Disa rajone të Italisë po përballen sërish me mot të keq, përmbytje dhe stuhi që kanë shkaktuar dëme dhe alarme në disa zona. Në Siçili, në Leonforte dy makina përfunduan në lumin Crisa dhe dy persona u shpëtuan nga zjarrfikësit, ndërsa një person tjetër rezulton i zhdukur.

Në Sardenjë, shiu dhe breshëri kanë shkatërruar hektarë të tërë me tokë bujqësore dhe kanë përmbytur disa qytete. Departamenti i Mbrojtjes Civile ka lëshuar një alarm portokalli për Ligurinë dhe Lombardinë duke filluar nga ora 21:00 e së martës. Në Milano dhe Bergamo, kopshtet dhe parqet publike do të mbyllen më 20 gusht.

Në Italinë Veriore dhe Qendrore, reshje të forta me stuhi priten në rajonet Valle d’Aosta, Piemonte, Liguria, Lombardi, Emilia-Romagna, Friuli-Venezia Giulia, Veneto dhe Toskana. Për këto zona, është lëshuar alarm i verdhë nga Mbrojtja Civile.

Arezzo ka përjetuar rrebeshin e tretë të rrëmbyeshëm brenda tre ditësh i cili ka shkaktuar përmbytje dhe ka bllokuar disa rrugë. Ndërkohë, në Peruxhia, erërat dhe reshjet e dendura rrëzuan pemë në autostradën Perugia-Bettolle, duke detyruar mbylljen e përkohshme të saj.

Autoritetet bëjnë thirrje për kujdes maksimal dhe ndjekje të udhëzimeve të emergjencës.

Sipas mediave italiane, Maylin, e cila është edhe nëna e një foshnje të lindur në janar, jetonte nën një regjim të dhunës dhe kërcënimeve të përditshme në familje. Gruaja, që po trajtohej për depresion, kërkoi ndihmën e Lorena-s për të ndalur dhunën, duke shprehur frikën për jetën e saj.

Një ngjarje makabre që ka tronditur Italinë, vjen me një rrëfim të dhimbshëm nga 62-vjeçarja Lorena Venier, e cila pranoi se vrau të birin, 35-vjeçarin Alessandro Venier, duke bashkëpunuar me partneren e tij nga Kolumbia, Maylin Castro Monsaldo.

Në një dëshmi tronditëse para hetuesve, Lorena tregoi se kishte drogëruar fillimisht djalin e saj me një ilaç të tretur në limonadë, më pas i kishte bërë një injeksion insuline për ta bërë të pavetëdijshëm.

Pavarësisht përpjekjeve për ta mbytur me duar, vrasja u finalizua me lidhëset e këpucëve nga Maylin.

Pas vrasjes, trupin e ndarë në pjesë e mbetjet i fshehën në një kosh plehrash në garazh, të mbushur më pas me gëlqere, të blera online.

Lorena u shpreh se veproi nga frika dhe për të mbrojtur partneren e djalit të saj, të cilën e konsideronte si vajzën që nuk pati kurrë.

Hetimet kanë zbuluar se Alessandro kishte precedentë për dhunë dhe drogë, ndërsa mbrëmja e 25 korrikut kur ndodhi krimi mbetet një nga ngjarjet më të errëta të komunitetit lokal.

Nga e diela dhe veçanërisht gjatë javës së ardhshme, në Itali do të mbërrijë vala e dytë e të nxehtit për këtë fillim qershori, shumë më intensive se e para, me temperatura që pritet të arrijnë deri në 37°C në pjesën më të madhe të vendit.

Meteorologu Mattia Gussoni nga portali www.iLMeteo.it konfirmon formimin e një blloku atmosferik të nxehtë për ditët në vijim. Bëhet fjalë për një konfigurim të veçantë që do të sjellë shtrirjen e anticiklonit afrikan për mijëra kilometra nga jugu në veri.

Sipas Gussonit, kushtet e motit do të mbeten thuajse të pandryshuara për disa ditë: shumë diell dhe mungesë reshjesh në pjesën dërrmuese të rajoneve. “Italia do të ndodhet në zemër të kësaj ‘flluske’ me presion të lartë”, thotë ai.

Që nga e diela, 8 qershor, dielli do të shkëlqejë në pothuajse të gjitha rajonet, megjithatë mbetet rreziku për ndonjë stuhi të izoluar në Alpet qendrore-lindore, e cila mund të shtrihet edhe në fushat e Friulit. Një fazë e re e motit anormal do të nisë javën e ardhshme: përveç shumë diellit, pritet një valë e fortë të nxehti që do të prekë gjithë vendin gjatë pjesës së parë të qershorit.

Temperaturat pritet të jenë disa gradë mbi mesataren klimatike, duke sjellë nxehtësi përvëluese në më shumë se gjysmën e Italisë. Më konkretisht, nga e marta, 10 qershor, priten temperatura deri në 36-37°C në Toskanë, Lacio, Molise, Bazilikatë, Puglia, Siçili, Sardenjë dhe Kalabri – madje deri në 40°C në zonat e brendshme të dy ishujve të mëdhenj.

Në pjesën tjetër të rajoneve, nxehtësia dhe lagështia do të jenë të ndjeshme, me temperatura deri në 33-34°C në qytete si Milano, Bolonja dhe Roma. Këto kushte do të zgjasin gjatë gjithë javës, nga e hëna, 9 qershor, deri të dielën, 15 qershor. “Për momentin, nuk pritet ndonjë ndryshim domethënës në këtë bllok atmosferik – të paktën jo para dhjetëditëshit të fundit të muajit”, shton Gussoni./TCH

NORVEGJI – Norvegjia ka arritur një fitore të pastër ndaj Italisë me rezultatin 3-0 në kualifikueset për Kampionatin Botëror 2026. Norvegjia ndaj Italisë dominoi që nga fillimi, duke shënuar të tre golat në pjesën e parë.

Alexander Sorloth hapi serinë e golave në minutën e 14-të me asistim të Antonio Nusa. Vetë Nusa shënoi golin e dytë në minutën e 34-të, duke i treguar italianëve që nuk do ta kenë të lehtë. Kapiteni Martin Odegaard asistoi për Erling Haaland, që e vulosi rezultatin me golin e tretë në minutën e 42-të.

Norvegjia luajti me shumë siguri dhe kreativitet edhe në pjesën e dytë, duke mos i dhënë asnjë shans Italisë për t’u rikthyer. Kjo ishte ndeshja e parë e Italisë në këto kualifikime, ndërsa Norvegjia ka zhvilluar tri dhe me tri fitore e nëntë pikë është kryesuese e grupit.

Reshje të dendura kanë goditur rajonin e Piemontes në Itali, duke shkaktuar dëme shumë të mëdha. Zjarrfikësit kanë ndërhyrë dhjetëra herë në Torino, Val di Susa dhe Val Chisone, ku janë regjistruar përmbytje të shumta. Siç raportohet në Feletto, një burrë 58-vjeçar është zhdukur pasi u mor nga rrjedha e përroit Orco ndërsa punonte me traktor. Në Val di Susa, lumi Gerardo ka vërshuar duke izoluar rreth 50 persona në disa fshatra.

Gjithashtu probleme ka pasur edhe në zonën e Savonës dhe Imperias për shkak të përmbytjeve dhe rrëshqitjeve të dheut që kanë prekur rrugët dhe hekurudhën drejt kufirit me Francën. Ndërsa në Mattie, shembja e një ure ka lënë të izoluar 30 persona, ndërsa zjarrfikësit po punojnë për të përballuar dëmet. Në Savona, zjarrfikësit janë të zënë me përmbytje, rrëshqitje dhe heqjen e pemëve nga rrugët. Në Torino dhe rrethina, janë kryer mbi 30 shpëtime nga përmbytjet.

GJERMANI – Zvicra eliminon Italinë nga Euro 2024. Zvicra fitoi me rezultat të pastër, të merituar 2 me 0.

Që nga fillimi i lojës ishin helvetët që dominuan me lojë dhe raste ndërkohë që Donarumma rezistoi deri në minutën e 37-të kur Freuler i ndihmuar edhe nga një divijim që arrin të zhbllokojë takimin.

Me këto shifrat 1-0 në favor të skuyadrës së kapitenit Xhakla u mbyllën 45 minutat e para. Ndërkohë në pjesën e dytë ndodh e pabesueshmja, ende pa u mbyllur 60 sekonda Vargas shënon një super gol nga distance duke mposhtur edhe pikën më të fortë të italianëve Donaruma, këtë herë pa asnjë devijim.

Ragfimi i axurrëve ishte i vakët dhe u treguan të pafuqishëm për të ngushtuar diferencën dhe jo më për të kthyer një humbje që vulosi paraqitjen e dobët të skuadrës kampione të europës në fuqi.

Teksa ka mbetur edhe pak kohë nga starti i ndeshjes Itali – Shqipëri, e cila do të startojë në orën 21:00 në stadiumin “Iduna Park të Dortmundit, është mçësuar edhe formacioni zyrtar i kuqezinjve të Kombëtares sonë, i përzgjedhur nga trajneri Sylvinho.

Në portë do të jetë Strakosha, para tij Gjimshiti dhe Ismajli, ndërsa nga krahët Hysaj nga e djathta dhe Mitaj nga e majta. Në mesfushë do të rreshtohen ramadani, Asllani dhe Bajrami, ndërsa në sulm do të jenë Sani nga e djathta dhe Seferi nga e majta që do të mbështesin Brojën në majë të sulmit…

Ja formacioni i Shqipërisë:

Shqipëria do të përballet kundër Italisë, sonte në orën 21:00 te stadiumin i qytetit të Dortmundit, “Signal Iduna Park”.

Ashtu siç ka ditë që raportohet, gjigandët italian të Milanit janë në vëzhgim të sulmuesit shqiptar dhe thuhet se takimi i sotëm i kuqezinjve kundër “axurrëve” do të jetë vendimtar për fatet e tij.

Vëzhgues të ekipit të Milanit do të jenë të pranishëm në shkallët e stadiumit të Dortmundit, ku do të shikojnë nga afër Brojën. Një gol sonte, mund t’i hapë një rrugë të ndritur shqiptarit në të ardhmen.

Kryeministrja italiane, Giorgia Meloni ka dhënë një intervistë për mediat italiane ku ka folur mbi pezullimin e marrëveshjes me Shqipërinë për emigrantët, pasi të mërkurën (13 dhjetor), Gjykata Kushtetuese e vendit tonë mori në shqyrtim kërkesën e bërë nga 30 deputetë të grupit Bardhi-Berisha të cilët e konsideronin marrëveshjen si ‘antikushtetuese’.about:blank

Meloni theksoi se nuk ka asnjë plan B në këtë rast dhe shtoi se shpreson që të mos ketë një vendim që do të anulonte marrëveshjen, duke theksuar se respektonte vendimet që merr një vend sovran si Shqipëria.

Një tërmet me magnitudë 3.9 u regjistrua në orën 16:30 me orën italiane në zonën detare pranë qytetit të Ankonës, në Italinë qendrore.

Sipas informacioneve të deritanishme, tërmeti është ndjerë veçanërisht në të gjithë rajonin Marche, me kryeqytet Ankonën, por deri më tani nuk ka të lënduar apo dëme materiale.

Mbrëmjen e djeshme në orën 19:45 me orën lokale, një tërmet me magnitudë 3.8 ballë është regjistruar në zonën më të gjerë të Napolit, pa të lënduar apo dëme.