Leo tregoi se edhe ai kishte tentuar të bënte të njëjtën gjë në edicionin e Kosovës.

Sipas tij, Gjesti kërkon vazhdimisht të tërheqë vëmendjen me gjeste që nuk janë bërë më parë, për të krijuar zhurmë rreth emrit të tij.

“Për favor të lojës së tij, ai mendon gjithmonë se çfarë të bëjë për të kapur sa më shumë vëmendje.

Kjo ka qenë një lëvizje për të bërë naming, për të krijuar zhurmë”, – tha Leo.

Kur u pyet nga Heidi nëse veprimi i Gjestit ishte rezultat i presionit, ashtu siç kishte deklaruar ai, Leo u shpreh se ka respekt për të, pasi izolimi për një kohë kaq të gjatë është i vështirë.

Edhe Lela ndau të njëjtin mendim, duke theksuar se Gjesti ka nevojë për vëmendje dhe se e gjithë strategjia e tij në këtë format ka qenë pikërisht kjo.

Pas thyerjes së rregullave të Big Brother nga Gjesti, i cili kapërceu murin rrethues, po ashtu të monitoruar nga kamera, banori ka marrë zarf të zi.

Në spektaklin e sotëm është lexuar vendimi.

Vëllai i Madh njofton Gjestin se si pasojë, çmimi i madh për të nëse e fiton këtë garë, do të përgjysmohet dhe do të jetë 50 mijë euro.

Më pas ai u pyet nëse do apo jo të vazhdojë lojën, dhe Gjesti pranoi duke thënë se nuk e bën për para, por për dashurinë e publikut.