Një shqiptar 38-vjeç ka humbur jetën mbrëmjen e djeshme në një aksident tragjik në Nettuno, afër Romës, ndërsa po tentonte të arratisej nga patrullat e policisë italiane.

Ngjarja ka ndodhur rreth orës 20:30, kur dy automjete kaluan me shpejtësi të madhe përpara dy patrullave të policisë.

Agjentët nisën menjëherë ndjekjen e automjetit të parë, i cili u ndalua pak pas kësaj dhe kishte brenda një 26-vjeçar italian.

Patrulla tjetër ndoqi makinën e dytë, një Fiat Cinquecento, e cila vazhdoi të ikte deri sa hyri në një rrugë të dëmtuar dhe pa asfalt, raportojnë mediat italiane. 

Makina vazhdoi udhëtimin, dhe përfundoi duke u përplasur me një shtyllë telefoni dhe u rrotullua. Nga automjeti, sipas hetimeve të autoriteteve, doli një çantë e madhe në të cilën u gjetën 23 paketa me gjithsej 25 kg kokainë.

Policia iu afrua për të ofruar ndihmë, por për burrin nuk pati asnjë mundësi shpëtimi: ai kishte vdekur. Trupi i tij u dërgua në Policlinico Tor Vergata.

MITROVICË- Dy autoblindat e fundit të karabinierëve italianë janë larguar nga Ura e Ibrit, duke mbetur vetëm prania e zakonshme e KFOR-it. Misioni paqeruajtës i NATO-s në Kosovë, KFOR, më 31 gusht kishte rritur befasishëm praninë në urën kryesore mbi lumin Ibër. Kjo rritje e pranisë së KFOR-it aty besohej se erdhi pas aksionit të Policisë së Kosovës për mbylljen e disa objekteve të institucioneve paralele serbe.

Por KFOR-i reagoi duke thënë se këto ishin ushtrime rutino. Sipas KFOR-it dislokime të tilla shtesë, janë pjesë e trajnimit periodik që KFOR-i kryen për të testuar procedurat e tij të vjetra dhe për të mbrojtur standardet më të larta operacionale.

“KFOR-i gjithashtu mban një prani fikse në urën kryesore mbi lumin Ibër, në Mitrovicë dhe vazhdon të kryejë patrullime të rregullta në zonat përreth. KFOR-i po monitoron situatën e sigurisë në veri të Kosovës dhe mbetet vigjilent. Është e vendosur të marrë të gjitha masat e nevojshme për të vazhduar përmbushjen e mandatit të saj të OKB-së dhe për t’iu përgjigjur çdo zhvillimi të mëtejshëm përkatës”, tha KFOR.

Pas këtyre stërvitjeve trupat e shtuara të KFOR-it ishin larguar, por aty kishin qëndruar dy autoblinda.