Një ngjarje tragjike ka ndodhur në Kinë, ku si pasojë e një zjarri në një firme qymyri humbën jetën të paktën 25 persona dhe u plagosën shumë të tjerë. Ngjarja ndodhi në Kinën veriore.about:blank

Sky News raporton po ashtu se dhjetëra punëtorë të tjerë mbetën të plagosur. Flakët përfshinë ndërtesën katërkatëshe të kompanisë Yongju Coal, në qytetin Lvliang.

Zyrtarët u shprehën se shërbimet e urgjencës arritën të evakuonin 63 persona. Shërbimet zjarrfikëse arritën ta vinin zjarrin në kontroll disa orë më vonë. Ende nuk dihet shkaku i këtij shpërthimi, ndërsa kujtojmë që aksidentet industriale në Kinë janë bërë të shpeshta muajt e fundit.

Temperaturat në Kinë po përvëlojnë popullësinë, ndaj qeveria jep urdhër për punonjësit e Pekinit në ambjente të jashtme natyre të pëzullojnë përkohësisht punën.

Meteorologët njoftojnë se temperatura në kryeqytet do të arrinte 40 gradë Celsius.

Departamentet qeveritare janë urdhëruar të sigurojnë që të moshuarit dhe të sëmurët të mund të qëndrojnë në dhoma të freskëta.

Në qytetin ku jetojnë 22 milionë banorë, është shpallur “alarmi i kuq”, niveli më i lartë i sistemit të paralajmërimit për temperatura ekstreme, raporton AP.

Qeveria njoftoi të hënën se Pekini kishte regjistruar 10 ditë temperatura mbi 35 gradë Celsius, brezi më i gjatë i tillë që nga viti 1961.

Në të njëjtën kohë, përmbytjet detyruan mijëra njerëz të largoheshin nga shtëpitë e tyre në Kinën jugore.