Një nga tre personat që dhunuar gardianin e burgut në Fier është vënë në pranga nga forcat RENEA. Mësohet se 38-vjeçari u vu në pranga në Fier, ndërkohë që është lënë nga Gjykata në arrest me burg. Në pranga ka rënë Eldi Nure.

Njoftimi i Policisë

Fier Kapet dhe ndalohet një shtetas i kërkuar për goditje për shkak të detyrës. Në vijim të kontrolleve të mbështetura te informacionet e siguruara në rrugë policore, me qëllim ndalimin e shtetasve të implikuar në rastin e datës 11.03.2025, kur u godit me grushte, për shkak të detyrës, një punonjës i IEVP Fier, shërbimet e Policisë së Fierit në bashkëpunim me forcat e Njësisë Speciale Renea, kapën dhe ndaluan një prej autorëve të dyshuar, shtetasin E. N., 38 vjeç, banues në Fier.

Në muajin mars 2025, Gjykata e Fierit i ka caktuar masën e sigurisë “Arrest në burg”, për veprën penale “Goditja për shkak të detyrës”, kryer në bashkëpunim. 38-vjeçari akuzohet se në bashkëpunim me shtetasit M. P., A. M., dhe E. R., ka goditur me grushte, për shkak të detyrës, një punonjës të IEVP Fier. Punohet për kapjen e shtetasve të shpallur në kërkim. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Është finalizuar në Laç një operacion policor që çoi në arrestimin e një shtetasi 40-vjeçar nga Lezha, i cili kishte përdorur katër identitete të ndryshme. Ai akuzohet për një sërë veprash penale të kryera në Spanjë dhe është ndaluar me qëllim ekstradimin.

I arrestuari njihej me emrat Gjergj Gjoka, Gjergj Marku, Gjergj Ruqja dhe Gjergi Ruqja. Për të, Gjykata e Instruksionit nr. 1 në Castellon de la Plana kishte lëshuar masën e sigurisë “arrest në burg” në vitin 2025, për veprat penale: “Krime kundër shëndetit publik/Kultivim i bimëve narkotike”, “Pjesëmarrje në organizatë kriminale” dhe “Vjedhje e energjisë elektrike”.

Sipas dosjes hetimore, 40-vjeçari ishte pjesë e një grupi të strukturuar kriminal, me role të ndara mes anëtarëve. Ata siguronin ambiente, i merrnin me qira dhe i përshtatnin për kultivimin e drogës, duke instaluar pajisje të posaçme për këtë qëllim.

Në Spanjë, gjatë kontrolleve të kryera më herët, janë zbuluar dy ambiente të mëdha të përshtatura për kultivim narkotikësh: një në Oropesa dhe një tjetër në Cabanes.

Italia ekstradon në Shqipëri Edison Çukajn, i kërkuar për ushtrim ndikimi të paligjshëm

Autoritetet italiane kanë ekstraduar drejt Shqipërisë 32-vjeçarin Edison Çukaj, i njohur edhe si Edison Gjoka, i shpallur në kërkim ndërkombëtar për veprën penale “Ushtrim i ndikimit të paligjshëm ndaj personave që ushtrojnë funksione publike”.

Vendimi për arrestimin e tij ishte marrë nga Gjykata e Posaçme e Shkallës së Parë për Korrupsionin dhe Krimin e Organizuar në prill 2025, e cila kishte caktuar masën e sigurisë “Arrest në burg”.

Çukaj u kap në Itali dhe, pas procedurave të ekstradimit, u soll në aeroportin e Rinasit, ku iu dorëzua Drejtorisë së Përgjithshme të Burgjeve për të vuajtur masën e sigurisë të vendosur nga gjykata. /noa.al

Një i burgosur 20-vjeçar, Elyazid A., me origjinë nga Mayotte, është arrestuar tre ditë pas një arratisjeje të pazakontë nga burgu Lyon-Corbas në Francë, ku po mbahej për vrasje dhe pjesëmarrje në një grup të organizuar

Sipas autoriteteve, ai u fsheh në një çantë të madhe që i përkiste shokut të qelisë, i cili po lirohej atë ditë, dhe u transportua përmes një karroce bagazhesh jashtë objektit. Stafi i burgut e kuptoi mungesën vetëm mëngjesin e ardhshëm.

I arratisuri u kap të hënën në një bodrum në qytetin Sathonay-Camp, në veri të Lionit, nga njësi speciale të policisë.

Një alarm i kuq nga Interpoli u lëshua menjëherë pas arratisjes, ndërsa bashkëpunëtori që ndihmoi në ikje vazhdon të jetë në kërkim.

Shërbimi i burgjeve francez ka hapur gjithashtu një hetim të brendshëm mbi shkeljet e sigurisë, ndërsa burgu Lyon-Corbas përballet me mbipopullim të theksuar – me mbi 1,200 të burgosur në hapësira të ndërtuara për vetëm 678 veta.

Himarë, 29 qershor 2025 – Një 41-vjeçar i dënuar për disa vepra të rënda penale është kapur dhe vënë në pranga në Qeparo të Himarës, në një operacion të koordinuar nga Forca e Posaçme Operacionale e Policisë së Shtetit dhe DVP Elbasan.

I arrestuari është Ervis Çela, banues në Peqin, i shpallur në kërkim për llogari të drejtësisë shqiptare, pasi Gjykata e Elbasanit ka njohur vendimin e dhënë nga Gjykata italiane, që e ka dënuar me 21 vjet burgim. Nga ky dënim, atij i kanë mbetur për të vuajtur edhe 1 vit, 11 muaj e 16 ditë.

Çela është dënuar për një sërë veprash të rënda penale, përfshirë: “Vrasja me paramendim” në bashkëpunim, “Heqja e paligjshme e lirisë”, “Fshehja ose asgjësimi i kufomës” (mbetur në tentativë), “Kanosja për të mos kallëzuar”, “Mbajtja pa leje e armëve shpërthyese dhe municionit”, dhe “Veprime që pengojnë zbulimin e së vërtetës”.

Pas lokalizimit të tij në zonën bregdetare të Qeparosë, strukturat e hetimit ekzekutuan urdhrin e ndalimit të lëshuar nga Prokuroria pranë Gjykatës së Shkallës së Parë të Juridiksionit të Përgjithshëm Elbasan. Materialet procedurale janë referuar për veprime të mëtejshme ligjore.

Arrestohet në Dibër një 40-vjeçar i shpallur në kërkim ndërkombëtar për trafik droge

Dibër – Drejtoria e Forcës së Posaçme Operacionale, në bashkëpunim me autoritetet italiane dhe në koordinim me rrjetin ENFAST, ka finalizuar operacionin e koduar “Operacionalja 50”, duke arrestuar shtetasin Emrulla Tomja, i njohur edhe me emrin Emrulla Elezi, 40 vjeç.

Sipas Policisë së Shtetit, ndaj tij ishte lëshuar një urdhër arresti nga Gjykata e L’Aquila në Itali, ku akuzohet për veprën penale “Trafikimi i lëndëve narkotike”. Ligji penal italian parashikon për këtë vepër një dënim me mbi katër vjet burgim.

Shtetasi u kap në territorin e Dibrës dhe arrestimi u bë me qëllim ekstradimi drejt Italisë. Autoritetet shqiptare dhe ato italiane vijojnë bashkëpunimin për përfundimin e procedurave të ekstradimit.

Një 19-vjeçar ka rënë në prangat e policisë në Vlorë, i akuzuar për armëmbajtje pa leje.

Mësohet se i arrestuari është Panajot Kola, i cili qarkullonte me armë zjarri në makinë, ndërsa u ndalua edhe drejtuesi i automjetit, për moskallëzim krimi.

Raportohet se makina ku udhëtonin dy të rinjtë u ndalua në aksin rrugor “Orikum-Vlorë” në Radhimë, për kontroll. Në momentin e ndërhyrjes së Policisë, 19-vjeçari i cili ishte pasagjer, ka hedhur nga automjeti një çantë dhe ka tentuar të largohet me vrap, por është kapur menjëherë nga shërbimet e Policisë.

Gjatë kontrollit në çantë u gjet një armë zjarri pistoletë me silenciator, e cila u sekuestrua në cilësinë e provës materiale.

Njoftimi i policisë:

Vlorë/Finalizohet operacioni policor i koduar “Nightfall”, për goditjen e një rasti të armëmbajtjes pa leje. Qarkullonte me armë zjarri pistoletë me silenciator, në automjet, kapet në flagrancë dhe vihet në pranga 19-vjeçari. Vihet në pranga dhe drejtuesi i automjetit, për moskallëzim krimi. Sekuestrohet arma e zjarrit.

Në vijim të punës për parandalimin dhe goditjen e veprimtarisë kriminale të armëmbajtjes pa leje, Sektori për Hetimin e Krimeve të Rënda i DVP Vlorë, në bashkëpunim me Seksionin për Mbështetjen Operacionale të Hetimit, bazuar në informacionet e siguruara në rrugë operative, organizuan dhe finalizuan operacionin policor të koduar “Nightfall”

Gjatë këtij operacioni, në mbrëmje, në aksin rrugor “Orikum-Vlorë”, në Radhimë, është ndaluar për kontroll një automjet tip “Mercedes Benz” me të cilin qarkullonin 2 shtetas. Në momentin e ndërhyrjes së Policisë, pasagjeri ka hedhur nga automjeti një çantë dhe ka tentuar të largohet me vrap, por është kapur menjëherë nga shërbimet e Policisë. Gjatë kontrollit në çantën marsup, u gjet një armë zjarri pistoletë me silenciator, e cila u sekuestrua në cilësinë e provës materiale.

Në përfundim të veprimeve, specialistët për Hetimin e Krimeve të Komisariatit të Policisë Vlorë arrestuan në flagrancë shtetasit: P. K., 19 vjeç, banues në Orikum, për veprën penale “Mbajtja pa leje dhe prodhimi i armëve, armëve shpërthyese dhe i municionit”; B. K., 34 vjeç, banues në Orikum, për veprën penale “Moskallëzim i krimit”.

Në drejtimin e Prokurorisë, vijojnë hetimet për rastin. Materialet procedurale iu referuan Prokurorisë, për veprime të mëtejshme.

Një 43-vjeçar është arrestuar në flagrancë pas kapjes së tij me dy qese që përmbanin lëndë narkotike kanabis, të cilat ai kishte për qëllim t’i shiste në doza.

Shërbimet e Komisariatit të Policisë Kurbin, në bashkëpunim me specialistët e Seksionit për Hetimin e Narkotikëve të DVP Lezhë, realizuan kontrollin në banesën e shtetasit Rasim Sela falë informacionit të siguruar nga qytetarët.

Gjatë këtij kontrolli, ata gjetën dhe sekuestruan në cilësinë e provës materiale dy qese plastike me lëndë narkotike kanabis.

Pas përfundimit të veprimeve procedurale, ai u arrestua për veprën penale “Prodhimi dhe shitja e lëndëve narkotike”.

Materialet e procedurës i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.

Ai vazhdimisht ka debate me banorët në shtëpi, e sidomos me Gjestin.

E keqja e kthimit të tij është se G-Bani po përdor informacione nga jashtë, deklarime të të tjerëve e gjithçka tjetër vetëm e vetëm për të goditu banorët brenda.

Njësoj veproi edhe sot gjatë një përballje me Gjestin.

Ai ofendoi Gjestin dhe shokët e tij, që thotë se jetuan duke i mbajt një femër.

“Papaka ju ka mbajt një femër gjashtë vetave. Ik papak, klloshar”, dëgjohet duke i thënë Gjestit derisa ky i fundit i thotë të mos merret me familje dhe mos t’ia ofendojë shokët.

Duhet përkujtuar që është  pikërisht një prej ish-miqve të Gjestit që publikisht kishte folur për të kaluarën e tij, ku ndër të tjerash fliste se se i Diellza, ish e dashura e Gjestit ishte përkujdesur për të dhe shokët e tjerë derisa jetonin në Prishtinë./Lajmi.net/

Furgoni i linjës ndërkombëtarë Berat – Zakyntho, është kapur nga policia greke me një sasi lënde narkotike kokainë.

Konkretisht, punonjësit e policisë së Departamentit të Narkotikëve të Patras, duke shfrytëzuar informacione dhe prova, kanë lokalizuar dy të dyshuar në Rio, ku një shtetas shqiptar i ka dorëzuar një greku, dy çanta, ndërsa të dy më pas janë larguar me automjete në drejtime të ndryshme.

Policia ka ndaluar menjëherë të dyshuarit dhe gjatë kontrollit që u bënë, grekut i gjetën dhe sekuestruan tre pako me 159.3 gramë kokainë, ndërsa shqiptari i’u gjet një pako me 1 kg 44 gramë kokainë, një telefon celular dhe 6445 euro.

159.3 gramë kokainë ishin ndarë në tre pako dhe ishin fshehur me kujdes në një pako detergjenti lavanderie, ndërsa 1044 gramë kokainë u gjetën në kabinën e mjetit që drejtohej nga shqiptari. Mjeti i këtij të fundit rezulton furgon i linjës Berat – Zakyntho. Bashkë me shoferin, mësohet se janë ndaluar edhe pasagjerët, të cilët më pas janë lënë të lirë të largoh