Aktori Jul Deda ka dhënë emrat e 5 finalistëve të këtij edicioni.

I ftuar në emisionin “Shqipëria Live” analizoi lojën e banorëve dhe dinamikat që janë krijuar në shtëpi, duke bërë edhe një listë të atyre që, sipas tij, do të shkojnë në finale.

Pa asnjë mëdyshje, Deda u shpreh se pesë banorët që shikon si finalistë të këtij sezoni janë: Rozana, Laerti, Gjesti, Gerta dhe Danja (ose Loredana), duke lënë jashtë Eglin, Jozin, Aldon dhe Kellyn.

Aktori i njohur, Julian Deda, ka bërë së fundmi një bashkëbisedim virtual me ndjekësit e tij në “Instagram”. Pyetjet kanë qenë të shumta, por sigurisht nuk kanë munguar ato në lidhje me edicionin e katërt të “Big Brother VIP 4”.

“Nuk ka pyetje budallaqe, kështu që pyet pa frikë…”, ka shkruar ish-banori i BBV 3 lart te kutia ku ndjekësit e tij do të bënin pyetjet e tyre.

“Kush e fiton Big-un”, ishte një ndër pyetjet që Juli ka vendosur që t’i përgjigjet.

“Më e mira…”, ka shkruar shkurt moderatori i “Fiks Fare”.

“Deri në këtë pikë të lojës! Sipas mendimit tënd, cilët janë 4 finalistët e BBV 4?”, ka pyetur një tjetër ndjekës.

Juli nuk ka nguruar që të shkruaj katër emrat e banorëve që i mendon në finale:

“Rozana, Gjesti, G-Bani, Laerti”.

Por aktori i njohur ka shkruar bashkëngjitur këtyre emrave: “Gjithmonë nëse s’ka dalje të parakohshme për arsye të tjera”.

Kujtojmë se mbrëmjen e djeshme ka lënë përfundimisht garën G-Bani, pasi iu komunikua se babai i tij është i sëmurë, i shtruar në një spital në Angli.

Ish-banori ka lënë menjëherë shtëpinë më të famshme në Shqipëri dhe është nisur menjëherë për në Angli, për t’iu gjendur pranë familjes së tij.

Përpos banorëve, marrëdhënia e dyshes po komentohet shumë edhe jashtë shtëpisë. Më i fundit që ka reaguar është aktori Jul Deda.

Duke dhënë mendimin e tij për çiftin Egli-Gjesti, përmes një postimi më InstaStory, Juli ka dhënë dy variante:

“1.Gjesti eshte llastuar pak si teper, i ka hipur vetja ne qejf dhe po e trajton Eglin shume keq, duke ja marre per dobesi çdo gje qe ben ajo per te. Me sa kam pare, ajo kerkon te sqarohet, ky i kthen shpinen. Kjo nuk eshte sjellje normale e Gjestit kundrejt personit, me te cilin ai kenaqej duke ndenjur edhe ne krevat.

2. Eshte loje nga Gjesti dhe neser ne prime, ai nxjerr nga xhepi nje unaze dhe i propozon per martese.

Ju e dini, qe une nuk e pelqej Eglin si lojtare, por ne kete rast, mund te them se ajo nuk e meriton kete sjellje, gjithmone nese eshte varianti 1. Nese eshte varianti 2, atehere ndryshon puna” përfundon aktori.

Jul Deda ka bërë një deklaratë tronditëse mbrëmjen e djeshme.

Në llogarinë e tij në Instagram, ai ka lënë të kuptohet se Egli Tako, banore në Big Brother VIP Albania, është nga ato vajza që lëviz nga “një lule” në tjetrën, njëkohësisht duke e quajtur dhe materialiste.

“Larg qoftë me i shku Eglit një dron bashkë me Xumin, e la direkt Gjestin“, shkruan ai në InstaStory.

Ndërkohë, Xumi dhe Egli janë në një nominim kokë më kokë, dhe një prej tyre do të lërë shtëpinë primen e ardhshëm.

Sezoni i ri në ekranin më të dashur të shqiptarëve nis plot surpriza dhe të papritura.

Moderimi i emisionin investigativ “Fiks Fare” këtë sezon i është besuar dy figurave shumë të dashura të publikut shqiptar, Julian Deda dhe Xhemi Shehu.

Julian Deda, finalist i Big Brother VIP 3 rikthehet pas disa vitesh në ekranin që e bëri të famshëm përmes spektaklit më të madh të humorit në Shqipëri “Portokalli”.

Ai u kthye në një prej aktorëve më të dashur të shqiptarëve me grupin “The SHBLSH”, ndërsa batutat e tyre nuk mungonin bisedave të tavolinave. Gjatë edicionit të tretë të Big Brother VIP, patëm mundësi të shihnim të gjithë dritëhijet e aktorit gjatë më shumë se 4 muajve. Juli arriti t’i shkonte deri në fund rrugëtimit të tij plot emocione, duke u renditur i dyti.

Krah Julian Dedës do të jetë Xhemi Shehu, e cila rikthehet pas shumë vitesh në emisionin ku nisi karrierën e saj disa vjeçare në televizion.

Moderatorja ka qenë një ndër velinat e para të ‘Fiks Fare’. Ajo e nisi karrierën e saj në televizionin më të madh shqiptar në vitin 2003, për të vazhduar më pas si moderatore në emisionin “E diell” dhe spektaklin e humorit “Portokalli”. Pas një pushimi disa vjeçar në televizion, ajo u rikthye sërish në Portokalli në rolin e moderatores, ndërsa këtë sezon do ta shohim në një pozicion krejt tjetër nga sa jemi mësuar.

Investigime për t’u ardhur në ndihmë qytetarëve shqiptarë dhe për të çuar deri në fund të drejtën, ky sezon i “Fiks Fare” do të jetë tejet i ngjeshur./TCH

Gjatë edicionit të tretë të “Big Brother VIP” u krijuan disa lidhje dashurie, por edhe marrëdhënie shoqërore mjaft të bukura. Publiku ishte shumë kurioz të dinte se çfarë do të ndodhë me këto romanca apo shoqëri pas përfundimit të reality show-t, pasi ishin skeptik me disa prej banorëve.

Pas daljes nga shtëpia më e famshme në Shqipëri, çiftet e krijuara brenda vazhdojnë që të jenë bashkë. Heidi Baci – Romeo Veshaj, Sara Gjordeni – Bardhi Idrizi dhe Ilnisa Agolli – Meriton Mjekiqi, herë pas here postojnë foto në rrjetet e tyre sociale, duke treguar se janë shumë të dashuruar.

“Në një ishull me Eglën apo Romeon?”/ Jul Deda e thotë troç: Patjetër që me…

E njëjta gjë ndodh edhe me shoqëritë e krijuara në BBV3. Julian Deda është takuar shpesh me Erjola Doçin dhe Ledjona Xheladinajn, ku nuk kanë munguar as postimet në “Instagram”.

I ftuar në emisionin “Pushime on Top”, në Top Channel, aktori i dashur për publikun ka thënë se si Erjolën ashtu edhe Ledjonën i ‘ka mikesha të vërteta’.

Por e pyetur nga Lei Kraja se nëse do ishte në një ishull kë do dëshironte, ish-finalisti tha emrin e Erjolës pasi gatuan.

Për kë bëhet fjalë? Jul Deda zbulon kë dëshiron të shikojë në BBV: Edhe pse nuk jemi miq…

Pjesë nga intervista:

Lei: Mikeshë të vërtetë Erjolën apo Ledjonën?

Juli: Të dyja

Lei: Nëse do ishe në një ishull?

Juli: Po ç’na latë vetëm në një ishull tani. Më mirë me Erjolën se të paktën gatuan. Edhe Ledjona gatuan, po kjo gatuan më mirë

 Juli ishte mëngjesin e sotëm i ftuar në studion e “Wake Up” për të folur më shumë për eksperiencën e tij në Big Brother dhe jo vetëm.

Ke pasur mjaft komente pozitive dhe njerëz që të kanë mbështetur. Çfarë mund të thuash për këtë?

“Popullariteti si sasi nuk më bëri shumë përshtypje sepse atë e kam pasur, por këndvështrimi ndryshe po. Ajo që më gëzon është që në 20 vjet më kanë njohur 2 orë gjatë ‘prime time’ në spektakle humori, kurse tani më kanë parë në 4 muaj. U bëra shumë i njohur në këtë prizmin tjetër.”

A do të doje të riktheheshe në ekranin e Top Channel?

“Top Channel është shtëpia ime e parë mediatike, dashuria ime e parë. Një logo e madhe, një televizon ku energjia prevalon mbi çdo gjë. Dikur nuk mendonin sa do merrnim, donim vetëm të dilnim në ekran të bënim atë që donim. Ajo ka qenë kohë vizionare. Edhe humori në vetvete është kthyer në ‘fast food’, janë bërë shumë. Të gjitha emisionet e humurit që lindën më pas, dolën nga “Portokallia”. Dua të merrem me televizionin dhe dua të jem pjesë e ekranit.”

Brenda shtëpisë the se nëse do të fitoje do të bëje një fëmijë të tretë. Po tani?

“Thashë nëse do të fitoja, jo nëse jam fitues i publikut (qesh). Nuk është me plan kjo punë. Fëmija nuk është një njeri i ri që vjen në familje, ka vendin e vet. Si të jetë e shkruar, ne po punojmë (qesh).”

Finalja e emisionit më të përfolur shqiptar momentalisht, “Big Brother VIP 3” dhe rrugëtimit të pesë finalistëve u mbajt me 25 Maj.

Një reality-show i mbushur me lot, surpriza, dashuri, arritje, çmenduri, por mbi të gjitha transparencë. Edicionin e tretë të “Big Brother Vip”  fituese u shpall Egla Ceno.

Disa nga ish-banorët e edicionit të tretë të “Big Brother VIP” ishin mbledhur mbrëmë për të festuar ditëlindjen e Roza Latit. Ledjona ka postuar në “Instastory” një video ku fillimisht ka kapur Julin dhe Erjolën teksa shohin në telefon, e mesa duket po lexonin lajmet që qarkullojnë në rrjet në lidhje me Françeskën. A është në të vërtetë Françeska në pritje të ëmbël? Këtë pyetje e bëri edhe Juli mbrëmë në darkën e organizuar nga Roza, ku Françeska iu përgjigj duke pirë verë.

Juli: O Franç a je shtatzënë apo jo?

Françeska: Nuk jam.

Brenda shtëpisë më të famshme në Shqipëri, Julian Deda krijoi miqësi me disa nga vajzat konkurrente. Më afër qëndrroi me Ledjona Xheladinajn dhe Erjola Doçin.

Po si është raporti i tyre tani që edicioni i tretë i “Big Brother VIP” ka përfunduar?

Teksa ndodhej në shtëpinë e BBV, por edhe në intervistat që ka dhënë pas daljes, aktori i dashur për publikun është shprehur se do mundohet që të mbajë kontakt me të gjithë ish-banorët që ndau rrugëtimin e tij në reality show.

E në fakt duket se po e mban fjalën që ka dhënë. Ditën e sotme ka zbuluar përmes postimeve në rrjetet sociale se fillimisht është takuar me Erjolën dhe më pas atyre u është bashkuar edhe Ledjona.

Madje kjo e fundit postoi pak më parë disa video ku thoshte me shaka se ka marrë vesh se dikush po e tradhtonte. E më pas postoi imazhe të tjera ku zbulonte se ishte bashkuar me Julin dhe Erjolën.

Nga ana tjetër, Deda ka ndarë me mijëra ndjekësit e tij një foto në “Instagram” me dy vajzat dhe me humor shkruan bashkëngjitur me të:

I ftuar në “Shqipëria Live” ka qenë një prej finalistëve të edicionit të tretë të “BBV3”, Julian Deda. Ai ka folur lidhur me eksperiencën e tij brenda shtëpisë së “BBV” dhe ka rrëfyer pak nga jeta e tij pas përfundimit të formatit.

Rikujtojmë që Juli, shkoi në podin final kokë më kokë me aktoren Egla Ceno, ku kjo e fundit u shpall fituese e “BBV3”. Sakaq, në intervistën e zhvilluar ditën e sotme, ai ka folur lidhur me marrëdhënien e tij dhe të Eglës.

“Eglën e njihja si emër dhe ajo mua përveç atij skeçit, unë e njihja kur kam qenë në shkollë të lartë dhe një takim te ai skeçi dhe kaq. Marrëdhënia brenda shtëpisë ishte një marrëdhënie mes dy aktorëve, dy kolegëve që ndajnë një tort të përbashkët profesionale, të mbash qëndrim në ‘BBV” është fjalë e huaj për çfarë do mbash. Me Eglën ka qenë një marrëdhënie dashuri-urrejte, kur ishte mirë me mua ishte mirë me shtëpinë, kur zihej me mua zihej me gjithë shtëpinë, ajo mund të mos e pranoj po kisha ndikim te Egla.”- ka thënë Juli.