Dy persona u plagosen nga perplasja me motora uji ne plazh ne zonen e Kavajes.

Kavajë / Informacion paraprak

Rreth orës 17:36, në Golem, Kavajë, në vendin e quajtur “Manhatan”, rreth 800 metra larg perimetrit të sigurisë,(zonë detare për lundrim jo zonë plazhi), shtetasi S. D., 25 vjeç, lindur në Çorovodë, duke drejtuar një motor uji, është përplasur në det me një tjetër motor uji, që drejtohej nga shtetasi P. B., 31 vjeç, lindur në Kosovë.

Si pasojë e përplasjes, shtetasi P. B. ka pësuar dëmtime dhe është transportuar menjëherë në spital, nga shërbimet e Policisë Kufitare që po monitoronin hapësirën detare. Aktualisht, ai ndodhet jashtë rrezikut për jetën.

Shtetasi S. D. është shoqëruar në Komisariatin e Policisë për veprime të mëtejshme procedurale.

Nga verifikimet paraprake, rezulton se të dy drejtuesit e mjeteve lundruese po lundronin së bashku dhe ishin të pajisur me jelekë shpëtimi.

Grupi hetimor ndodhet në vendngjarje dhe po punon për sqarimin e plotë të rrethanave të përplasjes së dy Jet Ski-ve.

Kavajë- Shpëtim Osma, autori i plagosjes me armë zjarri të çiftit Sami dhe Nadire Disha në fshatin Gos të Kavajës, është vetëdorëzuar në Polici pas disa orësh kërkimi nga uniformat blu.

Ngjarja ndodhi rreth orës 10:15 të paradites së sotme, pas një konflikti për qenin e autorit, i cili sipas burimeve paraprake kishte hyrë në oborrin e fqinjëve. Debati verbal mes palëve ka agravuar deri në përdorimin e armës, ku Shpëtim Osma qëlloi me pistoletë në drejtim të fqinjëve të tij, duke plagosur çiftin Disha. Të plagosurit ndodhen jashtë rrezikut për jetën.

Pas ngjarjes, shërbimet e Policisë mbërritën menjëherë në vendngjarje, rrethuan zonën dhe nisën kërkimet për kapjen e autorit. Në ndihmë të Policisë lokale shkuan edhe forcat operacionale të Drejtorisë Vendore të Policisë Durrës.

Pas disa orësh, autori është vetëdorëzuar në ambientet e Policisë.

Grupi hetimor, nën drejtimin e Prokurorisë, vijon hetimet për zbardhjen e plotë të rrethanave dhe dokumentimin ligjor të kësaj ngjarjeje.

Në Kavajë është regjistruar një ngjarje e rëndë me armë zjarri, ku janë plagosur dy bashkëshortë, Saki dhe Nadire Disha.

Burimet bëjnë me dije se autor i sulmit është Shpëtim Osma, i cili ka qëlluar drejt çiftit për arsye që ende nuk janë bërë të qarta.

Policia ka nisur menjëherë hetimet dhe pritet të reagojë zyrtarisht për të sqaruar rrethanat e ngjarjes dhe për të marrë masa ndaj autorit. 

Një 62-vjeçar ka ndërruar jetë në Kavajë pasi është rrëzuar nga skela e ndërtimit teksa punonte.

Mësohet se janë shoqëruar po ashtu disa persona të cilët kanë qenë në vendngjarje kur shtetasi me iniciale S.H., ndërroi jetë.

“Kavajë/Informacion paraprak Rreth orës 15:30, në Urgjencën e Spitalit Rajonal Durrës, është dërguar pa shenja jete shetasi I. P. rreth 62 vjeç, i cili ka qënë duke punuar në Qerret Kavajë, në një pallat.

62-vjeçari dyshohet se ka humbur jetën si pasojë e rrëzimit të një trari prej druri gjatë çmontimit të skelave të ndërtimit. Po si pasojë e rënies së trarit është dëmtuar lehetë në këmbë shtetasi S. H.

Dy burra në Kavajë kanë abuzuar me një vajzë në moshë fare të re duke e ngacmuar atë seksualisht në mes të një lokali.

Ngjarja ndodhi mbrëmë në një lokal në Kryevidh të Kavajë, raporton noa.al.

Shërbimet e Komisariatit të Policisë Kavajë arrestuan në flagrancë për veprën penale “Ngacmimi seksual”, shtetasit S. K., 40 vjeç dhe D. P., 57 vjeç, të dy banues në fshatin Kryevidh.

Policia tha se ata u prangosën pasi mbrëmjen e djeshme, ka kallëzuar një shtetase 18 vjeçe, se këta 2 shtetas e kanë ngacmuar seksualisht, në një lokal.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të metejshme.

 I vuri zjarrin një stalle bagëtish, në Golem, për motive të dobëta, arrestohet 25-vjeçari Edison Ajazi në Kavajë.

Si pasojë e përhapjes së flakëve u dogjën një objekt njëkatësh, sipërfaqja e tokës përreth dhe ushqimi i bagëtive.

Policia lokale tha se 25 vjeçari nga Golemi, Edison Ajazi dyshohet se i ka vënë zjarrin stallës së bagëtive në pronësi të kushëririt të tij, për motive të dobëta.

Nga përhapja e flakëve është djegur objekti njëkatësh ngjitur me stallën e bagëtive, një sasi e konsiderueshme baze ushqimore për bagëtitë dhe sipërfaqja e tokës përreth.

Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Durrës, për veprime të mëtejshme, për veprën penale “Shkatërrimi i pronës me zjarr”.

Drejtoria Vendore e Policisë Durrës apelon sërish për të gjithë qytetarët, që në asnjë rast të mos ndezin zjarre, pasi do të përballen me ligjin. Gjithashtu, fton qytetarët që të denoncojnë në numrin 112, çdo rast të kësaj veprimtarie kriminale dhe të paligjshmërive në tërësi, dhe iu garanton anonimat, reagim të shpejtë dhe të paanshëm.

Forcat e Posaçme Operacionale kanë arrestuar në Kavajë një 26-vjeçar, i cili kërkohej nga Italia pasi në vitin 2023, Gjykata e Bolonjës i ka caktuar këtij shtetasi, masën e sigurisë “Arrest në burg”.

Viktor Tafa akuzohet për veprën penale “Trafikimi i lëndëve narkotike”, kryer në kuadrin e organizatës kriminale.

Një 59-vjeçar u arrestua nga policia pasi dyshohet si autor i një serie vjedhjesh, kryesisht në zonën e Kavajës.

I arrestuari është Pëllumb Zylali, i cili sipas informacionit zyrtar nga policia e shtetit ka realizuar 3 vjedhje brenda një dite, ndërsa po punohet për të zbardhur të tjera vjedhje që mund të jenë kryer prej tij.

Gjithashtu 59-vjeçari ishte shpallur në kërkim për vjedhje edhe nga policia e Lushnjes.

“Si rezultat i administrimit të menjëhershëm të kallëzimeve të disa qytetarëve, ditën e djeshme, për vjedhje, shërbimet e Komisariatit të Policisë Kavajë kanë identifikuar, kapur dhe arrestuar autorin e dyshuar të këtyre rasteve, shtetasin P. Z., 59 vjeç, banues në Fier.

Nga veprimet hetimore dyshohet se ky shtetas: -më datë 22.08.2024, në lagjen nr. 5, Kavajë, ka vjedhur 2 celularë; -më datë 22.08.2024, në Golem, ka vjedhur sende personale, në një automjet; -më datë 22.08.2024, në fshatin Synej, ka tentuar të vjedhë në një banesë; -më datë 25.07.2024, në Kavajë, ka vjedhur në një banesë.

Më tej, nga verifikimet e kryera ka rezultuar se shtetasi P. Z. ishte aktualisht në kërkim nga Komisariati i Policisë Lushnjë, pasi dyshohet se më datë 10.05.2024, ka vjedhur në një automjet në Lushnjë, dokumente dhe një shumë eurosh.

Vijon puna për zbardhjen e vjedhjeve të tjera që mund të ketë kryer 59-vjeçari.

Materialet procedurale i kaluan Prokurorisë, për veprime të mëtejshme”, thuhet në njoftimin e policisë .

Qëlluan me armë 43-vjeçarin, arrestohet një nga autorët e dyshuar, dy të tjerë në kërkim.

‘Si rezultat i kontrolleve të kryera për kapjen e autorëve të plagosjes me armë zjarri, të ndodhur pasditen e djeshme, në fshatin Luz i vogël, shërbimet e Komisariatit të Policisë Kavajë kanë kapur dhe vënë në pranga njërin prej tyre, shtetasin:

E. D., 26 vjeç, banues në Kavajë, për veprat penale “Plagosja e rëndë me dashje” dhe “Prodhimi dhe mbajtja pa leje e armëve luftarake dhe e municionit”.

Nga veprimet hetimore dyshohet se 26-vjeçari, në bashkëpunim me shtetasit V. T. dhe F. D. alias B. T., gjatë një konflikti për motive të dobëta, kanë plagosur me armë zjarri shtetasin E. D., 43 vjeç, i cili ndodhet në spital, në kujdesin e mjekëve.

Materialet i kaluan Prokurorisë, për veprime të mëtejshme’, informon policia./noa.al

Një 43-vjeçar u plagos me armë zjarri këtë të diel në Kavajë. Ngjarja ndodhi rreth orës 18:50, në fshatin Luz i Vogël. Burime zyrtare të policisë bëjnë të ditur se 43-vjeçari ka marrë një plagë në këmbë dhe është jashtë rrezikut për jetën.

Sa i takon autorëve të dyshuar të ngjarjes, ata janë 2 vëllezër të moshës 32 vjeç dhe 26 vjeç, banues të fshatit. Aktualisht autoritetet po punojnë për kapjen e tyre. Në njoftimin e saj për mediat, policia thotë se shkak për ngjarjen dyshohet të jetë bërë një konflikt për motive të dobëta.

“Më datë 30.06.2024, rreth orës 18:50, në fshatin Luz i Vogël, pas një konflikti që dyshohet për motive të dobëta, është plagosur me armë zjarri në këmbë shtetasi E. D., 43 vjeç, banues në Rrogozhinë.  Shërbimet e Policisë kanë shkuar menjëherë në vendngjarje dhe falë veprimeve të shpejta hetimore kanë bërë të mundur identifikimin e autorëve të dyshuar, konkretisht dy vëllezërit F. D. alias B. T., 32 vjeç, dhe V. T., 26 vjeç, banues në fshatin Luz i Vogël, Kavajë. Shërbimet e Policisë vijojnë kontrollin e zonës për kapjen e dy vëllezërve të dyshuar si autorë të plagosjes së 43-vjeçarit, i cili ndodhet për ndihmë mjekësore në spital jashtë rrezikut për jetën”, tha policia e Kavajës në njoftim.

Ndërkohë, një grup hetimor nën drejtimin e Prokurorisë, vijon punën për sqarimin dhe dokumentimin e plotë ligjor të rastit./tvklan.al