Sulmuesi i Kombëtares shqiptare, Jasir Asani, duket se është pranë një aventure të re këtë verë.

Siç bëjnë me dije mediat japoneze, 30-vjeçari kuqezi pritet të lërë skuadrën koreane të Gwangju për t’u transferuar te Yokohama F. Marinos.

Për dy vitet e fundit, Asani ka luajtur në Korenë e Jugut, ku në 74 ndeshje me ekipin e Gwangju ka shënuar 23 gola dhe ka dhuruar 4 asiste.

Tashmë sulmuesi i Kombëtares po bëhet gati për një aventurë të re në Japoni, ku do të kërkojë gjithashtu të rifitojë sërish besimin e trajnerit Sylvinho, për vendin e titullarit në ekipin e Shqipërisë.

Jasir Asani duket se është në formën e tij më të mirë në debutimin në Ligën e Kampionëve të Azisë që po bën me skuadrën e Gwangju.

Sulmuesi i Kombëtares shqiptare gjeti sërish rrugën e rrjetës në ndeshjen e dytë radhazi në këtë kompeticion, kësaj radhe në transfertën e vështirë përballë japonezëve të Kawasaki Frontale.

Në minutën e 21’ të takimit, 29-vjeçari mori përsipër të godiste 11-metërshin e fituar nga koreanët, të cilin me një predhë e ktheu në gol, i cili ishte i vetmi për këtë takim.

Asani është golashënuesi më i mirë në Champions, me 4 realizime në dy ndeshje, teksa ekipi i tij është në kuotën e 6 pikëve, në rrugën e duhur për t’u kualifikuar në fazën tjetër./tch

Goli i pësuar i “ingranoi” dhe kjo e tregon tabela e rezultatit në “epet Arena”, me “Legjionarët” tanë që kanë përmbysur totalisht rezultatin ndaj Ukrainasve duke marrë tashmë në duar “frerët” e lojës.

Një aksion perfekt i “Kuqezinjve” është finalizuar më së miri nga “pistoni” i krahut të djathtë të fushës, Jasir Asani, i cili mposht me një goditje potente portierin Trubin, duke nisur festën e tanëve. Rezultati shkon në 1-2.

Adriatik BALLA
Lojtarët e Kombëtares janë shpërndarë nëpër familjet e tyre dhe po shijojnë pushimet, para se të kthehen për pak ditë e të rigrumbullohen, por këtë herë jo me përfaqësuesen por me klubet e tyre respektive. Pas eliminimit nga Europiani, kanë folur me radhë kuqezinjtë, ku kanë dhënë emocionet e tyre dhe kanë folur rreth forcës së grupit, si dhe kanë treguar optimizmin e tyre se Shqipëria do të mund të kualifikohet edhe në Botërorin e vitit 2026.
Jasir Asani komenton forcën e Shqipërisë
Të gjithë prisnin një gol si ato të ndeshjeve kualifikuese nga Jasir Asani, por edhe pse anësori e tentoi disa herë, diçka e tillë nuk u realizua. Siç thotë edhe vetë Jasiri në intervistën për Panorama Sport, do e kishte ndërruar një gol të eliminatoreve me një nga ndeshjet e Europianit. Megjithatë, një performancë në përgjithësi e mirë për 29-vjeçarin, ku loja më e mirë ishte kundër Kroacisë, madje dha edhe një asist për Laçin, si edhe nxori Asllanin vetëm me portierin, të cilin nuk e mposhti dot. Ndërkohë, Asani jep edhe një koment në lidhje me të ardhmen, ku flitet se do të firmosë për ekipin e Las Palmas-it në La Liga. “Me Spanjën bëmë një ndeshje të mirë. Nuk ishim pasivë, por përballë kishim një ekip shumë të fortë. Motorët i ndezëm që në minutën e parë, por të gjithë e dinë që ishte Spanja dhe dhamë maksimumin dhe iu treguam se nuk është aq e lehtë që të na mposhtësh si ekip. Kemi pasur edhe raste për të barazuar. Gjithsesi, është një eksperiencë nga më të mirat në karrierë”, theksoi Asani. Pyetjes se a mund Shqipëria të bënte më shumë në këtë Europian, sulmuesi kuqezi u përgjigj se Kombëtarja bëri më të mirën e vet në këtë Europian. Mendoj se çdo ndeshje ka maksimumin e vet sepse me tre skuadrat që jemi përballur, janë nga më të mirat në botë dhe normalisht që do të ketë ndonjëherë edhe vështirësi, kundër Spanjës, Kroacisë apo Italisë. Me pak fat, po t’i kishim marrë ato tri pikë me kroatët, do të ishim më të qetë dhe kishim më shumë shanse për të vazhduar më përpara, por gjithsesi të gjithë lojtarët kanë dhënë maksimumin dhe shpirtin në fushë. Kjo është një eksperiencë për ne që të vazhdojmë akoma edhe më përpara”,shtoi Asani. Në fund ai foli për golat e bukur që ka shënuar në eliminatore, por që të gjithë do t’I dhuropnte për një gol në Europian. “Do të doja shumë, por gjithsesi jam i lumtur edhe për golat që shënuam, sepse jemi të gjithë bashkë dhe dhamë shpirtin në fushë e tani duhet të ecim përpara sepse kjo ishte një eksperiencë që nuk do të harrohet asnjëherë dhe na shtyn që të shkojmë tutje edhe për në Botëror”, theksoi ai.

HUNGARI – Në Hungari, kuqezinjtë luajnë ndeshjen e parë miqësore, nga dyt ë programuara këtë javë, atë ndaj Lihteshtejnit. Ashtu si kishte paralajmëruar trajneri Sylvinho e fiulloi ndeshjen me emrt që kanë luajtur më pak gjatë kësaj periudhe dhe më të freskët, duke qenë se edhe kundërshtari ja jepte këtë luks.

Pas tentativave të shumta që kuqezinjtë ushtronin presion dhe sulmonin në forma të ndryshme, ishte Bajrami qe asiston për Brojën në minutën e 31-të që zhbllokon ndeshjen me golin e tij kuqezi që vjen pas dy vitesh.

Goli i fundit i sulmuesit të Chelsea shënonte për here të fundit me kombëtaren në Ligën e Kombeve përballë Izraelit në vitin 2022.

Pavarësisht tentativave të tjera nga lojtarët e kombëtares shqiptare, rezultati mbeti i pandryshuar në 45 minutat e para, duke i çuar të dyja skuadrave dhomat e zhveshjes 1-0.

Me fillimin e pjesës së dytë, nga një goditje standarte është Jasir Asani ai i cili dyfishon rezultatin me një supergol.

VIDIO

Futbollisti i ekipit kombetar Jasin Asani i dedikon një status mirënjohje Sokol Çikalleshit me rastin e largimit te tij nga ekipi kombëtar.

‘Ndihem i privilegjuar që kam patur fatin dhe mundësinë të mësoj nga ti, e jam po aq krenar që kam zbritur në fushë përkrah teje për të njëjtin qëllim, për kombin tonë.

Krahas vlerave që nuk diskutohen si futbollist, ti je një njeri i madh me vlera të jashtëzakonshme. Do mbetesh gjithnjë pjesë e historisë, në pjesën e artë të saj, si një legjendë, që ka dhënë gjithçka për fanellën.

Suksese në çdo hap të jetës në vijim Sokol Cikalleshi’, shkruan Asani në mesazhin e tij.

Këngëtari Luiz Ejlli, rrëmbeu famën dhe vëmendjen e publikut edhe njëherë pas shumë vitesh me pjesëmarrjen e tij në edicionin e dytë të Big Brother Vip Albania 2.

Me përfundimin e këtij edicioni, ku rrëmbeu edhe çmimin e parë, Ejlli është parë mjaft i angazhuar në koncerte, jo vetëm në Shqipëri, po edhe jashtë kufijve, ku ka shqiptarë.

Së fundmi, ai tregoi se ndodhet në Shkup, prej ku ka postuar edhe një foto me futbollistin e Kombëtares Jasir Asani.

Asani është po ashtu një lojtar që fitoi dashurinë e gjithë sportdashësve shqiptarë, përmes performancës së tij me Kombëtaren, e cila u kualifikua në Euro2024.

Për Luiz Ejllin, kualifikimi në Kampionatin Europian është meritë e sulmuesit Jasir Asani.about:blank

“Po të mos ishe ti, kombëtarja do ta shikonte Europianin tek kafja e lagjes”, shkruan ai në Instagram.

Shqipëria është në Europian. Kombëtarja ka marrë pikën që i nevojitej falë barazimit me rezultatin 1-1 dhe siguron matematikisht për të dytën herë në historinë e saj pjesëmarrjen në finalet e një kampionati europian.

Pas kësaj sfide historike, ka folur një nga protagonistët kryesorë të këtyre kualifikueseve, Jasir Asani.

“Jam shumë i lumtur pasi të gjithë tifozët i kemi gëzuar. Më në fund u kualifikuam në Europian, por pa tifozët do të ishte e vështirë. Të gjithë kemi bërë diçka të madhe si stafi, Presidenti dhe të gjithë. Të shënoj në Europian? Patjetër që do të shënoj, por kemi ndeshje dhe të hënën. E provova nga 16 metërshi goditjen, por duhet të pasoja tek Hysaj. Rëndësi ka që siguruam kualifikimin”, u shpreh Jasir Asani.

Jasir Asani ka rrëfyer më shumë për jetën e tij në një intervistë për vëllezërit Veshaj në “Më lër të flas”. I pyetur për pagesën që merr, Asani tha se nuk është ndonjë shumë e madhe, por ato para ia jep babait të tij.

“Unë pagesën që marr, s’po e them sa se nuk është ndonjë shumë e madhe, aq sa marr pothuajse të gjitha ja nis babit. Sepse babai ka bërë çdo gjë për mua”, tha Asani.

Jasir Asani, sulmuesi i kombëtares shqiptare që ka çuar peshë zemrat e kuqezinjve duke shkëlqyer në fushën e blertë, është parë së fundmi në shoqërinë e këngëtares Samanta Karavella.

Ata janë ulur në një tavolinë teksa Asani duket i fokusuar në atë çka po diskuton me këngëtaren simpatike, të shoqëruar edhe nga menaxheri i kësaj të fundit.

Në fotografinë e shpërndarë, Samanta ka vendosur një emoji duke trokitur dy gota. Nuk dihet nëse ky është fillimi i një shoqërie të re, apo janë duke planifikuar ndonjë projekt në fushën e artit.

Samanta u bë e njohur gjerësisht për publikun shqiptar në rininë e saj te “Ethet e së Premtes”, ndërsa futbollisti 28-vjeçar që po shkëlqen në çdo ndeshje me kombëtaren ka tërhequr tashmë vëmendjen e klubeve të rëndësishme evropiane.