Një helikopter doli jashtë kontrollit dhe u përplas mbi një hotel luksoz buzë plazhit të shtunën.

Sipas raporteve fillestare, helikopteri pësoi një “dështim të rotorit të bishtit” përpara se të binte nga qielli dhe të përplasej në hotelin Hyatt Regency, duke shtypur disa palma jashtë.

Policia e Huntington Beach tha se dy personat në helikopter u nxorën shëndoshë e mirë nga rrënojat, megjithëse gjendja e tyre mbetet e panjohur.

Tre kalimtarë në rrugë u plagosën gjithashtu, sipas autoriteteve. Të pesë individët u transportuan në një spital aty pranë për trajtim, raportoi ABC7.

Një helikopter mjekësor është rrëzuar natën e kaluar në një zonë të ngarkuar të 50th Avenue në Sacramento të Kalifornisë, duke plagosur tre persona, njofton operatori i shërbimit ajror mjekësor.

Në këtë bord, fatmirësisht nuk kishte pacientë në momentin e aksidentit.

Ndërkaq, mbi këtë rast Kryebashkiaku i Sacramentos, Kevin McCarthy ka reaguar përmes një postimi në X, duke thënë se helikopteri është rrëzuar pran 59th street, në anën lindore të qytetit.

Një tërmet me magnitudë 5.2 tronditi Kaliforninë Jugore të hënën në mëngjes, duke lëkundur dritat dhe duke tundur gotat nga raftet, por zyrtarët nuk raportuan për të lënduar apo dëme të mëdha.

Tërmeti ishte i përqendruar në kontenë San Diego pranë qytetit malor të Julian, i cili njihet për dyqanet e tij të byrekut me mollë, u ndje në veri dhe  deri në qarkun Orange.

Një zjarrfikës i kontesë së San Diegos, i cili iu përgjigj telefonit në Julian, tha se nuk kishte raportime për dëme dhe asnjë thirrje për shërbim pas asaj që ishte një “dridhje e mirë”.

Policia e qarkut dhe departamentet e sherifit thanë gjithashtu se nuk kishin marrë raporte të menjëhershme për dëme apo lëndime. Nxënësit e shkollës u shoqëruan jashtë ndërtesave si një masë paraprake kur toka filloi të lëvizte, tha kapiteni Thomas Shoots i Departamentit të Pyjeve dhe Mbrojtjes nga Zjarri.

Rreth 31,000 persona janë nën një urdhër evakuimi të detyrueshëm dhe 23,000 të tjerë janë paralajmëruar se mund t’u duhet të largohen nga shtëpitë e tyre, pas një zjarri që u aktivizua në Kaliforni.

Zjarri, i quajtur Zjarri Hughes, filloi gjatë orëve të para të mëngjesit të sotëm pranë liqenit Castaic, rreth 40 milje nga zjarret Eaton dhe Palisades që shkatërruan pjesë të Los Angelosit në fillim të këtij muaji.

Brenda pak orësh, Departamenti i Pyjeve dhe Mbrojtjes nga Zjarri në Kaliforni (Cal Fire) tha se zjarri ka djegur 9,400 hektarë, ndërsa sqaruan flakët kanë dalë jashtë kontrollit.

“Situata mbetet dinamike dhe zjarri mbetet një zjarr i vështirë për t’u frenuar”, tha shefi i zjarrfikësve të kontesë së Los Anxhelosit Anthony Marrone.

Më shumë se 130 tani është konfirmuar se janë shkatërruar nga zjarret e egra në periferi të Los Anxhelesit, teksa zjarrfikësit po vazhdojnë të punojnë për të shuar zjarret.

Erërat e fuqishme që goditën këtë zonë gjatë kësaj jave nxitën shpërthimin e zjarrit në një mal pranë Kamarillos, zjarr që u përhap me shpejtësi në një sipërfaqe prej mbi 8.000 hektarësh.

Mijëra persona në zonat ku kanë shpërthyer zjarret janë detyruar që të evakuohen, disa madje kanë thënë se kanë pasur vetëm disa minuta kohë që të merrnin gjërat më esenciale, pasi zjarri me shpejtësi arriti pranë shtëpive të tyre.

Autoritetet thanë se sipas inspektimeve fillestare, të paktën 132 shtëpi janë shkatërruar dhe 88 të tjera janë dëmtuar.

Zjarri shpërtheu mëngjesin e së mërkurës dhe u përhap me shpejtësi, pasi erërat arritën deri në 130 kilometra në orë.

Por, shpejtësia e erërave ra të premten dhe meteorologët thanë se nuk presin që të ketë erëra të fuqishme, të paktën për disa ditë.

Ky lajm ishte i mirë për zjarrfikësit, të cilët po punonin pa ndalë për të shuar vatrat e zjarrit.

Megjithatë, vetëm 7 për qind e zjarreve është vënë nën kontroll dhe një zonë me rreth 30.000 shtëpi tani është jashtë rrezikut.

Guvernatori i Kalifornisë, Gavin newsom, ka vizituar zonat e prekura të enjten dhe ka shpallur gjendje të jashtëzakonshme.

Më shumë se 2.500 pjesëtarë të ekipeve të zjarrfikësve janë angazhuar në luftimin e zjarrit.

Po ashtu, edhe avionët janë angazhuar për shuarjen e vatrave të zjarrit./ REL