Një rast i ri vetëgjyqësie është regjistruar në qytetin e Vlorës, ku një 39-vjeçar ka kanosur një djalë të ri që dispononte leje ndërtimi për të punuar në Lungomare.

Policia njofton se ndaj 39-vjeçari ka nisur procedim penal.

“Shtetasi K. B., 39 vjeç, banuese në Vlorë, pasi në vendin e quajtur “Lungomare”, në lagjen “Uji i Ftohtë”, duke kryer vetëgjyqësi, ka penguar shtetasin E. K., 30 vjeç, të ndërtojë në një hapësirë toke, edhe pse ky i fundit është i pajisur me leje ndërtimi”, thuhet në njoftimin e policisë.

Një 32-vjeçar është kërcënuar me armë zjarri mbrëmjen djeshme në Rrugën e Dibrës, në Tiranë.

Sipas policisë, një shtetas ende i paidentifikuar dyshohet se ka kanosur me armë zjarri 32 vjeçarin me iniciale R.G, banues në Tiranë.

Ndërkohë po punohet për identifikimin e kapjen e autorit dhe sqarimin e rrethanave të ngjarjes.

Njoftimi:

Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 84 dhe 278/1 të Kodit Penal pasi më datë 26.08.2024, rreth orës 21:30, në Rrugën e Dibrës, një shtetas ende i paidentifikuar dyshohet se ka kanosur me armë zjarri shtetasin R. G., 32 vjeç, banues në Tiranë. Punohet për identifikimin e kapjen e autorit dhe sqarimin e rrethanave të ngjarjes.

Materialet i kaluan Prokurorisë.

Zjarrfikësit vazhdojnë të luftojnë një zjarr që ka shpërthyer në ishullin portugez të Madeira për një javë dhe kërcënon një pyll të listuar në UNESCO.
Vendi nuk ka parë një zjarr të tillë që nga viti 2017, kur regjistroi flakët e tij më vdekjeprurëse.

Që atëherë, numri i zjarreve në pyje është ulur me më shumë se gjysmën, kryesisht falë një fushate ndërgjegjësimi për parandalimin.
Tiago Oliveira, president i Agjencisë për Menaxhimin e Integruar të Zjarrit Rural (AGIF), thotë se puna filloi pas ngjarjeve të 2017-ës.