Ergys Zela me detyrë Ndihmës Specialist në Komisariatin e Policisë Rinas, është vendosur në pranga nga Agjencia e Mbikëqyrjes Policore, i dyshuar për veprat penale “Kanosje” dhe “Shpërdorim detyre”.

Më 4 prill Zela është konfliktuar me dy persona pranë një parkimi në Fushë-Krujë, ku i ka kërcënuar këta të fundit.

Në njoftimin e dhënë për mediat AMP raporton se i ka sekuestruar Ergys Zelës armën e shërbimit ‘Glok’ së bashku me 12 fishekë.

Njoftimi i plotë:

Agjencia e Mbikëqyrjes Policore (Rajoni Tiranë) ka arrestuar në flagrancë punonjësin e policisë E. Z., me detyrë Ndihmës Specialist në Komisariatin e Policisë Rinas, i dyshuar për veprat penale “Kanosje” dhe “Shpërdorim detyre”.

Arrestimi i tij u krye pasi me datë 04.04.2025 rreth orës 22:00 pranë një parkimi në Fushë Krujë, është përfshirë në një konflikt fizik për motive të dobëta me shtetasit A. H. dhe O. H., duke kanosur jetën e tyre.

Në vendin e ngjarjes u sekuestrua një gëzhojë me kapsolle të goditura dhe një objekt metalik i deformuar i ngjashëm me atë të predhës.

Gjithashtu nga veprimet e para hetimore, AMP ka sekuestruar në cilësinë e provës materiale një armë të llojit Glok 17 me 12 fishekë.

Një 14-vjeçar në Pogradec është vënë nën hetim pasi dyshohet se ka kanosur me thikë një 18-vjeçar.

“Komisariati i Policisë Pogradec referoi materialet në Prokurori, ku filloi procedimi penal për një 14 vjeçar, pasi dyshohet se ka kanosur me mjet prerës (thikë), një 18-vjeçar”, njoftoi policia.

“Komisariati i Policisë Pogradec referoi materialet në Prokurori, ku filloi procedimi penal për një 14 vjeçar, pasi dyshohet se ka kanosur me mjet prerës (thikë), një 18-vjeçar”, njoftoi policia.Ndërsa, Komisariati i Policisë Maliq arrestoi në flagrancë shtetasin M. I., 23 vjeç, banues në fshatin Pirg, Maliq, pasi ka ushtruar dhunë ndaj nënës së tij, e cila është e pajisur me urdhër mbrojtjeje ndaj tij.

LEZHA- Një 19-vjeçar është arrestuar nga policia e Lezhës, pasi dyshohet se ka kanosur me anë të masazheve për shkak të detyrës një efektiv policie. Mësohet se gjithçka ka nisur pasi efektivi ka ndaluar për kontroll makinën e 19-vjeçarit, ku ka rezultuar se i riu nuk posedonte leje për xhama të errët, dhe patrulla i ka hequr veshjet e përdorura për të errësuar xhamat e automjetit. Drejtuesi i automjetit nuk ka kundërshtuar, por, Rafaelo Lleshi 19-vjeç, pasagjer në këtë automjet, ka kundërshtuar dhe ofenduar punonjësit e policisë dhe i ka dërguar menjëherë në celular mesazhin kërcënues.

Njoftimi:

Më datë 08.12.2024, rreth orës 18:00, në qytetin e Lezhës, në afërsi të shinave të trenit, punonjësit e Policisë në përmbushje të detyrave të përcaktuara në planin e masave për rritjen e parametrave të sigurisë publike e asaj rrugore, kanë ndaluar për kontroll automjetin tip “Golf”.

Gjatë kontrollit të mjetit nuk i është gjetur asnjë send i kundraligjshëm, ndërsa gjatë kontrollit të dokumentacionit të automjetit rezultoi se, drejtuesi i automjetit nuk dispononte dokument për xhamat e errësuar të makinës dhe për këtë arsye punonjësit e Policisë i kanë hequr veshjen që kishte vendosur për të errësuar xhamat e automjetit.

Drejtuesi i automjetit nuk ka kundërshtuar, por, shtetasi Rafaelo Lleshi 19 vjeç, pasagjer në këtë automjet, ka kundërshtuar dhe ofenduar punonjësit e Policisë si dhe, njërit prej tyre i ka dërguar menjëherë në celular një mesazh kërcënues për shkak se i hoqi veshjen që kishte errësuar xhamat e automjetit shoku i tij.

Veprimet procedurale janë kryer nga OPGJ i Prokurorisë dhe në përfundim të veprimeve është bërë arrestimi në flagrancë i 19-vjeçarit, shtetasit R. Ll., banues në Lezhë.

Materialet procedurale iu referuan Prokurorisë për veprime të mëtejshme për veprën penale “Kanosja për shkak të detyrës”.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 65-vjeçar me iniciale Sh.V. është arrestuar në flagrancë pasi ushtroi dhunë ndaj bashkëshortes dhe e kanoste atë se do ta vriste. Ngjarja e rëndë ka ndodhur ditën e sotme në rrugën “Tomi Kristo” në Tiranë

“Si rezultat i veprimeve të shpejta është bërë neutralizimi i shtetasit Sh. V., 65 vjeç, i cili u arrestua në flagrancë  për veprat penale “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 130/a dhe 278 të Kodit Penal”, njofton policia.

Gjatë kontrollit të banesës së 65-vjeçarit, shërbimet e Policisë gjetën dhe sekuestruan një mjet prerës thikë, një armë zjarri kallashnikov, 4 krëhra dhe municion luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./tvklan.al

Policia e Hamburgut ka konfirmuar se ka qëlluar një person që i ka kërcënuar me sëpatë pranë vendit ku tifozët holandezë janë mbledhur për ndeshjen e tyre në Euro 2024.

Incidenti ndodhi në lagjen St Pauli të Hamburgut, pak përpara se Polonia të përballet me Holandën në Volksparkstadion aty pranë në orës 14:00.

Në një deklaratë të policisë së Hamburgut thuhet: “Në St Pauli aktualisht është një operacion i madh policor. Sipas gjetjeve fillestare, një person kërcënoi oficerët e policisë me një sëpatë dhe një mjet ndezës. Më pas policia përdori armët e zjarrit. Agresori u plagos dhe aktualisht është duke marrë trajtim mjekësor”.

Rreth 40,000 tifozë ishin Hamburg duke marshuar në mënyrë paqësore në momentin që ndodh incidenti.

Komisariati i Policisë Kukës, në vijim të punës për lokalizimin dhe kapjen e shtetasve të shpallur në kërkim, ka kapur dhe ndaluar shtetasin A. H., 32 vjeç, banues në Kukës, i shpallur në kërkim për veprat penale “Plagosja e rëndë me dashje” dhe “Kanosja për shkak të detyrës”, pasi më datë 16.05.2024, ka kanosur dhe goditur me grusht, për shkak të detyrës, mjekun D. R., 58 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

Franca ka nisur sot një hetim ndaj një djali 8-vjeçar, i cili shkoi në shkollë me dy thika dhe dyshohet se ka kërcënuar me vdekje mësuesin e tij dhe oficerët e policisë, njoftoi sot Agence France-Presse.

I mituri do të hetohet për kërcënim me vdekje, posedim të armëve dhe futjen e armëve në shkollë.

Nxënësit e shkollës informuan një mësuese për kërcënimet e bëra nga 8-vjeçari, në çantën e të cilit u gjetën dy thika.

8-vjeçari, si dhe prindërit e tij, kanë mohuar akuzat.

“Mosha e tij pengon çdo ndjekje penale ndaj këtij fëmije, për të cilin psikologë dhe psikiatër specialistë do të na tregojnë se çfarë mund të zbulojnë për personalitetin dhe nevojat e tij”, shpjegoi David Sarmatz, drejtori i shkollës.

Policia në Sllovaki ka zbuluar se ka arrestuar një burrë, i cili kishte kërcënuar se do të kryente një masakër të ngjashme me të shtënat masive të së enjtes në Pragë.about:blank

Mësohet se një 64-vjeçar u mbajt në qytetin verior të Zilina pasi ai thirri shërbimet e urgjencës duke pretenduar se kishte ndërmend të bënte “atë që ndodhi në Pragë”.

Ai tani përballet me ndjekje penale për përhapjen e alarmit,duke rrezikuar një dënim maksimal prej dy vitesh burg.

Kujtojmë se të enjten një student hapi zjarr në një universitet të Pragës, duke vrarë 14 persona dhe duke plagosur dhjetëra të tjerë.

I riu që kërcënoi me jetë kryeministrin belg, Alexander de Croo, është arrestuar pasditen e sotme në Norvegji.

“Sam H. u arrestua në Norvegji. Që nga mëngjesi i sotëm, burri ishte në kërkim pasi u transmetua një video në të cilën ai kërcënonte se do të vriste kryeministrin Alexander De Crook”, shkruaj në mediat e huaja.

Në videon e publikuar në rrjetet sociale, 30-vjeçari shfaqet i veshur me të zeza, duke mbajtur një armë dhe duke synuar foton e kryeministrit belg që e ka ngjitur në një trung peme.

Më herët prokuroria në deklaratën e saj tha se “30-vjeçari është ish-ushtarak i larguar së fundmi nga ushtria. Disa nga fjalët janë kërcënime ndaj kryeministrit belg dhe/ose anëtarëve të qeverisë”.