Një vajzë 8-vjeçare është rrëzuar nga skafi dhe për pasojë është lënduar.

Ngjarja ka ndodhur në plazhin e Velipojë, ndërsa mësohet se vajza ka qenë e shoqëruar nga familjarët e saj. E mitura është dërguar në spital për ndihmë mjekësore jashtë rrezikut për jetën.

Drejtuesi i mjetit lundrues, 57 vjeç, është shoqëruar në ambientet e Policisë Kufitare për veprime të mëtejshme, ndërsa mjeti lundrues skaf është bllokuar nga shërbimet e DVKM Shkodër.

Grupi hetimor, nën drejtimin e Prokurorit, vijon punën për sqarimin e plotë të rrethanave të rastit.

Një akident rrugor ka ndodhur mbrëmjen e sotme në Vlorë, ku një punonjës i patrullës së përgjithshme të Policisë së Vlorës ka përplasur me makinë një këmbësor. I plagosuri u transportua menjëherë në spital dhe ndodhet jashtë rrezikut për jetën.

Në lidhje me ngjarjen është njoftuar Agjencia e Mbikëqyrjes Policore (AMP), dhe në bashkëpunim me grupin hetimor po punohet për sqarimin e rrethanave të aksidentit

Në qendër të Szczecinit në Poloni, një shofer ka përplasur me veturë një grup këmbësorësh dhe më pas është larguar nga vendi i aksidentit.

“Një veturë me shpejtësi goditi një grup njerëzish që kalonin vendkalimin e këmbësorëve”, ka thënë Tomasz Kubiak, përfaqësues i Shërbimit Shtetëror të Zjarrfikësve Szczecin, për TVN24 polake.

Nga aksidenti janë lënduar 17 persona, ndërsa dy prej tyre janë në gjendje kritike për jetën. Autori është larguar nga vendi i ngjarjes, por pas disa kohësh është arrestuar, sipas TVN23.