Një aksident është regjistruar pak momente më parë në rrugën e Driloni, Pogradec.

Një këmbësore është përplasur nga një automjet tip “Mitsubishi”. E lënduara, shtetasja me iniciale Z.D., 73 vjeçe, është transportuar në spital, ku po merr ndihmë mjekësore. Sakaq mësohet se 73-vjeçarja ndodhet jashtë rrezikut për jetën.

“Rreth orës 19:00, në rruga e Drilonit, në Pogradec, një automjet tip “Mitsubishi”, me drejtues shtetasin K. L., ka përplasur këmbësoren, shtetasen Z. D., rreth 73 vjeçe, banuese në Pogradec. 73- vjeçarja po mer ndihmë mjekësore në spital, në gjendje jashtë rezikut për jetën. Drejtuesi i automjetit është shoqëruar në Komisariat për veprime të mëtejshme. Grupi hetimor nën drejtimin e Prokurorisë, po punon për të përcaktuar rrethanat dhe shkakun e aksidentit“, thuhet në njoftimin e policisë.

Një 26-vjeçar është arrestuar nga Policia e Vlorës pasi duke drejtuar automjetin ka aksidentuar një 61- vjeçare.
E dëmtuara është transportuar në spital dhe ndodhet jashtë rrezikut për jetën.

Njoftim:
Specialistët e Qarkullimit Rrugor në DVP Vlorë arrestuan në flagrancë shtetasin K. A., 26 vjeç, pasi më datë 04.04.2025, në rrugën “Murat Tërbaçi”, duke drejtuar automjetin tip “Ford”, ka aksidentuar këmbësoren N. R., 61 vjeçe, banuese në Vlorë, e cila u transportua në Spitalin Rajonal Vlorë dhe ndodhet jashtë rrezikut për jetën.

Materialet procedurale iu referuan Prokurorisë, për veprime të mëtejshme.

Një incident i rëndë ka ndodhur në Lundër, ku një grua është përplasur nga një automjet, duke mbetur e plagosur. Ngjarja ndodhi gjatë ditës së sotme, kur drejtuesi i mjetit humbi kontrollin dhe goditi këmbësoren.

Pas aksidentit, banorët e zonës reaguan menjëherë, duke e transportuar të plagosurën me urgjencë në spital për të marrë ndihmën e nevojshme mjekësore. Sipas burimeve të policisë, drejtuesi i automjetit është arrestuar dhe po mbahet në komisariat për të dhënë shpjegime mbi rrethanat e aksidentit. Autoritetet po vijojnë hetimet për të sqaruar detajet e ngjarjes dhe për të përcaktuar përgjegjësitë e plota

KORÇË- Një aksident rrugor me pasojë lëndimin e një 53-vjeçareje ka ndodhur pasditen e kësaj të marte në Korçë.

Policia thotë se një autobus ka përplasur këmbësoren, e cila është transportuar në spital dhe është në kujdesin e mjekëve.

Drejtuesi i autobusit është shoqëruar në Komisariatin e Policisë Korçë, për kryerjen e veprimeve të mëtejshme procedurale.

Ndërkaq, grupi hetimor është në vendngjarje, ku vijon punën për të përcaktuar shkakun e aksidentit.

Një 45-vjeçar është arrestuar në Vlorë pasi dyshohet se në gjendje të dehur dhe duke mos pasur leje drejtimi, ka përplasur me makinë një këmbësore, e cila po ecte së bashku me një të mitur. Ngjarja ka ndodhur në në aksin rrugor “Alikokë – Babicë e Madhe”. Të dy të aksidentuarit janë jashtë rrezikut për jetën.

Njoftimi i policisë:

Specialistët e Sektorit të Policisë Rrugore të DVP Vlorë arrestuan në flagrancë shtetasin G. S., 45 vjeç, banues në Vlorë, pasi më datë 06.04.2024, në aksin rrugor “Alikokë – Babicë e Madhe”, Vlorë, duke drejtuar automjetin tip “Benz”, pa leje drejtimi dhe në gjendje të dehur, ka aksidentuar shtetasen L. P., 52 vjeçe, bashkë me një 4-vjeçar (këmbësorë). Të dy këta shtetas janë jashtë rrezikut për jetën.