Romë- Italia ka më në fund trajnerin e saj të përfaqësueses. Xhenaro Gatuzo ka firmosur dhe është edhe zyrtarisht tekniku i ri i të kaltërve, me konfirmimin që ka ardhur nga vetë Federata Italiane.

Nëpërmjet një njoftimi, ajo bëri të ditur se prezantimi i tij para mediave do të bëhej këtë të enjte në një hotel të Romës, duke nisur zyrtarisht epokën nën drejtimin e ish-mesfushorit të njohur italian i cili nuk ka pasur edhe aq shumë suksese në karrierën e tij të re, në pankinë.

Aventurat në skuadrat e futbollit italian, mes të cilave Milan e Napoli, nuk u mbyllën me fund të lumtur e tre të fundit jashtë Italisë te Valencia, Marseja e së fundmi Hajduk Split, u cilësuan si dështime. Ai dha dorëheqjen pak javë më parë nga Hajduk Split, pasi nuk arriti të fitonte titullin kampion në Kroaci edhe pse me një skuadër të mbushur me emra të njohur mes të cilëve edhe Ivan Rakitiç.

“Gatuzo është një simbol i futbollit italian, ngjyra e kaltër për të është si një lëkurë e dytë. Motivimi, profesionalizmi dhe eksperienca e tij do të jenë thelbësore për të përballuar më së miri ndeshjet e ardhshme të përfaqësueses”, tha presidenti i Federatës, Gabriele Gravina në njoftimin për emërimin e Gatuzos.

Xhenaro Gatuzo do të jetë trajneri i ri i Italisë.

Vetë Bufon, koordinator i përfaqësueses italiane, ka konfirmuar në fjalët e tij emërimin që pritet.

A mund të konfirmojmë që po presim Gatuzon për Italinë?

“Po punojmë, disa detaje kanë mbetur. Kemi pasur disa ditë të ngarkuara, por besoj se në fund kemi bërë zgjedhjen e duhur”.

Bufoni dha këtë deklaratë, ndërsa ndodhet me ekipin U-21 të Italisë. Këto të fundit fituan ndeshjen e fundit ndaj Sllovakisë me rezultatin 0-1. “Axurrët” po angazhohen në Europianin U-21.

Gatuzo do të pasojë Luçiano Spaletin tek ekipi i parë. Spaleti nuk bëri mirë dhe largimi i tij u vulos me humbjen ndaj Norvegjisë.

Superkupa e Italisë tashmë e ka axhendën e dy ndeshjeve gjysmëfinale. Do të jetë fillimisht Inter – Atalanta, që merr jetë më 2 janar dhe më pas 1 ditë më vonë Juventus përballet me Milanin.

Pikërisht çfarë ëndërronin arabët, aty ku do zhvillohet dhe Superkupa e Italisë. Napoli, Fiorentina, Lacio dhe Interi ishin kundërshtarët e sezonit të fundit. Sigurisht që arabët ishin të kënaqur vetëm me këto të fundit.

Zvicra po udhëheq 2-0 ndaj Italisë, në ndeshjen e vlefshme për Europianin. Ndeshja nisi me ritëm të lartë, me skuadrën helvete që u vendos menjëherë në kërkim të golit. Ekipi i Murat Yakin shtoi ndjeshëm presionin me kalimin e minutave, duke zhvendosur totalisht axurrët në gjysmëfushën e vet.
Të besuarit e Spalletit provuan të dilnin në lojën e tyre, gjithsesi për t’u përmendur vetëm disa aksione sporadike. Italia nuk shfrytëzoi si duhet një goditje dënimi në afërsi të zonës në të 19-tën, duke shpërdoruar kështu një mundësi të mirë. Në të 24-tën, Embolo gaboi i vetëm para portierit Donnarumma. Zvicra kaloi në avantazh me golin e Freuler në të 37-tën. Vargas dyfishoi shifrat me eurogol, sapo filloi pjesa e dytë.
Zvicra(3-4-3) – Sommer, Schar, Akanji, Rodriguez; Aebischer, Freuler, Xhaka, Rieder; Vargas, Embolo, Ndoye. Trajner Yakin
Italia(4-3-3) – Donnarumma; Di Lorenzo, Mancini, Bastoni, Darmian; Cristante, Fagioli, Barella; Chiesa, Scamacca, El Shaarawy. Trajner: Spalletti.

Rexhep Tajip Erdogan do të vizitojë Spanjën më 12-13 qershor dhe Italinë më 14 qershor. Presidenti turk, vendi i të cilit nuk është anëtar i G7, do të jetë i ftuar special i kryeministres italiane Giorgia Meloni.

Në samitin e G7 në Bari të Italisë, presidenti Erdogan pritet të takohet me krerët e vendeve anëtare të grupit.

Në Samit do të marrin pjesë presidenti amerikan Joe Biden, kryeministri kanadez Justin Trudeau, kryeministri i Mbretërisë së Bashkuar Rishi Sunak, kancelari gjerman Olaf Scholz, presidenti francez Emmanuel Macron, kryeministri japonez Fumio Kishida, presidenti i Këshillit të BE-së Charles Michel dhe Presidentja e Komisionit Ursula von der Leyen.

Papa Françesku dhe presidenti ukrainas Volodymyr Zelensky, si dhe liderët e Afrikës së Jugut, Brazilit, Argjentinës, Indisë, Arabisë Saudite dhe Emirateve të Bashkuara Arabe pritet të jenë në Bari.

Në 48 orët e mëparshme, në datat 12 dhe 13 qershor, Recep Tayyip Erdogan do të takohet me kryeministrin spanjoll Pedro Sanchez. Presidenti turk, sipas mediave turke, pritet të përcjellë falënderimet e tij për qeverinë spanjolle për njohjen e shtetit palestinez muajin e kaluar.

Në kontaktet e Tayyip Erdogan në Spanjë dhe Itali, Ankaraja i ka kushtuar rëndësi të veçantë blerjes së avionëve luftarakë të gjeneratës së pestë Eurofighter, të cilët prodhohen nga një konsorcium europian me pjesëmarrjen e Mbretërisë së Bashkuar, Italisë, Spanjës dhe Gjermanisë.

Shitja e avionit vendeve të treta kërkon miratimin e të katër këtyre vendeve. Ndërsa Spanja, Italia dhe Mbretëria e Bashkuar kanë dhënë dritën jeshile për t’i shitur luftëtarët në Turqi, Gjermania ka bllokuar shitjen.

Kryeministri Rama, gjatë fjalës së tij nga Milano, ku po mban një takim me shqiptarët që jetojnë e punojnë atje, u shpreh se, nga rrënjët e vjetra arbërore, të vendosura nga pakti i heroit tonë kombëtar, Gjergj Kastriot Skënderbeu, me Mbretin e Napolit, dolën ndër shekuj familje të mëdha e njerëz të shquar që lanë gjurmë në historinë e Italisë.

“Në çdo majë province apo komune, ku krahas italianëve, shqipet shkëlqyen me talentin, me bëmat dhe me vullnetin e tyre të jashtëzakonshëm. Tamam aty në atë shteg fare të ngushtë mes atdheut që e latë pas kurrizit, duke u rendur si ai fati i Shqipërisë të ngritur nga varri dhe mes atij atdheut që ju shkeli, ju gjetët atdheun më të sigurt, vetveten. Zbuluat forcën e pandalshme për të ndjekur nga mbrapa ëndrrat tuaja.

Përtej mitit, rrëfimi i Virgjilit na zbulon se çdo identitet e ka zanafillën me një të ardhur diku nga diku. Edhe në këtë pellgun tonë mesdhetar, ju shqiptarët e Italisë dhe ata të Greqisë jeni sot një nga shëmbëlltyrat, themelimi i një qytetërimi evropian, më i lirë, më gjithëpërfshirës sesa paraardhësit e tij grek e romak.

Heroi ynë kombëtar ishte një luftëtar besnik i Mbretit të Napolit, me të cilin e lidhte pakti që i hapi rrugë konsolidimit të një bashkësie shqiptare që nga Puglia deri në Sicili, ku ruhet në 51 komunat italiane gjuha e Arbërisë skëndërbejane. Prej atyre rrënjëve të vjetra arbërore dolën ndër shekuj familje të mëdha e njerëz të shquar që lanë gjurmë në historinë e Italisë”, vijoi më tej Rama në fjalën e tij.

Rama, shuplakë Athinës: Ju shqiptarët e Italisë nuk i ndërruat emrat, siç i detyruan ata të Greqisë, njollë turpi në historinë e Europës Kryeministri Rama, teksa foli në takimin me shqiptarët në Milano, u shpreh se ata vijnë sot në Shqipëri në një vend krejt ndryshe nga ai që kanë lënë kur kanë ikur vite më parë nga “sytë-këmbët”.

Sipas Ramës, koha e mirë e Shqipërisë më në fund ka ardhur dhe vetëm ne shqiptarët, brenda dhe jashtë kufijve të saj, mund dhe do ta bëjmë këtë kohë, një kohë që do të shënjohet në historinë e kohës sonë, siç është koha e ribashkimit përfundimtar me familjen evropiane.

“Po i them atij që do të besoj te Shqipëria e sotme, Shqipëria e nesërme do t’ia kthejë shumëfish besimin. Këtu është e mundur që njerëzit të jenë njëkohësisht banorë të ishullit dhe të kontinentit dhe t’i qëndrojnë larg të këqijave që vijnë nga të dyja, duke gëzuar si njërin, si tjetrin.

Për çdo të huaj në pragun e shtëpisë së shqiptarit, ju vini sot në një Shqipëri që është shumë ndryshe nga ajo ku ikët nga “sytë-këmbët”.

Mos e harroni pikërisht pse ajo është e tillë, ka edhe shumë mundësi për këdo që kthehet me dijet, me eksperiencën, me kursimet e veta dhe që duke pasur mësuar guximin, do të fitojë për veten dhe familjen më shumë sesa ata që ngurrojnë e që mendohen e presin që ta gjejnë gati.

Ai që do të kthehet më shpejt, do të ketë më shumë vite përpara për shpirtin e ndarë në dysh, por ju nuk jeni aspak të detyruar të zgjidhni o njërën, o tjetrën, sepse sot ju keni mundësinë ti përkisni të dyjave.

Askush më mirë se ju nuk ia di fjalës punë, parasë së fituar e të kursyer me shumë sakrifica, në një vend që deri dje ishte i huaj, e sot është edhe i juaji.

Koha e mirë e Shqipërisë më në fund ka ardhur dhe vetëm ne shqiptarët, brenda dhe jashtë kufijve të saj, mund dhe do ta bëjmë këtë kohë, një kohë që do të shënjohet në historinë e kohës sonë, siç është koha e ribashkimit përfundimtar me familjen evropiane”, deklaroi Rama në fund të fjalës së tij, të cilën e mbylli me fjalët: “Rroftë Shqipëria, Viva l’Italia”.

Katër të vdekur dhe dy të plagosur rëndë. Ky është bilanci i një aksidenti të rëndë rrugor ndodhur në orët e para të mëngjesit të sotëm, 10 shtator, në Cagliari të Italisë.

Në aksidentin e ndodhur rreth orës 05:00 mësohet se humbën jetën, dy djem dhe dy vajza, të moshave nga 18 deri në 20 vjeç. Dy bashkëmoshatarë u transportuan në spital me kodin e kuq.

Aksidenti ka ndodhur në drejtim të Quartu Sant’Elena. Të rinjtë po udhëtonin me një Ford Fiesta, e cila për arsye të panjohura është përplasur me një trotuar pranë mbikalimit duke u përmbysur.

Moti i keq vazhdon të shkaktojë dëme dhe lëndime në veri të Italisë.

Mediat italiane raportojnë se në Verona, një burrë u shtrua në spital në gjendje të rëndë pasi u godit nga rrufeja teksa ndodhej në Piazza Porta Nuova qendrore.

Në provincën e Novarës, një grua u plagos rëndë nga një pemë e rrëzuar pranë një shtëpie.

Sakaq, zjarrfikësit në aksion për të shuar zjarrin në çatinë e një shtëpie të goditur nga rrufeja, në Daverio, në provincën e Varese.

E gjithë zona e Varesotto-s, si dhe pjesa tjetër e Lombardisë dhe Piemontes, është prekur nga një trazirë e fortë, siç parashikohet nga alarmi portokalli i motit i lëshuar të enjten nga Mbrojtja Civile.