Dy shqiptarë janë kapur nga policia italiane teksa po trafikonin një ngarkesë me 23 kilogramë kokainë të pastër. Të arrestuarit janë një çift të rinjsh, 38 dhe 25 vjeç. Operacioni u krye tre ditë më parë në zonën e Firences.

Pas një aktiviteti informativo-hetimor, agjentët e pozicionuar jashtë shtëpisë së 38-vjeçarit, që ndodhet në “Via Zani”, në Greve in Chianti, ishin në gjendje ta vëzhgonin pasi kishte parkuar makinën e tij.

Ai bënte lëvizje të dyshimta, teksa pas disa minutash doli nga apartamenti me një çantë në dorë, që e vendosi në pjesën ndarëse të pasagjerit të mjetit, që ishte parkuar para shtëpisë.

Në këto momente agjentët ndërhynë për të kryer kontrollet e nevojshme, duke konstatuar se brenda çantës kishte gjashtë blloqe në formën drejtkëndëshit, të mbështjella me plastikë blu dhe me shkrimin ‘357’ që dyshohet se është kodi sekret që i përket grupit porositës ku do dorëzohej apo i përkiste malli. Nga analizat rezultoi se ishte lëndë narkotike kokaine e cilësisë së lartë.

Në të njëjtën kohë, gruaja 25-vjeçare mbërriti në vendngjarje dhe me të parë oficerët, përshpejtoi në përpjekje për t’i shpëtuar kontrollit. Ajo u ndoq dhe u ndalua pak më vonë.

Duke i zgjeruar kontrollet në shtëpinë e tij, oficerët gjetën blloqe të tjera të substancës, me të njëjtat karakteristika si ato të gjetura në makinë, brenda një qeseje të fshehur në një dollap. Brenda një kasaforte të fshehur pas një pikture, u gjet një shumë parash të barabarta me 11450 euro, informon media italiane.

Nga peshimi rezultoi se bëhej fjalë për një ngarkesë me afërsisht 23 kg, e ndarë në 20 pako. Dy të arrestuarit u dërguan në Sollicciano, në pritje të vlefshmërisë së masës paraprake.

Dy shqiptarë dhe një italian janë arrestuar nga karabinierët në Pesaro, nën akuzën e trafikimit të lëndëve narkotike.

Shqiptartë e ndaluar janë të moshës 25 vjeç dhe kishin udhëtuar drejt Italisë si turistë. Gjatë kontrollit atyre iu gjetën edhe 102 gramë kokainë.

Droga u gjet e fshehur në derën e shoferit të mjetit me të cilin po qarkullonin. Vlera e drogës nëse do të shitej e gjitha në doza, shkon në 10 mijë euro.

Oficerët më pas kontrolluan edhe dhomën e hotelit ku të rinjtë po qëndronin, një “B&B” (Bed and Breakfast/ Shtrat dhe mëngjes). Përveç lëndës narkoike, u sekuestruan edhe 2100 euro cash.

Në komodinë kishte edhe një dozë tjetër kokaine dhe mbi 3 gramë hashash. Të rinjtë u izoluan në qelitë e burgut në Villa Fastiggi. Të dy u urdhëruan nga gjykata që pas mbarimit të procesit, të largohen nga Piza dhe Emilia Romagna, raporton media italiane.

Gjithashtu u ndalua gjatë aksionit edhe një shtetas italian, 53-vjeçar i njohur si përsëritës i veprave penale në fushën e drogës, që aktualisht punonte si barist në lokal. Ai u kap teksa i shiste dozën e radhës një narkomani, teksa edhe më parë, në muajin tetor të vitit të kaluar, ishte kapur me 100 gramë marihuanë. Italianit iu gjetën edhe sasi të tjera droge, deri edhe lëndë psikotrope halucinogjene.

Teksa finalja e madhe po afrohet, marrëdhënia mes Eglit dhe Gjestit po tërheq gjithnjë e më shumë vëmendje.

Dyshja janë parë tepër të afërt gjatë ditëve të fundit, duke lënë përshtypjen se lidhja e tyre po bëhet më e fortë nga dita në ditë. Sot, ata kanë shkëmbyer përqafime të përzemërta, një moment që ka ngjallur reagime pozitive dhe emocione të shumta tek publiku.

Gjestet e ndërsjella të afërsisë po interpretohen si shenjë e një afrimi emocional, ndërsa spekulimet për një lidhje më shumë se miqësore mes tyre po shtohen gjithnjë e më tepër

Me gjithë ndryshimet që mund të ketë sjellë dinamika e lojës, ajo që bie në sy është një kimi e natyrshme dhe e ndjerë mes tyre, që po vërehet qartë.

Pas një hetimi që zgjati 18 muaj, autoritetet franceze kanë realizuar një ndërhyrje të madhe antidrogë duke sekuestruar 800 kilogramë kokainë gjatë natës mes 3 dhe 4 prillit.

Droga u gjet e fshehur në një anijeje mallrash me flamur liberian, që kishte nisur udhëtimin nga Brazili dhe kishte si destinacion Amsterdamin, në Holandë.

Operacioni u zhvillua në ujërat pranë Dunkerque (në veri të Francës), në momentin kur ekuipazhi po transferonte kokainën nga anija e madhe në një barkë peshkimi. Plani ishte që droga të transportohej fshehurazi deri në portin e vogël të Ouistreham, në Calvados.

Gjithë ekuipazhi i anijes – 22 marinarë nga Filipinet – janë ndaluar dhe ndodhen në paraburgim. Ndërkohë, tetë bashkëpunëtorë të tjerë, përfshirë tre peshkatarë, janë arrestuar në qytetet Le Havre, Ouistreham dhe Tancarville.

Dy shqiptarë janë arrestuar të Itali, pasi janë kapur nga autoritetet duke transportuar një sasi prej 20 kg drogë, e cila kapte vlerën e 6 milionë eurove.

Dy shqiptarët të moshës 36 dhe 25 vjeç, po lëviznin me dy makina në momentin kur u ndaluar nga Policia, në kryqëzimin Terni Ovest.

Në njërën nga makinat policia gjeti 4 pako me drogë, ndërsa në tjetrën 16 pako.

Lënda narkotike ishte fshehur në dyshemenë e rreme të bagazhit.

TIRANË- Dy persona janë arrestuar ditën e sotme nga policia e Tiranës. Mësohet se 34-vjeçari me iniciale E.G dhe 38-vjeçari me inciale O.L janë vënë në pranga për vjedhje të banesave dhe të marketeve. Policia bën të ditur se dy të arrestuarit studionin vendet dhe banesat që vidhnin dhe vepronin në orët e vona të natës, duke hyrë nga dritarja apo çatia e banesave. Po ashtu në cilësinë e provës materiale janë sekuestruar një shumë parash prej 1600 euro, të cilat kanë rezultuar të vjedhura në banesat e lartpërmendura.

Njoftimi i Policsë:

Finalizohet nga Komisariatet e Policisë Nr. 4 dhe Nr. 1 operacioni policor i koduar “Shadow Hunt”. Në kuadër të operacionit vihen në pranga 2 shtetas, për vjedhje të banesave dhe të marketeve. Zbardhen dhe dokumentohen 6 raste të vjedhjeve, që dyshohet se janë kryer nga këta shtetas. Shërbimet e Komisariatit të Policisë Nr. 4 në bashkëpunim me Komisariatin e Policisë Nr. 1, në vijim të punës për parandalimin, evidentimin dhe zbardhjen e rasteve të vjedhjeve të pronës dhe vënien para përgjegjësisë ligjore të autorëve, si dhe në bazë të provave të grumbulluara, organizuan dhe finalizuan operacioni policor të koduar “Shadow Hunt”, në kuadër të cilit u bë arrestimi në flagrancë i shtetasve :

E. G., 34 vjeç, banues në Bulqizë dhe O. L., 38 vjeç, banues në Tiranë. Nga tërësia e veprimeve hetimore të kryera ka rezultuar se këta shtetas janë autor i vjedhjeve në disa banesa, konkretisht:

– Më datë 29.12.2024 kanë vjedhur një shumë parash në banesën e shtetasit M. N. – Më datë 12.01.2025 kanë vjedhur një shumë parash në banesën e shtetasit H. M. – Më datë 22.01.2025 kanë vjedhur artikuj të ndryshme në marketin e shtetases M. K. – Më datë 24.01.2025 kanë vjedhur disa sende me vlerë në banesën e shtetasit O. P. – Më datë 27.01.2025 kanë vjedhur një shumë parash në banesën e shtetases L. H. – Më datë 02.02.2025 kanë vjedhur shumën prej 7000 euro në farmacinë e shtetasit D. J.

Shtetasit e mësipërm studionin vendet dhe banesat që vidhnin dhe vepronin në orët e vona të natës, duke hyrë nga dritarja apo çatia e banesave. Në cilësinë e provës materiale janë sekuestruar një shumë parash prej 1600 euro, të cilat kanë rezultuar të vjedhura në banesat e lartpërmendura. Vijon puna për dokumentimin e vjedhjeve të tjera të ndodhura në qarkun e Tiranës, në të cilat mund të jenë të implikuar këta shtetas. Materialet i kaluan Prokurorisë, për veprime të mëtejshme.

Korçë/Finalizohet nga Sektori për Hetimin e Narkotikëve i DVP Korçë, në bashkëpunim me DVKM Korçë, operacioni i koduar “Shufrat”, për goditjen e një rasti të tentativës për trafikim të lëndëve narkotike.

Gjatë operacionit u sekuestruan 56 kilogramë lëndë narkotike cannabis sativa, kamioni ku ishte fshehur lënda narkotike dhe 1300 euro.

Në kuadër të operacionit u arrestuan shtetasit: D. H., 68 vjeç dhe A. H., 35 vjeç, banues në Tiranë (babë e bir).

Në PKK Kapështicë, në dalje të RSh-së, shërbimet e Policisë, bazuar në inteligjencën policore, kanë kaluar për kontroll në vijën e dytë, automjetin kamion me drejtues shtetasin A. H dhe pasagjer shtetasin D. H. Gjatë kontrollit, në pjesën e tavanit të rimorkios së kamionit u konstatuan të montuara 44 shufra metalike, në të cilat ishin fshehur sasi lënde narkotike cannabis sativa, me peshë totale 56 kilogramë.

Në vijim të veprimeve procedurale u shpall në kërkim shtetasi F. K., 38 vjeç, banues në Tiranë, pasi dyshohet si posedues i lëndës narkotike dhe bashkëpunëtor në trafikimin e saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Gjykata penale e Leuven në Belgjikë ka dënuar 9 anëtarë të një bande me origjinë shqiptare me dënime deri në 5 vjet burg. Mësohet se organizata kriminale operonte në nëntë plantacione kanabisi.

Po ashtu gjykata shpalli të konfiskuar 2.7 milionë euro.

Të dy udhëheqësit organizuan logjistikën dhe mbledhjen e të korrave ndaj edhe F. B dhe S. J morën dënimet më të rënda.

Autori me incialet F. B mori katër vjet burg, një gjobë prej 32 mijë eurosh dhe duhet t’u kthejë palëve civile më shumë se 200 mijë euro.

Autori tjetër me inicialet S. J mori një dënim me pesë vjet burg, një gjobë 40,000 euro dhe gjithashtu duhet të paguajë pothuajse 200,000 euro palëve civile.

Ndërsa i gjithë fitimi u konfiskua, por për shkak se anëtarët e bandës ishin pjesë e një organizate më të madhe, dy figurat kryesore duhet të paguajnë të dy 500 mijë euro.

Shqiptarët e tjerë morën 30 muaj burg dhe 8000 euro gjobë. Plantacionet që ishin aktive midis tetorit 2020 dhe janarit 2023 ishin të vendosura në dhe rreth Leuven dhe një në zonën e Antwerp.

Plot 47 kg kokainë janë zbulua gjatë një kontrolli doganor, tha sot në një deklaratë policia kantonale e Zyrihut në Zvicër.

Pesë trafikantë të dyshuar droge u arrestuan në aeroportin e Zyrihut me 47 kilogramë kokainë të fshehura në një valixhe.

Të gjithë të arrestuarit janë shtetas shqiptarë me banim jashtë vendit dhe të moshës 25 deri në 40 vjeç.

Pas marrjes në pyetje nga policia, ata janë paraqitur në prokurorinë kompetente.

Hetimet për rastin po vijojnë me intensitet, ndërkohë që të tjera detaje priten në vijim.

Kapen 10 kg kanabis në Tiranë, në pranga bien 3 persona.

‘Shërbimet e Komisariatit të Policisë Nr. 4 dhe Seksioni për Hetimin e Narkotikëve, në vijim të operacioneve për goditjen e veprimtarive kriminale në fushën e narkotikëve, pas një pune të mirëfilltë hetimore kanë organizuar dhe kanë finalizuar operacionin policor të koduar “Four”. Si rezultat i këtij operacioni u bë arrestimi i shtetasve Ll. D., 31 vjeç, L. S., 40 vjeç, dhe Xh. M. (L)., 30 vjeç.

Shtetasi Ll. D., është kontatuar nga shërbimet e Policisë në rrugën “Rexhep Tarja”, dhe gjatë kontrollit fizik të tij, shërbimet e Policisë, i gjetën sasi lënde të dyshuar narkotike kanabis.

Në vijim të veprimeve, gjatë kontrollit të banesës, ku u gjetën shtetasit L. S., dhe Xh. M. (L)., shërbimet e Policisë, gjetën dhe sekuestruan në cilësinë e provës materiale, dy thasë të zinj me lëndë të dyshuar narkotike kanabis me peshë 10 kg.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme’ citon policia.