Një automjet u përfshi nga flakët pasditen e së martës, rreth orës 17:00, në aksin rrugor Gjirokastër-Kakavijë.

Policia e Gjirokastrës njofton se automjeti tip BMw mori flakë në lëvizje e sipër dhe është djegur pjesërisht.

Automjeti drejtohej nga shtetasi N. G., 31 vjeç, banues në Fier dhe si pasojë ka vetëm dëme materiale.

Paraprakisht dyshohet se zjarri mund të jetë shkaktuar si pasojë e një shkëndije elektrike.

Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit

Një aksident rrugor ka ndodhur mbrëmjen e sotme në aksin “Gjirokastër-Kakavijë”, në afërsi të fshatit Goranxi.

Rreth orës 20:35, automjeti me drejtues shtetasin A. K., 49 vjeç, banues në Gjirokastër, është përplasur me një motomjet që drejtohej nga shtetasi A. V., 63 vjeç, banues në fshatin Bulo, Libohovë.

Si pasojë e aksidentit, drejtuesi i motomjetit ka mbetur i plagosur dhe ndodhet në Spitalin Rajonal Gjirokastër, nën kujdesin e mjekëve.

Ndërkohë, drejtuesi i automjetit është shoqëruar në komisariat për veprime të mëtejshme procedurale.

Grupi hetimor ndodhet në vendngjarje dhe po punon për zbardhjen e shkaqeve të aksidentit

Rreth 25 mijë emigrantë janë rikthyer në Greqi në këto ditë të para të 2025. Ndërsa kanë kaluar festat e fundvitit në vendlindje bashkatdhetarët tanë vazhdojnë kthimin në shtetin grek ku jetojnë dhe punojnë.

Fluksi më i lartë i lëvizjes në kufi është regjistruar gjatë fundjavës.

Kemi gjysmë ore që presim këtu në Kakavijë”, thotë një burrë

“Erdha nga Greqia, kalova festat shumë mirë dhe tani po rikthehem prapë në shtetin grek”, shprehet një tjetër.

Për shkak të numrit të lartë të udhëtarëve dhe automjeteve që lëvizin për në shtetin fqinjë në tokën greke janë regjistruar radhë pritje.

Policia Kufitare në Kakavije punon me ritme të përshpejtuara për përpunimin në një kohë të shkurtër të dokumenteve të personave dhe mjeteve që udhëtojnë në drejtim të Greqisë.

Një 19-vjeçar pakistanez ka përfunduar në prangat e policisë së Gjirokastrës.

Blutë njoftojnë se i riu transportonte me automjet, drejt Kakavijës, 5 emigrantë nga vendet e treta, që synonin të kalonin ilegalisht kufirin me Greqinë.

19-vjeçari Asad Ali  do të përballet me akuzën për veprën penale “Ndihma për kalim të paligjshëm të kufijve”.

Njoftimi: 

Finalizohet nga Seksioni për Hetimin e Trafiqeve të Paligjshme, në bashkëpunim me Sektorin e Policisë Rrugore, Sektorin Operacional dhe me Prokurorinë e Gjirokastrës, operacioni i koduar “Turn 1”, për goditjen e një rasti të dhënies ndihmë për kalim të paligjshëm të kufirit.

Transportonte me automjet, drejt Kakavijës, 5 emigrantë nga vendet e treta, që synonin të kalonin ilegalisht kufirin me Greqinë, kapet dhe vihet në pranga 19-vjeçari, shtetas pakistanez.

Gjatë operacionit, shërbimet e Policisë, në aksin rrugor “Tepelenë-Memaliaj”, i kanë bërë shenjë ndalimi një automjeti me të cilin dyshohej se po transportoheshin emigrantë. Drejtuesi i automjetit nuk i është bindur shenjës për ndalim por ka vijuar lëvizjen me shpejtësi për disa minuta dhe më pas ka braktisur automjetin.

Nga veprimet e shpejta hetimore u identifikua dhe u vu në pranga drejtuesi i automjetit, shtetasi pakistanez A. A., 19 vjeç, banues në Pakistan.

Automjeti me të cilin transportoheshin emigrantët u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Ndihma për kalim të paligjshëm të kufijve”.

KAKAVIJË- Një 28-vjeçar i shpallur në kërkim pasi ishte dënuar me 3.6 vjet burg për “plagosje të rëndë me dashje”, është arrestuar në pikën kufitare të Kakavijës. Në pranga është vënë Enea Arapi, i cili më datë 15.03.2018 gjatë një konflikti të çastit ka goditur me kaçavidë një person.

“Si rezultat i verifikimit të shtetasve në hyrje/dalje dhe shkëmbimit të informacioneve me DVP Korçë, Policia Kufitare në hyrje të RSH-së, kapi shtetasin e shpallur në kërkim: Enea Arapi, 28 vjeç, banues në fshatin Rrëmbec, Maliq. Gjykata e Korçës e ka dënuar këtë shtetas, me 3 vjet e 6 muaj burgim, për veprën penale “Plagosja e rëndë me dashje”, njofton policia.

Veprimet e tjera procedurale për këtë shtetas do të kryhen nga DVP Korçë.

Sekuestrohen 47 150 euro, 800 dollarë amerikan, 90 paund, 50 dollarë kanadez dhe 210 franga zvicerane në Kakavijë.

Procedohet penalisht 45-vjeçari që posedonte paratë dhe nuk i deklaroi ato, në dalje të RSh-së.

‘Si rezultat i angazhimit maksimal të shërbimeve të Policisë Kufitare të PKK Kakavije, për parandalimin dhe goditjen e krimeve kufitare, krahas punës për ofrimin e një shërbimi cilësor dhe etik, qytetarëve në hyrje/dalje, është goditur një tjetër rast i mosdeklarimit të të hollave.

Në dalje të vendit, u kalua për kontroll në vijë të dytë, shtetasi E. K., të cilit iu gjetën në çantë, 47 150 euro, 800 dollarë amerikan, 90 paund, 50 dollarë kanadez dhe 210 franga zvicerane, të padeklaruara konform ligjit në fuqi.

Në vijim të veprimeve procedurale për këtë rast, specialistët për Hetimin e Krimeve të Drejtorisë Vendore të Kufirit dhe Migracionit Gjirokastër referuan materialet në Prokurori ku nisi procedimi në gjendje të lirë për shtetasin E. K., 45 vjeç, banues në Tiranë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme’, informon policia.

Mbi 11 mijë euro janë sekuestruar në pikën kufitare të Kakaijës, ndërsa poseduesit i tyre, shtetasi J. Ç., 53 vjeç, është vënë nën hetim.

Policia bën me dije se në bazë të analizës të riskut, në dalje të vendit, 53-vjeçari u kalua për kontroll në vijë të dytë dhe paratë e padeklaruara iu gjetën në çantë.

Njoftimi i policisë:

PKK Kakavijë/Kontrollet e detajuara nga shërbimet e Policisë Kufitare, godasin 1 rast të mosdeklarimit të të hollave.

Sekuestrohen 11 110 euro, procedohet penalisht 53-vjeçari që i posedonte dhe nuk i deklaroi në dalje të RSh-së.