Një aksident rrugor është regjistruar paraditen e sotme në afërsi të shkollës “7 Marsi” në Tiranë. Sipas raportimeve nga vendngjarja, një automjet ka përplasur një këmbësor, i cili ndodhej te vizat e bardha.

Ende nuk dihen detaje të sakta mbi gjendjen shëndetësore të këmbësorit, ndërsa shërbimet e emergjencës janë lajmëruar dhe kanë mbërritur në vendngjarje për t’i ofruar ndihmën e parë.

Policia ka nisur hetimet për të zbardhur shkaqet e aksidentit dhe për të përcaktuar përgjegjësinë e drejtuesit të mjetit. Ndërkohë, lëvizja e automjeteve në zonë ka pësuar ngadalësime për shkak të incidentit.

Policia e Dibrës ka bërë të ditur arrestimin e shtetasit G.Gj., 40 vjeç, drejtuesi i automjetit të përfshirë në aksidentin tragjik të ndodhur mbrëmjen e djeshme në fshatin Urakë të Matit.

Në këtë aksident, një këmbësor humbi jetën.

Sipas njoftimit, Sektori i Policisë Rrugore ka vepruar duke ndaluar drejtuesin e automjetit për veprën penale “Shkelja e rregullave të qarkullimit rrugor”.

Sakaq, materialet procedurale janë dorëzuar Prokurorisë pranë Gjykatës së Shkallës së Parë Dibër, e cila do të vijojë me hetimet dhe procedurat ligjore për këtë rast.

Mjeti përplas për vdekje këmbësorin.

Ngjarja ka ndodhur në Çukas të Lushnjes.

Viktima është identifikuar si Namik Halili 63 vjeç nga Durrësi.

Shoferi i mjetit Genci Ismaili.

Në vendngjarje ka shkuar policia.

Fier/Informacion paraprak

Rreth orës 12:55, në aksin rrugor “Lushnjë-Berat”, shtetasi G. I., 54 vjeç, duke drejtuar automjetin, ka përplasur shtetasin N. H., rreth 63 vjeç, këmbësor.

Si pasojë e dëmtimeve, shtetasi N. H. ka humbur jetën në vendngjarje.

Shërbimet e Policisë shoqëruan drejtuesin e automjetit, shtetasin G. I., në Komisariat, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Një aksident i rëndë ka ndodhur mbrëmjen e sotme (16 nëntor) në Elbasan.

Një mjet ka përplasur një këmbësor, i cili është transportuar në spital në gjendje të rëndë.

Policia dhe grupi hetimor ndodhen në vendngjarje dhe kanë nisur punën për zbardhjen e rrethanave të aksidentit.

Një aksident ka ndodhur ditën e sotme në Selanik. Një urban ka përplasur një këmbësor dhe nga frenimi i papritur janë lënduar edhe tre pasagjerë që ndodheshin në urban.

Të lënduarit u transportuan në spital ku edhe po marrin trajtim mjekësor. Ndërsa policia ka nisur hetimet për zbardhjen e plotë të shkaqeve të aksidentit.

Një aksident është regjistruar ditën e sotme në aksin rrugor “Lezhë-Shkodër”. Mësohet se një makinë ka përplasur një këmbësor në rrugë. 

Më tej në njoftimin e policisë bëhet me dije se 40-vjeçari është dërguar në spital për të marrë ndihmën mjekësore. Ndërkohë me shoferin e mjetit po kryhen veprimet procedurale.

Njoftimi i plotë:

Rreth orës 13:30, në aksin rrugor “Lezhë-Shkodër”, automjeti me drejtues shtetasin P. B., ka përplasur shtetasin M. F., 40 vjeç, këmbësor, i cili u dërgua në spital, për të marrë ndihmën mjekësore.

Me drejtuesin e automjetit po kryhen veprimet procedurale. Grupi hetimor po punon për zbardhjen e shkaqeve të aksidentit.

Një 35-vjeçar është arrestuar nga policia në Fier. Ky shtetas, ditën e premte  duke drejtuar automjetin tip “Benz”, përplasi këmbësorin 74-vjeçar.

I moshuari ndodhet në spital ku po merr ndihmën mjekësore.

Ndërkaq, në Lushnje u procedua në gjendje të lirë një 30 vjeçar. Teksa po drejtonte motomjetin e tij, ai përplasi një këmbësor, i cili ndodhet në spital, në kujdesin e mjekëve, jashtë rrezikut për jetën.

Një aksident ka ndodhur në rrugën “Jani Bakalli”, në Fier.

Një automjet ka përplasur këmbësorin 71-vjeçar. I moshuari ndodhet në gjendje të rëndë shëndetësore dhe është transportuar në spital për trajtim mjekësor. Grupi hetimor po punon për zbardhjen e plotë të rrethanave të aksidentit.

Fier/Informacion paraprak

Rreth orës 16:40, në rrugën “Jani Bakalli”, Fier, shtetasi K. C., 35 vjeç, duke drejtuar automjetin tip “Benz”, ka përplasur këmbësorin, shtetasin D. T., 71 vjeç. Shtetasi D. T., ndodhet në spital, në sallë të operacionit, në gjendje të rëndë shëndetësore. Grupi hetimor po punon për zbardhjen e plotë të rrethanave të aksidentit.

Paraditen e së dielës një 77 vjeçar, i cili po lëvizte me biçikletë është përplasur nga një automjet dhe për pasojë ka humbur jetën.

Drejtuesi i automjetit, një 39-vjeçar është arrestuar nga shërbimet e Policisë.

Grupi hetimor po punon për sqarimin e plotë të rrethanave të aksidentit.