Izraeli do të “godasë çdo objektiv” të regjimit të Iranit, tha kryeministri izraelit Benjamin Netanyahu në një video-adresim të shtunën, ndërsa tensionet midis armiqve të hershëm vazhdojnë të rriten.

Netanyahu tha se në “një të ardhme shumë të afërt, do të shihni aeroplanë izraelitë, Forcat Ajrore Izraelite, pilotët tanë të guximshëm, mbi qiellin e Teheranit”.

«Ne do të godasim çdo vend dhe çdo objektiv të regjimit të Ajatollahut», paralajmëroi ai.

Udhëheqësi izraelit tha se qëllimi i vendit të tij ishte të eliminonte “kërcënimin e dyfishtë” të Iranit ndaj Izraelit, duke iu referuar si aftësive bërthamore të Teheranit ashtu edhe arsenalit të raketave balistike.

Ai shtoi se Izraeli tashmë i kishte “shkaktuar një goditje shumë të rëndë” objektit kryesor bërthamor të Iranit. “Ne goditëm objektin e pasurimit të uraniumit, i cili është jetik për prodhimin e bombave. Gjithashtu goditëm ekipin kryesor të shkencëtarëve që udhëheqin këto projekte. Dhe kjo patjetër do t’i kthejë ata prapa, dhe është e mundur që t’i kthejë ata prapa për shumë vite”, tha ai.

Kjo vjen pasi Netanyahu të premten vonë i mbajti një fjalim të drejtpërdrejtë popullit të Iranit, duke i nxitur ata të “ngrihen dhe të lejojnë që zëri i tyre të dëgjohet”, ndërsa paralajmëroi se sulme të tjera ishin në rrugë e sipër.

Një kërcënim i paprecedentë ka ndodhur brenda burgut të Bradasheshit në Elbasan, pasi Arben Spahiut, i arrestuar për arsenalin e Armëve të zbuluar tek BMW X6 në muajin Shkurt 2023, i ka mbërritur në qeli një pako postare brenda të cilës ishin futur tre kumbulla dhe tre dardha.about:blank

Pakoja vinte nga një person anonim dhe i adresohej jo vetëm Arben Spahiut, por dhe një banori tjetër të asaj qelie, shtetasit Xhafer Deliu.

Ky i fundit njihet në Elbasan si lidhje e ngushtë e Erjon Alibej i arrestuar për “Dhunë në familje” dhe “Prodhim dhe shitje të lëndëve narkotike” të heroinës.

Gazetari Elton Qyno ka mësuar se Pakoja postare me tre kumblla dhe tre dardha, është përkthyer si një kërcënim nga Arben Spahiu dhe Xhafer Deliu, të cilën kanë nënkuptuar se ishte një mesazh kërcënues për jetën e tyre, se kundërshtarët jashtë burgut po i ndjekin nga pas dhe do i godasin me 3 plumba.

Me këtë situatë është njohur dhe Policia e Burgjeve, e cila ka referuar rastin në policinë kriminale të Elbasanit, duke ndjekur hetimet në bashkëpunim edhe me prokurorinë e qytetit.about:blank

Për rastin është hapur dosja penale me nr. 494 dhe pas gati 7 muaj verifikim, struktura e hetimit të krimeve në policinë e Elbasanit, zbuluan se njeriu që kishte zgjedhur këtë mekanizëm për të futur brenda në burg një pako me mesazh kërcënues, me kumbulla dhe dardha, ishte pikërisht Ervis Daka, i njohur ndryshe në Elbasan me nofkën “Dragoviçi”.

Arrestimi i Dakës, është kryer në muajin korrik 2023 dhe po këtë muaj gjyqtari i Elbasanit Elis Dine, ka caktuar masën e sigurisë “arrest në burg” për Ervis Daka.about:blank

I gjithë operacioni është mbajtur në fshehtësi të plotë, pasi njëri nga personat e kërcënuar Arben Spahiu, tashmë i liruar nga burgu, ka hyrë në programin e mbrojtjes shtetërore, pasi kunati i tij, Erjon Alibej, është kthyer në i penduar dhe po bashkëpunon me prokurorët e SPAK, për të zbardhur krimet e rënda në Elbasan.

Tre vite më parë Ervis Daka alias “Dragoviç” u arrestua nga forcat special RENEA. Informacionin për të se në banesë kishte armë e ka dhënë Erion Alibej, tek shefi i sektorit të hetimeve të krimeve në policinë e Elbasanit, Leonard Palushi.about:blank

Më tej ky i fundit ka kërkuan ndërhyrjen e policisë RENEA duke sjellë arrestimin dhe burgosjen e “Dragoviçit”, të cilit ju sekuestruan dhe armët.

“Dragoviçi”, ka qenë një nga personat e listës së ekzekutimeve të përpiluar nga Erjon Alibej, Arjan Spahiu dhe Nuredin Dumani. Ai njihet si krahu i vëllezërve “Çopja” në Dubai, Talo Çelës dhe Mikael Qoses alias “Keli i Kicit”.