operacioni delikat kirurgjikal: plumbi i pushkës e goditi atë midis gjoksit dhe shpatullës.

Të nesërmen, ai u dërgua me helikopter në spitalin Cardarelli në Napoli, ku është ende i shtruar në gjendje të rëndë.

Një hajdut i dytë, 23 vjeç, gjithashtu me kombësi shqiptare, thuhet se është plagosur. Por ai është ende në arrati.

Që prej të hënës (24 qershor), disa të afërm të tyre kanë mbërritur nga provinca e Kasertës (Napoli), të cilët po ndihmojnë Karabinierët dhe Mbrojtjen Civile në kërkim të anëtarëve të tjerë të grupit.

Telefoni i tij “smartphone” ishte aktiv për herë të fundit pranë fshatit të vogël në Bulgheria. Por ende nuk ka asnjë gjurmë të tij.

Hetimet e Karabinierëve, të koordinuara nga Zyra e Prokurorit Publik të Vallo della Lucania, vazhdojnë.

Italiani, i cili qëlloi me armë, tani po hetohet për plagosje të rëndë, ndërsa ndaj të riut shqiptar, që ndodhet në spital, është hapur një hetim nga prokuroria, si i dyshuar për tentativë grabitjeje, sikundër dhe bashkëpunëtori tjetër në arrati. Ndërkohë, një pjesë e mallrave të vjedhura nga shqiptarët, është sekuestruar nga policia.

Por gjithsesi tensioni mbetet i lartë. Prefektura po vlerëson forcimin e masave të sigurisë në zonë për të parandaluar incidente të mëtejshme.

Një aksident me motorr ka ndodhur mesditën e kësaj të diele në aksin rrugor Sarandë-Ksamil në vendin e quajtur Manastir.

Dy të rinj që ndodhen në Sarandë për turizëm ishin duke udhëtuar me motorr me drejtim nga Saranda drejt Ksamilit. 21 vjeçari Giussepe Dani, shtetas italian që ishte gjithashtu edhe drejtuesi i motomjetit me targë BV183 ka humbur kontrollin e mjetit dhe si pasojë është rrëzuar.

Në motomjet sëbashku me 21 vjeçarin italian ndodhej edhe 21 vjeçarja shqiptare Artena Llani.

Pas rënies janë plagosur që të dy. Menjëherë janë transportuar në spitalin e Sarandës për ndihmë mjekësore. Mësohet se janë jashtë rrezikut për jetën. Sherbimet e Qarkullimit Rrugor pas njoftimit të marrë u ndodhën në vendngjarje për të zbardhur shkakun e aksidentit.

TIRANA- Ambasadori i Italisë në Shqipëri, Fabrizio Bucci tha sot, në fjalën e tij në Konferencën e përbashkët të Policisë së Shtetit me Guardia di Finanza, për luftën kundër kultivimit të bimëve narkotike, se vendi i tij mbështet plotësisht të gjithë sektorin e drejtësisë shqiptare, në mënyrë të veçantë për SPAK. Bucci theksoi se mbështetja italiane është e gjerë dhe mbulon çdo sektor, nga lufta ndaj krimit të organizuar, tek korrupsioni dhe trafikimi i lëndëve narkotike. Ai tha se, fushata e mbikëqyrjes nga ajri ka arritur në edicionin e 13-të dhe është një përsosmëri, jo vetëm për rajonin e Ballkanit. Gjithashtu ai përmendi aktivitetet e formimit të specializuar të kryera nga Policia e Shtetit, Guardia di Financa dhe Arma dei Carabinieri për hetuesit e BKH-së. Bucci gjithashtu përmendi praninë e katër magjistratëve italianë që punojnë në mbështetje të drejtësisë shqiptare.

Pjesë nga fjala e ambasadorit:

Rezultatet që prezantuam sot në luftën ndaj fenomenit të kultivimit të kanabisit në Shqipëri, janë të rëndësishme dhe kanë rendësi të veçantë. Bashkëpunimi policor në luftën ndaj krimit të organizuar dhe trafikimi të lëndëve narkotike ka një rol të veçantë në interes të përbashkët të Italisë dhe Shqipërisë. Mbështetja jonë e plotë dhe e bindur shkon për të gjithë sektorin e drejtësisë shqiptare, magjistratëve shqiptarë. Në mënyrë të veçantë mbështetja jonë shkon për SPAK-un.

Gjatë viteve roli i Italisë në Shqipëri është rritur dhe është pajisur me mjete të rëndësishme falë të cilës kemi promovuar nisma të mrekullueshme dhe kemi arritur rezultate. Janë aktualisht 15 skuadra të përbashkëta mes Shqipërisë dhe Italisë. 60 persona në kërkim janë ndaluar së fundmi dhe 40 ekstradime janë realizuar. Më shumë se 10 kurse të zhvillua nga Ministria e Brendshme italiane në favor të policisë shqiptare, në bazë të marrëveshjes së nënshkruar në 2023-shin nga dy drejtuesit e policisë italiane dhe shqiptare për mbështetjen ndaj formimit arsimor.

Ne kemi bërë shumë, por duhet çuar përpara ky bashkëpunim duke forcuar më tej luftën ndaj çdo forme kriminaliteti, sepse nuk ka alternativë tjetër. Duhet të bashkëpunojmë. Krimi i organizuar di të operojë në nivel global, është i shpejtë dhe ne duhet të lëvizim me të njëjtin efikasitet, me të njëjtin fleksibilitet të kriminelëve.

Krimi i organizuar duhet luftuar atje ku i dhemb më shumë, atje ku janë paratë dhe fuqia financiare dhe ky është një mësim që na i kanë dhënë magjistratët tanë, Falcone dhe Borselino më shumë se 30 vite më parë”.

Vendosmëria jonë për të punuar bashkë me autoritetet shqiptare vijon dhe nuk do të mungojë asnjëherë në luftën kundër krimit të organizuar, korrupsionit, paligjshmërisë. Italia e di që mund të mbështetet tek Shqipëria sot, dhe akoma më shumë në të ardhmen.

Mësohet se 34-vjeçari shqiptar ka goditur me një dërrasë druri dhe më pas me grushta e shkelma të paktën dy policë, që kanë përfunduar në spital, ku janë konstatuar lëndime trupore dhe në pjesën e fytyrës.

ITALI- Një shqiptar është arrestuar në Itali, pasi ka dhunuar punonjësit e policisë, të cilët tentuan të ushtrojnë një kontroll ndaj tij. Mësohet se 34-vjeçari shqiptar ka goditur me një dërrasë druri dhe më pas me grushta e shkelma të paktën dy policë, që kanë përfunduar në spital, ku janë konstatuar lëndime trupore dhe në pjesën e fytyrës.

Ngjarja ka ndodhur në qendrën historike të Perugias, ku policia nisi të gjurmojë 34-vjeçarin, të cilit iu kërkuan dokumentet e identifikimit. I ru shqiptarë ka reaguar dhunshëm ndaj policëve, duke i qëlluar me një dërrasë dhe me grushta e shkelma, ndërsa dyshohet se ishte nën efektin e pijeve alkoolike. Policia përdori ndaj tij spray me piper dhe në momentin që është neutralizuar, iu gjet në trup një sasi prej 21.19 gram hashash.

Turisti italian falënderoi efektivët e Policisë, për ndihmën dhe përkushtimin e treguar, si dhe qytetarin që kishte njoftuar në kohë Policinë.

Drejtoria Vendore e Policisë Vlorë falënderon qytetarët për besimin dhe bashkëpunimin që kanë me Policinë, për të mirëpritur dhe ndihmuar turistët në vendin tonë.

Një 38-vjeçar shqiptar ka qenë shumë pranë vdekjes pas dhunimit brutal që iu bë nga pesë italianë.

Mësohet se shqiptarit i kanë dalë në pritë 5 italianët të cilët e kanë dhunuar dëri sa e kanë lënë pa ndjenjë. Në lidhje me rastin policia e koordinuar nga Prokuroria Publike në Gjykatën e Milanos ka zbatuar masën e arrestit me burg duke vënë në pranga 5 italianët të moshës 27 deri në 40 vjeç, ku njëri prej tyre dyshohet për veprën e rëndë penale të vrasjes së mbetur në tentativë.

Shqiptari u gjet pa ndjenja në anë të rrugës nga efektivët e policisë së Milanos, dhe u transportua me urgjencë në spital ku u shtrua në gjendje kome farmakologjike.

Për shkak të dëmtimeve të rënda të shumta të fytyrës dhe kafkës, me hemorragji cerebrale të përhapur, shqiptari iu nënshtrua dy operacioneve delikate kirurgjikale, të cilat i shmangën vdekjen. Dhuna ndaj shqiptarit mësohet se ka qenë ekstreme, duke bërë që ai të jetë shumë pranë vdekjes.

Një ngjarje e rëndë ka ndodhur këtë të premte ku dy shqiptarë, babë e bir janë arrestuar në Ariccia të Italisë, pasi akuzohen për vatrën penale ‘vrasje e mbetur në tentativë’, ndaj një shtetasi italian.about:blank

Sipas mediave vendase mësohet se shtetasi italian fqinj i tyre kishte kërcënuar me thikë 50-vjeçarin shqiptar, të cilit i erdhi në ndihmë djali i tij, 20 vjeç. Konflikti degradoi më tej, ku 20-vjeçari goditi me thikë shtetasin italian në gjoks. I plagosuri u transportua me urgjencë për në spital ku u nënshtrua një operacioni.

Menjëherë pas ngjarjes, policia italiane ka arrestuar dy shtetasit shqiptarë, babë e bir.

Plot 40 persona janë arrestuar nga Karabinierët si pjesë e operacionit maxi antidrogë të quajtur “Familja dhe miqtë”, falë të cilit u çmontua një organizatë kriminale italo-shqiptare që vepronte në Sardenjë me degëzime edhe në Liguria, Toscana, Emilia Romagna, Marche dhe Abruzzo.about:blank

Dyert e burgut Italian janë hapur për 22 persona, 18 janë në arrest shtëpie. Në krye të grupit kriminal ishte një burrë nga Quartu Sant’Elena (qyteti metropolit i Cagliarit) që menaxhonte marrëdhëniet me Spanjën për importin e hashashit dhe me Shqipërinë për inportin e kokainës. I njëjti person, sipas hetuesve, ka koordinuar dy grupe të tjera kriminale, një që vepronte në Quartu dhe merrej me trafik droge në zonën e Cagliarit dhe një në Sassari.

Gjatë hetimeve, të cilat kanë zgjatur disa muaj, janë sekuestruar sasi të mëdha hashashi, marijuane dhe kokaine.

Një tërmet i fortë është ndjerë në Napoli nga qytetarë të shumtë, në pjesë të ndryshme të qytetit.

Për momentin nuk raportohet për dëme, sipas mediave italiane, megjithëse ka pasur skena paniku me njerëz në rrugë.

Lëkundjet kanë qenë disa, por magnituda më të madhe ishte 3.8 në një thellësi prej 1.7 kilometrash.

Vëmendja e sizmologëve dhe vullkanologëve për atë që po ndodh “është konstante”, edhe nëse “deri më sot nuk po na jep indikacione për ndryshime të papritura në krahasim me trendin e vërejtur në 10 vitet e fundit”, tha vullkanologu Giovanni Macedonio.