Nje person eshte gjetur i vrare mbremjen e sotme ndersa policia thote se eshte qelluar me mjet preres.

Kamëz/Informacion paraprak

Rreth orës 20:10, në Babrru, është konstatuar pa shenja jete një shtetas ende i paidentifikuar, rreth 50 vjeç.

Nga këqyrja paraprake, viktima ka një plagë të shkaktuar me mjet prerës, e cila dyshohet të ketë qenë shkaku i humbjes së jetës.

Grupi hetimor ndodhet në vendngjarje dhe po punon për identifikimin e viktimës, kapjen e autorit si dhe sqarimin e rrethanave dhe dokumentimin e plotë të rastit.

Më datë 18.11.2023, rreth orës 04:25, në rrugën “Donald Trump”, në ambientet e jashtme të një lokali të marrë me qira nga shtetasi O. M., 24 vjeç, dyshohet se ka shpërthyer lëndë plasëse.about:blank

Si pasojë është dëmtuar fasada e jashtme e lokalit dhe janë thyer disa xhama. Nuk ka persona të dëmtuar.

Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.

Është zbardhur dëshmia e 18-vjeçarit Armir Hasaj, i cili tentoi të vriste me armë një 16-vjeçar në Kamëz dy ditë më parë.

Sipas informacioneve, ai ka deklaruar në polici se ngjarja ka ndodhur pasi adoleshenti i kishte ngacmuar të dashurën.

Po ashtu mësohet se ai ka thënë se me 16-vjeçarin njiheshin prej kohësh dhe janë rritur në të njëjtën lagje.

Fillimisht, sipas tij, janë konfliktuar me njëri-tjetrin, pasi kishin lënë që të takoheshin për t’u sqaruar, por debati mes tyre ka degraduar dhe në gjaknxehtësi e sipër ka hapur bagazhin e makinës, ku mbante një armë kallashnikov dhe ka qëlluar vetëm një herë në drejtim të të miturit duke e plagosur.

Hetuesit po punojnë për të zbuluar se ku i riu ka arritur të siguroj armën e krimit, të cilën e mbante në makinë.

Autori u arrestua së bashku me një 19-vjeçar si bashkëpunëtor.