Një ditë pas vdekjes se 24 vjeçarit Jurgen Veshaj në Brataj të Vlorës teksa po punonte në gurore, policia ka vënë në pranga drejtuesin teknik të punimeve Erald Breganaku.

Sipas policise, 34vjeçari  dyshohet se nuk ka marrë masat për zbatimin e rregullave të mbrojtjes në punë, në këtë gurore.

“Në vijim të veprimeve hetimore për zbardhjen e rrethanave të ngjarjes së ndodhur ditën e djeshme, në fshatin Brataj, ku gjatë punës në gurore, humbi jetën pasi dyshohet se gjatë punimeve me skrep u dëmtua nga gurët, shtetasi J. V., 24 vjeç, specialistët për Hetimin e Krimeve të Stacionit të Policisë Selenicë kanë arrestuar shtetasin: E. B., 34 vjeç, banues në Tiranë, me detyrë drejtues teknik i gurores në fshatin Brataj, pasi dyshohet se nuk ka marrë masat për zbatimin e rregullave të mbrojtjes në punë, në këtë gurore.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Shkelja e rregullave të mbrojtje në punë”, njofton policia.

Një ngjarje e rëndë ka ndodhur ditën e sotme në Dhërmi, teksa raportohet se një person ka ndërruar jetë dhe dy të tjerë janë dëmtuar pasi kanë rënë në kontakt me rrymën elektrike.

Mësohet se pronari i një hoteli në Dhërmi së bashku me dy punonjës po punonin për të rregulluar ndriçimin e jashtëm të hotelit, kur ranë në kontakt me rrymën.

Për pasojë ka ndërruar jetë 40-vjeçari në pronësi të të cilit ishte hoteli.

Sakaq, dy punonjësit e dëmtuar do të transportohen për ndihmë mjekësore të specializuar në Tiranë.

Njoftimi i policisë:

Dhërmi/Informacion paraprak

Rreth orës 17:25, në Dhërmi, shtetasit A. M, E. H, dhe K. N, (pronari dhe 2 punonjës të një hoteli), dyshohet se duke punuar me ndriçimin e jashtëm të hotelit, aksidentalisht kanë rënë në kontakt me energjinë elektrike dhe për pasojë janë dëmtuar. Të tre shtetasit janë transportuar për ndihmë mjekësore në spital, ku ndodhen nën kujdesin e mjekëve.

Në vijim të informacionit paraprak të dhënë, për tre shtetasit të cilët ranë në kontakt me energjinë elektrike në ambientet e jashtme të një hoteli në Dhërmi, ju informojmë se shtetasi A. M., rreth 40 vjeç, pronari i hotelit, ka ndërruar jetë për shkak të dëmtimeve, ndërsa dy punonjësit e dëmtuar do të transportohen për ndihmë mjekësore të specializuar në Tiranë.

Lidhja mes Kiarës dhe Luizit shpesh dhuron momente të bukura. Ka edhe grindje e qefmbetje, por kjo është jeta.

Sot Kiara dëgjohet kur thotë: “Vetëm me këtë më zgjojnë mua, ndryshe nuk çohem”, ishin këto fjalët e Kiara Titos pasi në shtëpi u vendos kënga e Luiz Ejllit që ia dedikoi asaj me rastin e Shën Valentinit.

Ky i fundit shkoi duke vrapuar te krevati i saj për ta përqafuar.

Edhe pse Kiara bënte si e vështirë, Luizi dëgjohet teksa i thotë: “Jetë, dashuri”.noa.al