Shirat e rrëmbyeshëm dhe përmbytjet kanë vrarë të paktën 33 njerëz në Kinshasa, kryeqyteti i Republikës Demokratike të Kongos.

Banorët e dëshpëruar po përpiqen të ikin nga përmbytjet duke ecur, duke notuar ose duke vozitur për të siguruar sigurinë me kanoe të bëra vetë

Përmbytjet janë të zakonshme, lumi kohët e fundit arriti nivelin e tij më të lartë në gjashtë dekada. Pjesë të kryeqytetit janë të prirura ndaj erozionit të tokës dhe vitet e fundit presidenti kongolez ka paralajmëruar se kriza klimatike po i përkeqëson përmbytjet .

Shumë shtëpi në Kinshasa perëndimore u shkatërruan pas përmbytjeve gjatë natës nga e premtja në të shtunën.

Rreth gjysma e 26 rretheve të qytetit janë prekur në total, sipas kryebashkiakut të kryeqytetit, i cili thotë se ekipet e kërkim-shpëtimit janë dërguar.

Më të prekura janë periferitë e qytetit si dhe disa nga lagjet e tij më të varfra.

“Uji ka arritur 1.5 metra lartësi. Ne sapo kemi arritur të shpëtojmë veten, pjesa tjetër është bllokuar në shtëpitë tona,” tha Christophe Bola, i cili jeton në zonën Ndanu për agjencinë e lajmeve AFP.

Banorë të tjerë vendas u kanë thënë gazetarëve se janë të zemëruar me autoritetet, duke i akuzuar se janë shumë të ngadaltë për të reaguar dhe se nuk kanë dërguar ndihmë të mjaftueshme.

Koreja e Jugut po përballet me reshje të dendura dëbore për të dytën ditë radhazi.
bora

Mediat në Seul raportojnë se nga moti i keq kanë humbur jetën të paktën pesë persona, janë anuluar dhjetëra fluturime dhe janë pezulluar shërbimet e trageteve.

Trashësia e dëborës arriti mëngjesin e sotëm në Seul deri në 40 centimetra, megjithatë ekspertët e motit hoqën sot paralajmërimin për reshje dëbore të dendura në kryeqytetin e Koresë së Jugut.

Sakaq sipas shërbimit meteorologjik të vendit, alarmi mbetet në fuqi për zona të tjera të Koresë së Jugut.

Katër nga pesë viktimat raportohet se humbën jetën nga shembja e çatisë, si pasojë e peshës së madhe të dëborës, ndërsa viktima e pestë erdhi si pasojë e një aksidenti rrugor për shkak të ngricave. Sipas ministrisë së brendshme, gjithsej 156 fluturime u anuluan, 104 tragete ndërprenë lundrimin, ndërsa u raportua gjithashtu për vonesa të trenave.

Aeroporti kryesor i Seulit, Incheon, u godit më rëndë, me pasagjerët që u përballën me vonesa mesatarisht prej dy orësh , ndërsa 31% e fluturimeve u vonuan dhe 16% u anuluan sot, sipas faqes së internetit të gjurmimit të fluturimeve Flightradar24.

Këtë vit në Korenë e Jugut 28 persona kanë humbur jetën nga i nxehti ekstrem, njoftoi Agjencia Koreane e Kontrollit dhe Parandalimit të Sëmundjeve (KDCA).

KDCA njoftoi se nga 20 maji e deri më tani janë regjistruar 3.019 raste me probleme shëndetësore të lidhura me temperaturat e larta.

Sipas agjencisë, nga nxehti ekstrem këtë vit deri më tani kanë humbur jetën 28 persona.

Nga ana tjetër, në deklaratën e bërë nga Administrata Meteorologjike e Koresë së Jugut, paralajmërohet se vala e të nxehtit mund të vazhdojë deri në fillim të shtatorit.

Administrata njoftoi më 24 qershor se u thye rekordi i temperaturës duke e regjistruar muajin qershor si “qershori më i nxehtë”, i cili ishte regjistruar më parë në vitin 2018.

Në deklaratë thuhet se është dhënë alarm në 92 rajone në gjithë vendin, përfshirë kryeqytetin Seul, për shkak të të nxehtit ekstrem.

Të paktën 35 persona kanë mbetur të vrarë dhe 230 të tjerë janë plagosur, pasi një stuhi e fortë ka goditur qytetin e Jalalabad dhe rrethinat e tij në Afganistanin lindor.

Shefi i departamentit të Informacionit, paralajmëroi se numri i viktimave mund të rritet.

Ndërsa të lënduarit janë transportuar në spital ku edhe po marrin trajtim mjekësor.

“Shërbimet e urgjencës gjetën një trup të pajetë dhe vazhduan kërkimin për dy persona të tjerë të zhdukur pas përmbytjeve dhe rrëshqitjeve të dheut në jug të Zvicrës”, raportojnë mediat e huaja.

Policia tha se rreth 200 njerëz, dronë, helikopterë dhe qen shpëtimi u dërguan në përpjekje për shpëtim dhe pastrim pasi shirat e dendur shkaktuan përmbytje në luginën Misox në kantonin Grisons

“Tre persona ishin raportuar të zhdukur. Trupi i një personi u gjet në një lumë”, u tha gazetarëve komandanti i policisë lokale William Kloter. 

Pasditen e djeshme, Torino u godit nga një stuhi breshëri e cila preku kryesisht zonën veriore të qytetit, midis rretheve Sassi, Barriera di Milano, Madonna di Campagna dhe San Donato.

Mediet italiane raportojnë se moti i keq shkaktoi probleme pasi solli përmbytjen e rrugëve dhe ngadalësimin e trafikut.

Disa pemë ranë dhe uji arriti në nivelin e dyerve të makinave, veçanërisht përgjatë Corso Novara.

Më tej, pranë Corso Gamba u përmbytën bodrumet e disa shtëpive.

Breshëri zbardhi rrugët duke bërë të dukej si një skenë dimri ndërsa meteorologët u habitën nga rreth 80 mm shi që ranë brenda një ore.

Ata nuk kishin shpjegime për fenomenin e papritur natyror i cili nuk kishte ndodhur më parë në këtë qytet në prag të sezonit veror.

Temperaturat ranë në 10°C teksa rrugët u mbushën me akull për shkak të breshërit. Situata u qetësua pas disa orësh teksa banorët dhe punonjës të bashkisë nisën pastrimin e breshërit nga rrugët dhe sheshet e qytetit.

Reshje të shumta shiu shoqëruar me breshër janë regjistruar pasditen e sotme në dy fshatra të njësisë administrative Leskovik.

Bëhet fjalë për fshatrat Gërmenj dhe Shelegur, breshër që ka shkaktuar dëme të shumta në drufrutore dhe kultura bujqësore.

Dëmet me të mëdha kanë qenë në qershi dhe kumbull si dhe kultura bujqësore prashitëse.

Mot i paqëndrueshëm pritet të jetë prezent gjatë gjithë javës në zona të ndryshme të juglindjes së vendit, ku temperaturat do të shkojnë deri në 5 gradë celsius.