Itali- Një shqiptar mbajti peng banorët e një ndërtese në Itali për disa dhjetëra minuta, duke kërcënuar se do të shpërthente bombolat e gazit. U desh ndërhyrja e karabinierëve pas dështimit të negociatave për ta arrestuar.

Incidenti ndodhi mbrëmjen e sotme në Acate të italisë. Shqiptari, dyshohet me probleme të shëndetit mendor, nisi të kërcënojë të banorët se do ta hidhte në erë ndërtesën.

U deshën gjashtë anëtarë të karabinierëve për ta neutralizuar dhe për ta trajtuar nga ndihmësit mjekësorë. Fatmirësisht, përveç panikut të banorëve, asnjë nuk u lëndua.

Pretendimet e Ukrainës ndaj Perëndimit për ta lejuar atë të godasë Rusinë brenda territori të saj me armë perëndimore janë të barabarta me shantazh, tha sot Ministri i Jashtëm rus.

Sergei Lavrov përmendi kërcënimin e armëve bërthamore ruse, duke theksuar se Rusia po “përmirëson” doktrinën e saj të armëve bërthamore dhe se është e rrezikshme për fuqitë bërthamore perëndimore të “luajnë me zjarrin”.

Një ngjarje e rëndë kriminale është parandaluar në fshatin Zhapokikë në Memaliaj. Mësohet se një burrë ka kërcënuar me sëpatë gruan në familje. Si pasojë,61-vjeçari është arrestuar në flagrancë nga policia.

Sakaq, është sekuestruar edhe mjeti prerës, sëpata.

Njoftimi i Policisë:

Ndërhyrja në kohë e Policisë parandalon një ngjarje të mundshme kriminale në një familje.

Kanosi me mjet prerës (sëpatë), bashkëshorten e tij, arrestohet në flagrancë 61-vjeçari.

Sekuestrohet mjeti prerës (sëpatë).

Shërbimet e Stacionit të Policisë Memaliaj, pas marrjes së njoftimit se një shtetase ishte kanosur për jetën, me mjet prerës, nga bashkëshorti i saj, kanë organizuar punën për parandalimin e ngjarjes së mundshme kriminale dhe arrestimin e shtetasit përgjegjës.

Si rezultat i veprimeve të shpejta policore, u kap në flagrancë dhe u vu në pranga shtetasi 61 vjeç, banues në fshatin Zhapokikë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Zëvendësministri i Jashtëm rus Sergey Ryabkov tha se ai nuk e përjashton mundësinë që Moska të vendosë sisteme raketore bërthamore si përgjigje ndaj vendosjes së planifikuar të raketave me rreze të gjatë veprimi të Shteteve të Bashkuara në Gjermani.

“Në këtë situatë, duke marrë parasysh tërësinë e vendeve anëtare të NATO-s, ne duhet të kalibrojmë përgjigjet tona pa përjetuar ndonjë kufizim të brendshëm, si të thuash, në lidhje me atë se çfarë, ku dhe kur është e mundur, e nevojshme dhe nëse ato duhet të jenë dislokuar”, tha zëvendësministri.

Më parë, Shtëpia e Bardhë njoftoi planet e saj për të filluar ngritjen e aftësive të zjarrit me rreze të gjatë në Gjermani duke filluar nga viti 2026.

Ministri i Jashtëm rus Sergey Lavrov e konsideroi këtë masë “të turpshme”, ndërsa zëdhënësi i Kremlinit, Dmitry Peskov paralajmëroi se vendimi mund të çojë në një Luftë të Ftohtë midis Rusisë dhe vendeve perëndimor

Me kërcënime ndaj efektivëve të policisë e ka nisur fjalën e tij në protestën para bashkisë Tiranë Belind Këlliçi. Ndonëse efektivët janë pozicionuar për të ruajtur sigurinë dhe për të shmangur incidentet në protestë, Këlliçi ka kërcënuar policët dhe drejtuesit e tyre se do të merret personalisht me ta. Me një zhargon rruge, Këlliçi iu drejtua policëve duke u thënë se jeta është e gjatë.
“Do të paguani 1 për 1 për dhunën ndaj protestuesve dhe deputetëve të PD. Çdo oficeri i policisë së shtetit e ka personale me qytetarët dhe PD. Ta dini mirë Met Rrumbullaku, Tonin Vocaj… Jeta është shumë e gjatë”, tha Këlliçi.

\

Zëvendëskryetari i Këshillit të Sigurimit të Rusisë Dmitry Medvedev beson se është e nevojshme që Rusia tu përgjigjet sanksioneve perëndimore. Në kanalin e tij Telegram, ai bëri thirrje për tua kthyer jetën në Perëndim në një “makth të plotë”, duke shkaktuar dëme maksimale për vendet armiqësore.

“Çdo ditë ne duhet të përpiqemi të dëmtojmë maksimalisht ato vende që vendosën këto kufizime kundër vendit tonë dhe të gjithë qytetarëve tanë”, tha nënkryetari i Këshillit të Sigurimit të Federatës Ruse.

“Ne duhet të shkaktojmë dëme kudo, të paralizojmë punën e kompanive dhe organeve të tyre qeveritare.

Të shkaktojmë probleme në teknologjitë e tyre më të rëndësishme dhe t’i godasim pa mëshirë, duke shkatërruar fjalë për fjalë energjinë, industrinë, transportin, shërbimet bankare dhe sociale.”

Ministria e Jashtme ruse ka paralajmëruar Perëndimin se po luan me zjarrin duke lejuar Ukrainën të përdorë raketa dhe armë perëndimore për të synuar Rusinë dhe se Moska nuk do ta lërë një veprim të tillë pa përgjigje.

Zyra e Jashtme tha në një deklaratë se sheh dorën e Shteteve të Bashkuara dhe Britanisë pas valës së fundit të sulmeve dhe fajëson Uashingtonin dhe Londrën për përshkallëzimin e konfliktit duke i dhënë Ukrainës lejen për të përdorur raketa me rreze të gjatë dhe armatim të rëndë që ata kanë furnizuar, kundër objektivave ruse.

Kryeministri izraelt, Benjamin Netanyahu ka deklaruar se nuk do të ndalen inkursionet e fundit të ushtrisë izraelite në Rripin e Gazës gjatë një ceremonie shtetërore për kujtimin e “viktimave të terrorizmit” më 7 tetor.

“Ne nuk i harrojmë pengjet, as për një sekondë,” tha ai, duke premtuar se do t’i kthejë të gjithë të mbajtur në Gaza, të gjallë apo të vdekur, shkruan Al Jazeera.

Por Netanyahu theksoi se goditja e enklavës së rrethuar do të vazhdojë, pasi “vrasjet dhe mbështetësit e tyre” tani “po vuajnë zemërimin tonë në të gjithë Rripin e Gazës”.

Me tone të ashpra kreu i PL-së, Ilir Meta, këmbënguli në Partinë e Lirisë ka nepotizëm. Në fjalën e tij në mbledhjen e Komitetit Drejtues Kombëtar tha se më 27 prill do të ekzekutojnë nepotizmin.

Ai u shpreh i bindur se në kryesinë e Partisë së Lirisë nuk do të ketë dy njerëz nga e njëjta familje. Sipas tij, do jetë vota që do të vendosë kush do të qëndrojë në kryesi, ai apo Kryemadhi.

Meta tha se problemi kryesor në PL nuk është Monika Kryemadhi, por janë disa persona që sipas tij kanë përdorur lidhjen mes saj dhe Metës për të mos marrë përgjegjësi.

“Më vijnë në zyrë e më thonë se kemi hallin e Monës, çfarë po i ndodh Monës? Mona është zemra jonë, është deputete, mund të jetë prapë deputete, nuk ka asnjë problem. Nuk është problem i Monës problem më i madh në parti. Ata nuk kanë hallin e Monës, po kuptojnë që në parti po fillon rregulli. Për të gjitha ata që kanë hallin e Monës, Mona është yll bote. Mbase mbas statutit mund të votohet për në Kryesi dhe unë me shumë kënaqësi do vijoj të shërbej në komisionin e bujqësisë, por kjo historia e Monës nuk është e Monës, por e atyre që kërkojnë që në këtë parti të ketë kaos, të ketë kakofoni, të mos ketë llogaridhënie, organizim, axhendë, afate, lista të qarta votuesish. Me sa duket u pëlqen të rrinë në opozitë.

Këtu nuk është problemi të rrimë në opozitë, por për të shpëtuar Shqipërinë nga një bandë që ka zënë për fyti dhe kërkon të përzërë këta të rinjtë që kanë mbetur.

Partia do të ketë demokraci maksimale që të flasë kushdo dhe të dëgjohet, ama kur vjen tek vendimet që merren me vendim në mënyrë demokratike, pastaj ka ekzekutim vendimesh”, tha Meta.

Duke e cilësuar nepotizmin një problem madhor, që ka përfshirë jo vetëm partinë e tij por edhe institucione shtetërore dhe SPAK-un, Meta foli për përpjekje për izolimin e tij.

“Njeriu që kujdesesh për imazhin tim për ta izoluar Ilir Metën për ta futur në kuadrate. Në 27 prill ekzekutojmë nepotizmin, jo njerëzit, ne ekzekutojmë fenomenin se nuk mund të jetë më biznes familjar dhe ne kemi shumë raste të nepotizmit. Ka mendim të mirë për SPAK-un kohët e fundit dhe reformën në drejtësi për ramaformën. Por kulmi i nepotizmit është në drejtësi. Në një prokurori 7 veta nga një familje. Japim sot shembullin se kështu do të jemi nesër në qeverisjen e vendit. Rrethimi i vogël i Ilir Metës mbaroi”.

Një i moshuar në Pogradec është nën hetim pasi kërcënoi me thikë katër të mitur.

Fëmijët ishin të moshave 14-16 vjeç.

“Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasin T. S., 70 vjeç, banues në Pogradec, pasi në lagjen nr. 3, Pogradec, ka kanosur me mjet të mprehtë, për motive të dobëta, 4 shtetas të mitur, 16 vjeç, 14 vjeç, 15 vjeç dhe 16 vjeç, banues në Pogradec”, thuhet në njoftimin e policisë.

Në cilësinë e provës materiale u sekuestrua mjeti i mprehtë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.