Tan Brahimi është personazhi i radhës që ka rënë “pre” e kamerës së fshehtë të “Piranjave”. Shkodrani, i cili armën më të fortë ka batutën u bë pjesë e një konflikti, me protagonist një mashtrues nga qyteti i tij i lindjes. Mashtruesi po nxjerr fitime nëpër lokalet e Shkodrës, duke përdorur famën e aktorit të humorit. Më saktë këtë skenar beson 35 vjeçari, i bindur edhe nga miqtë e tij më të ngushtë, të cilat janë pjesë e shakasë.

Me të kaluar shokun e parë nga kjo histori e rëndomtë mashtrimi, që po ndodh në kurriz të tij, Brahimi kërkon të gjejë menjëherë me personin, që ka keqpërdorur emrin, duke u hequr si kushëriri i tij i parë. I vendosur për ta çuar kundërshtarin e tij në banesën e fundit, Tan Brahimi nisen drejt lokalit ku ndodhet mashtruesi.

Takimi nis qetë, me përshëndetje qytetare nga të dyja palët. Por kjo zgjat pak sekonda, derisa Tani e kërcënon mashtruesin, në stilin e tij, me disa batuta. Në debatin e nxehtë të dyshes, me batuta dhe kundër batuta ndërhyjnë edhe dy personat e tjerë në tavolinë. Në këto çaste, mashtruesi me mbiemrin Brahimi tenton ta zbusë konfliktin me të afërmin e tij imagjinar, duke i numëruar disa argumente, që e shtynë të fitonte para me emrin e tij.

Ai shkon dhe më tej dhe i propozon aktorit, që t’i ndajnë më dysh fitimet e grumbulluara nëpër lokalet e Shkodrës. Madje kërkon dhe bekimin e këtij fundit, për të vijuar mashtrimet. Kjo gjë ia sos durimin Tan Brahimit, i cili i kërkon mashtruesit “që të sqarohen” jashtë lokalit. Ky është momenti që mëson se e gjitha historia e mashtrimit është një shaka miqësore e “Piranjave”.

Kiara Tito një nga personazhet më të përfolur të BBV. Moderatorja bukuroshe, e cila me marrëdhënien e saj me Luizin u kthye në telenovelën e preferuar të shqiptarëve është bërë protagoniste e një tjetër shakaje, me ngjarje në seri.

Kiara Titos i është bërë një kamera e fshehtë. Në lojë përveç miqve të saj është futur dhe Andi, aktori i “Piranjave” dhe të gjithë së bashku mundohen t’ia shndërrojnë në ferr, fundjavën e planifikuar në Durrës.

Sapo moderatorja relaksohet në shezllonet e plazhit, në lojë hyn Andi, një fans i çmendur i saj, i cili fillimisht i kërkon të bëjnë disa foto dhe më pas vjen dhe i sjell trëndafila. Por momenti epik është kur ai sjell disa shishe me ujë për idhullin e tij.

E habitur nga dashuria e madhe e fansit, Kiara niset për të shijuar drekën në restorant. Aty e pret Andi, por këtë herë ai s’po e përndjek, por po punon si kamarier.

Sikur të mos mjaftonte fansi i fiksuar pas saj, Titon e presin pjata “speciale”, të përgatitura sipas menusë së “Piranjave”.

Dozën e shakasë e shton edhe “mamaja” e Andit, e cila sapo sheh moderatoren simpatike, i thotë menjëherë të birit se këtë do nuse për shtëpi, jo atë që ka marrë.

Surpriza e fundit për Kiarën dhe miqtë e saj ishte fatura e kripur e ushqimit, me shumë kripë.

• LEXO TË RADHË
• “Kevin Jacobs viziton Shqipërinë?”, banorët sfidohen për të qëlluar të vërtetën, Luizi bën sikur nuk e njeh, reagon kanadezi
• Urimi therës i Bledi Manes për 1 Prill: Gëzuar ditëlindjen Olta dhe Luiz,…
• (Video) Pas largimit të Kiarës, Olta tallet me Luizin: Ty të ngec në…