Jeruzalem, 13 qershor 2025 – Forcat e Mbrojtjes së Izraelit (IDF) kanë publikuar një hartë ilustrative që tregon rrezen e veprimit të raketave që zotëron aktualisht Irani, duke e cilësuar vendin si një “kërcënim global” me kapacitet për të goditur shumë vende përtej Lindjes së Mesme.

Sipas hartës së publikuar, rrezja e raketave iraniane shtrihet nga 300 km deri në 2,000 km, duke përfshirë një pjesë të gjerë të Lindjes së Mesme, Azisë Qendrore, territore të Afrikës Veriore dhe Evropës Juglindore. Brenda këtij rreziku bie edhe Shqipëria, së bashku me rajone të Italisë juglindore.

“Irani është një kërcënim global. Izraeli nuk është objektivi përfundimtar – është vetëm fillimi”, shkruhet në postimin zyrtar të IDF që shoqëron hartën, duke nënvizuar rrezikun që paraqet Teherani për stabilitetin rajonal dhe global.

Në të njëjtën deklaratë, ushtria izraelite thekson se ka ndërmarrë sulme ndaj objektivave të lidhura me programin bërthamor iranian, përfshirë edhe impiante të dyshuara në territorin iranian. Këto veprime, sipas IDF, janë të justifikuara për shkak të kërcënimit të menjëhershëm dhe qëllimit strategjik të Iranit për të rritur fuqinë goditëse.

Ky paralajmërim vjen në një moment tensionesh të rritura në rajon dhe shton shqetësimet për sigurinë e vendeve të Evropës Juglindore, të cilat ndodhen brenda rrezes së raketave iraniane.

Numri i të vdekurve nga tërmeti i fuqishëm që goditi Mianmarin një ditë më parë ka kaluar mbi 1 000 viktima, ndërkohë raportohet se të paktën 2376 kanë mbetur të plagosur.

Lajmin e konfirmoi sot udhëheqja ushtarake e vendit për median shtetërore.

Pas kësaj tragjedie BE ka njoftuar se do të japë 2.5 milionë euro ndihmë për Mianmarin.

Kjo ndihmë humanitare do të shërbejë për shpëtimin e jetëve dhe nevojat që kanë njerëzit që u prekën nga kjo katrastrofë natyrore.

“Komisioni i BE, së bashku me partnerët tanë humanitar, po vlerësojnë situatën dhe nevojat në terren, me synimin për të mobilizuar ndihmën e mëtejshme. Me këto fonde, financimi total i BE-së për ndihmën humanitare për Mianmarin rritet “në mbi 35 milionë euro në 2025”, thuhet në shënimin e tyre.

Po ashtu edhe Korea e Jugut do të ofrojë 2 milionë dollarë ndihmë humanitare për Mianmarin përmes organizatave ndërkombëtare si ndihmë fillestare, tha të shtunën ministria e saj e jashtme.

Tërmeti me magnitudë 7,7 ballë Rihter goditi dje Mianmarin qendror, në një thellësi prej 10 kilometrash. Ai u pasua pak minuta më vonë nga një pasgoditje me magnitudë 6,7 ballë. Instituti gjeozizmik italian, tha se goditja kryesore ishte 300 herë më e fuqishme se ajo e Amatrice në vitin 2016.

Ndërkohë Shërbimi Gjeologjik i SHBA-së (USGS) një ditë më parë thanë se vdekjet mund të variojnë nga 1000 deri në 10000.

Marrja e informacionit nga situata në Mianmar ka qenë e vështirë pasi vendi ka qenë në trazira politike që kur një junta ushtarake mori pushtetin në një grusht shteti të vitit 2021.

Miliona njerëz janë zhvendosur nga luftimet e vazhdueshme në vend.