Për fëmijët …

Jil — Wed, 26 Jan 2022 10:12:17 +0000

Fëmijët e tu nuk janë fëmijët e tu.Janë bijtë dhe bijat e dashurisë së Jetës për veten. Vijnë përmes teje, por jo prej teje, dhe ndonëse janë me ty, nuk të përkasin ty. Mund t’u japësh dashurinë, por jo mendimet e tua, pasi kanë mendimet e tyre. Mund të strehosh trupat e tyre, por jo shpirtrat, pasi shpirtrat e tyre banojnë në shtëpinë e së nesërmes, atë të cilën ti s’e shkel dot as në ëndrrat e tua. Ndoshta mund të përpiqesh si ta të bëhesh,por mos u rrek si veten t’i bësh. Se jeta nuk ecën mbrapsht, as të nesërmen rri e pret. Ti je harku prej të cilit fëmijët nisen përpara si shigjeta të gjalla.Harkëtari sheh shenjën në shtegun e pafundësisë,Ai të përkul me fuqinë e tij që shigjetat e tij të nisen shpejt dhe larg. Le të jetë gëzim përkulja jote në dorën e harkëtarit,sepse siç dashuron shigjetën që fluturon, edhe harkun që rri në vend njësoj e dashuron.

Nga Khalil Gibran (1883-1931)

Jeto I Lumtur

Të kthehet mbrapa e të pamundur.

Jil — Tue, 07 Dec 2021 14:59:56 +0000

Të kthehet mbrapa e ka edhe më të pamundur. Thonë se lumi, para se të derdhet në oqean, dridhet nga frika. Shikon pas gjithë udhëtimin e bërë: kodrat, malet, liqenin, rrugën dredha-dredha që ka çarë përmes pyjeve dhe fshatrave, dhe krenohet; por, kur shikon përpara oqeanin aq të madh, ku do të hyjë dhe do të zhduket përgjithmonë, tmerrohet…
Por nuk ka ç’të bëjë… lumi kurrsesi nuk mund të ndalet dot. Të kthehet mbrapa e ka edhe më të pamundur. Kësisoj, lumi detyrohet të pranojë fatin e vet dhe të hyjë në oqean. Duke hyrë në oqean, lumit, befas, frika i ikën, sepse vetëm atëherë kupton se ai nuk zhduket por bëhet oqean.

Khalil Gibran

Jeto I Lumtur

Khalil Gibran – JiL.al | Informohu – Frymëzohu – Jeto i Lumtur

Për fëmijët …

Të kthehet mbrapa e të pamundur.